23-07-2011, 10:54 AM
|
#1
|
مقاطع جديد
رقـم العضويــة: 17505
تاريخ التسجيل: Jun 2011
المشـــاركـات: 23
|
أسواق الضاحية بالجبيل البلد اللي بجنب محطة الشعله
بسم الله الرحمن الرحيم
السلام عليكم ورحمة الله وبركاته
إخواني وأخواتي سكان محافظة الجبيل البلد أو الصناعية
أنا أحذركم من التعامل مع أسواق الضاحية اللي بشارع الجبل اللي بجنب محطة الشعله
واللي ملزم يبي يشتري لابد يشيك على الفاتوره ويقارنها بالأسعار المعروضه
وغير هذا وذاك اذا بيشتري شي من الثلاجه زي الحليب أو اللبن لازم يفكه قبل مايشتريه
ويشم ريحته لأن صار لي موقفين في وقت واحد
يوم الخميس اللي راح الموافق 20/08/1432هـ
شريت حليب نادك أبو ريال وشريت ربطة كاسات بلاستيك
يوم إني جيت أحاسب تفاجأت بالفاتوره فيها زياده
شيكت على الفاتوره حصلت مكتوب في الفاتوره كاسات البلاستيك بـ 2.5 ريالين ونصف
ومكتوب على الكيس حق الكاسات 1.95 ريال وخمس وتسعون هلله
يوم اني حشرت المحاسب رجع لي نص ريال
المهم وانا في السياره فكيت الحليب أبي أشربه بعد ماشربت نص العلبه < كان عندي حموضه
تفاجأت بالطعم الخاااااااااااايس خمااااااااااااج على ريحه الله لا يوريكم مع إن تاريخ الإنتهاء
باقي عليه يومين ينتهي في تاريخ 22/08/1432هـ يعني اليوم ينتهي
رجعت لهم قال لي العامل اليماني وأنا وش أسوي لك
قلت طيب بتعرف وش تسوي مع البلديه روحت لمبنى البلديه كان الوقت الساعه 11 بالليل
ولا حياة لمن تنادي هذا وحنا نسمع إن فيه مناوبين بالليل
المهم روحت قسم الشرطه وكان فيه 2 ضباط موجودين وشرحت لهم الوضع وقالوا
روح للعمليات ورانا ويعطونك رقم المناوب
إتصلوا على المناوب وجاني عند مركز الضاحيه وشيك على برودة الثلاجه طلعت 20 درجه
والمفروض 10 درجات
سوا فيهم محضر وسوو حجز للي باقي في الثلاجه
طبعا لا يخفى عليكم إن المركز بإسم واحد من عائلة البوعينين
وطبعا الواسطه بتمشي في البلديه والله يعين بس
آسف طولت عليكم لكن هذا للتنبيه
إليكم الصور
صورة الفاتوره :
وواضح بالصوره اللي فوق الحليب اللي شريته
صورة تاريخ إنتهاء الحليب :
واضح تاريخ الإنتهاء في 22/08/1432هـ
صورة الكاسات البلاستيكيه وقارنوها مع الفاتوره أعلاه :
لذا آمل من الله ثم منكم مقاطعة هذا التاجر المتلاعب وخلوه يجرب الفقر
والله يرعاكم
|
|
|
|
|
|
|