حتى محل ابو فتحة وحدة يرفع الاسعار ...قمة المهزلة
 

انا رحت اليوم مع واحد من الشباب مدح لي مطعم قال يؤ يؤ لو تأكل منه ما تتخلي طعمه قلت يا ولد وشو ذا المطعم
قال احسن شي عنده الحمـــص قلت اوكيه نروح اليوم .
وانا ساكن في البديعة وقلت له وين المحل قال في الصناعية القديمة :( قلت ما اخبر هناك مطاعم يا ابو شباب كلها سمكرة في سمكرة
قال انت ما تعرف انت وخشتك قلت سم ابشر ولا يهمك (( بالعربي انطميت وسكت :D )) ورحنا وانواع زحمة مع اني رايح بعد صلاة العشاء بشوي .
المهم من شارع في شارع وكل شوي تصغر الشوارع وانا اقول في نفسي الله يستر
واخييـــــر وصلنا للمطعم عفووووا ً طلع بوفية اسمها (( بوفية النقاء ))
وانا اتئمل في المحل واشوف الا محل ابو فتحة وحدة يؤ يؤ واللوحة قديييمة يؤ يؤ والله الي توهقت (( إلى الان ساكت )) ودخلنا للبوفية
جينا بنطلب طلع ما عنده الا فول وحمص !!! :(
ولا فيه محلي ولا شي يعني بالعربي احمد ربك انك تشتري مني
المهم قلنا عطنا 2 صحن حمص صغير
يوم جيت باحاسب واناظر الا الحساب بــ 10 ريال ؟؟؟؟؟
على ايش يا ابو بنقلادش على ديكور ولا على كبرالمحل ولا على كثر العمال ولا ارتباط حمصك بانخفاض الدولار انا مستغرب والله يا جماعة ان صحن صغــــير يباع في مطاعم مو البوفيهات على رياليين .
وطبعا ًً وبعد مشوار وعناء والذهاب لمطعم اخر وذهابنا للبيت الا ساعة متاخرة والعشى برد
واخر شي طلع الحمص عاااااااااااااادي نفس حمص ابو زكي تقريبا.

لكن والله العجب والغريب في اذواق الناس (( لاتصدق احد عقب سالفتي وخذ درس من سالفتي ))
وعلى محل فتحة وحدة ويبيع كذا.
لا حول ولا قوة الا بالله العظيم :(:(
:D:D لا تقولون لي وش قلت لخويك عقب كل هل المشوار والتعب :D:D

:d الا وش قلت لخويك

بالعافيه
بس العشى الثاني وشو

ستـيف جورج ..

هلا وغـلا .. أجل سـّلم على خوّيك وقلّ له تعال أنا عازمك على فرعهم الثاني
ويعتبر راقي جـداً إذا قارنت بين الأثنين وهو في الملز تقاطع شارع الستين مع شارع الجامعة
قبل غرناطة للرياضة يمين واتجه على طول يجيك حرف T لف يمين 30 متر على يدك اليسار
وراح تدعي لي .. ولا تحكم إلا بعد التجربة في المحل الجديد لأنه يفرق في الديكور وفي النظافة
ومافيه ولا ( بنقلاديشي ) واحد وأنت الحكم بعد كذا .. ;)

ههههههههههههههه:D
الدائرة المستطيلة خلالالالاص حرمنا ندخل مطاعم مع الاشكال هذي
وعموما تراه غالي وما يستاهل الواحد يتعنى له
ومشكور والله ما قصرت على التوصيف الواضح لكن بالنسبة لي ما راح اروح بتاتا:(

النقاء معروف وحمصهم لا يعلى عليه .. لكن الناس أذواق .. ولولا اختلاف الأذواق لبارت السلع .. تحياتي

هلا ابن عمي /صقر تميم
انا ما قلت ان المطعم حمصة مو زين عفوا قصدي البوفية انا اقول ما يستاهل اني اروح واتعنى له وكل هل زحمات ويرتفع ظغطك علشان محل فتحة وحدة ولا فيه مكان تجلس فيه والنظافة ما فيه اي نظاااافة ولا فيه الا مقبلات وفوووول !!!!
انا بالنسبة لي مستحيل اررروح من البديعة الا الصناعية علشان حمص !!!
واشكرك على رائيك وانا احترمه من كل قلبي