حتى محل ابو فتحة وحدة يرفع الاسعار ...قمة المهزلة

**ستيف جورج التميمي** · 11-09-2007, 02:51 AM

انا رحت اليوم مع واحد من الشباب مدح لي مطعم قال يؤ يؤ لو تأكل منه ما تتخلي طعمه قلت يا ولد وشو ذا المطعم
قال احسن شي عنده الحمـــص قلت اوكيه نروح اليوم .
وانا ساكن في البديعة وقلت له وين المحل قال في الصناعية القديمة

قلت ما اخبر هناك مطاعم يا ابو شباب كلها سمكرة في سمكرة
قال انت ما تعرف انت وخشتك قلت سم ابشر ولا يهمك (( بالعربي انطميت وسكت

)) ورحنا وانواع زحمة مع اني رايح بعد صلاة العشاء بشوي .
المهم من شارع في شارع وكل شوي تصغر الشوارع وانا اقول في نفسي الله يستر
واخييـــــر وصلنا للمطعم عفووووا ً طلع بوفية اسمها (( بوفية النقاء ))
وانا اتئمل في المحل واشوف الا محل ابو فتحة وحدة يؤ يؤ واللوحة قديييمة يؤ يؤ والله الي توهقت (( إلى الان ساكت )) ودخلنا للبوفية
جينا بنطلب طلع ما عنده الا فول وحمص !!!

ولا فيه محلي ولا شي يعني بالعربي احمد ربك انك تشتري مني
المهم قلنا عطنا 2 صحن حمص صغير
يوم جيت باحاسب واناظر الا الحساب بــ 10 ريال ؟؟؟؟؟
على ايش يا ابو بنقلادش على ديكور ولا على كبرالمحل ولا على كثر العمال ولا ارتباط حمصك بانخفاض الدولار انا مستغرب والله يا جماعة ان صحن صغــــير يباع في مطاعم مو البوفيهات على رياليين .
وطبعا ًً وبعد مشوار وعناء والذهاب لمطعم اخر وذهابنا للبيت الا ساعة متاخرة والعشى برد
واخر شي طلع الحمص عاااااااااااااادي نفس حمص ابو زكي تقريبا.

لكن والله العجب والغريب في اذواق الناس (( لاتصدق احد عقب سالفتي وخذ درس من سالفتي ))
وعلى محل فتحة وحدة ويبيع كذا.
لا حول ولا قوة الا بالله العظيم

لا تقولون لي وش قلت لخويك عقب كل هل المشوار والتعب

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
الانتقال إلى العرض العادي الانتقال إلى العرض المتطور العرض الشجري