منتدى مقاطعة - أسواق الضاحية بالجبيل البلد اللي بجنب محطة الشعله

بسم الله الرحمن الرحيم

السلام عليكم ورحمة الله وبركاته

إخواني وأخواتي سكان محافظة الجبيل البلد أو الصناعية

أنا أحذركم من التعامل مع أسواق الضاحية اللي بشارع الجبل اللي بجنب محطة الشعله

واللي ملزم يبي يشتري لابد يشيك على الفاتوره ويقارنها بالأسعار المعروضه

وغير هذا وذاك اذا بيشتري شي من الثلاجه زي الحليب أو اللبن لازم يفكه قبل مايشتريه

ويشم ريحته لأن صار لي موقفين في وقت واحد

يوم الخميس اللي راح الموافق 20/08/1432هـ

شريت حليب نادك أبو ريال وشريت ربطة كاسات بلاستيك

يوم إني جيت أحاسب تفاجأت بالفاتوره فيها زياده

شيكت على الفاتوره حصلت مكتوب في الفاتوره كاسات البلاستيك بـ 2.5 ريالين ونصف

ومكتوب على الكيس حق الكاسات 1.95 ريال وخمس وتسعون هلله

يوم اني حشرت المحاسب رجع لي نص ريال

المهم وانا في السياره فكيت الحليب أبي أشربه بعد ماشربت نص العلبه < كان عندي حموضه

تفاجأت بالطعم الخاااااااااااايس خمااااااااااااج على ريحه الله لا يوريكم مع إن تاريخ الإنتهاء

باقي عليه يومين ينتهي في تاريخ 22/08/1432هـ يعني اليوم ينتهي

رجعت لهم قال لي العامل اليماني وأنا وش أسوي لك :blink:

قلت طيب بتعرف وش تسوي مع البلديه روحت لمبنى البلديه كان الوقت الساعه 11 بالليل

ولا حياة لمن تنادي هذا وحنا نسمع إن فيه مناوبين بالليل

المهم روحت قسم الشرطه وكان فيه 2 ضباط موجودين وشرحت لهم الوضع وقالوا

روح للعمليات ورانا ويعطونك رقم المناوب

إتصلوا على المناوب وجاني عند مركز الضاحيه وشيك على برودة الثلاجه طلعت 20 درجه

والمفروض 10 درجات

سوا فيهم محضر وسوو حجز للي باقي في الثلاجه

طبعا لا يخفى عليكم إن المركز بإسم واحد من عائلة البوعينين

وطبعا الواسطه بتمشي في البلديه والله يعين بس

آسف طولت عليكم لكن هذا للتنبيه

إليكم الصور

صورة الفاتوره :

http://alfaris.net/up/72/alfaris_net_1311406629.jpg

وواضح بالصوره اللي فوق الحليب اللي شريته

صورة تاريخ إنتهاء الحليب :

http://alfaris.net/up/72/alfaris_net_1311407503.jpg

واضح تاريخ الإنتهاء في 22/08/1432هـ

صورة الكاسات البلاستيكيه وقارنوها مع الفاتوره أعلاه :

http://alfaris.net/up/72/alfaris_net_1311407628.jpg

لذا آمل من الله ثم منكم مقاطعة هذا التاجر المتلاعب وخلوه يجرب الفقر

والله يرعاكم