السلام عليكم

تعرفون شنو عيب الناس انهم يحسبون انه وجوه وباريس غاليري وغيرها من المحلات بس هم اللي يجيبون جديد يعني انا كنت بشتري عطر اول شيء رحت شفته بالمصباح بالراشد وقال سعره الأصلي 397 بس هو يخفض على طول وقال 325 وبعدين نزلت لمحل ثاني اسمه لوديلج <شي زي كذا ^_^ المهم و خذيته 310 تخيلوا فرق صديقتي قالت سألت عنه بوجوه قال لها 397 يعني سعره الأصلي .. صديقتي ما تدري تحسب انه هذي المحلات ما تجيب عطور جديده ^_^

على العموم لا يغركم مظهر المحلات في محلات محترمه وما تنصب عليكم و اللي يبوعون فيها مو رافعين خشمهم و يبعيونكم بسعر رخيص بعد ....

في امان الله

المشاركة الأصلية كتبت بواسطة باسم

اما وجوه جبتيها والله !!!!!

وربي اني اخذت منهم عطر رمضان الي فات وقالي ب260 ريال .

المهم اخذته وكنت مسافر ولقيت نفس العطر معروض في مبيعات الخطوط السعوديه بسعر 200 ريال بس ...

وربي انقهرت وتمنيت اني زي عدنان يوم ينقز من الطياره عشان لينا بس اني ابي انقز على وجوه عشان اشق وجه اللبناني مدري السوري الي باعني اياه ..

الى الحين وربي قاهرني الله لا يوفقهم ..

وجوه حرامي والعاملين عنده ياخذون نسبه عشان كذا ينطون على كل واحد يدخل ويتهاوشون عليه
اجل يوم اني بالسوق اشتريت بلاش من عندهم من نينا ريتشي بـ 160 ريال ويقولي هيدا وهيدا ولمن رحت لقزاز واللي يبعد عنه مترين لقيته عنده بـ145 والمشكله ماخذه حبتين لي ولأختي وعصبت ورجعت ارجعه لهم واشتريته من قزاز وضاق صدره هالزلمه وقفلت معه .. والله لو انها ريال تفرق المهم انه مايستغفلني ..

صح صح

فيه عطر لقيته بالسويلم بـ 280 وهو عطر فرساتشي الجديد
واختي شاريته اعتقد من فافوم بـ 390 ريال !!

لا وبعد تركيزه زفت

اللي يبي عطورات حتى لو جديده يروح للسويلم في الرياض فيه شارع كله محلات عطورات تروح تشتري لك اجدد عطر بقيمه نص سعر نفس العطر عند باريس ووجوه وطقته ..
يعني تروح وتشتري تقريبا 5 عطور ومن اجدد شئ
والا اقولك رح لباريس وخذ جوله باحلى العطور عندهم وخذ اسمائها واسحب عليهم واطلع وخذها من السويلم نفسها وباقل من نص سعرها

الله يجزاكم خير وكل من شارك وادلى بدلوه له مني جزيل الشكر والعرفان

وكما يقال كل دقة بتعليمة ...قزاز انا كنت مقاطعة بسبب عمالته مالي خلق عليهم ويوم جيت ادور البديل طحت في الحرامي باريس جالري لكن الله يخلي أجمل عطورة من 40 إلى 50 وتؤدي الغرض

شكر لكم فقد أفدتونا في تجاربكم وأثريتم الموضوع

باريس غاليري ...

وتلقلى العطر صناعه اماراتيه ...
بصراحه من اشوف المحل مزبرك بزياده ومزين بشكل يوحي ان العطر عندهم كأنه الماسه مو عطر اتركه ولا ادخل له ..

ومثل ما قالت الأخت دموع .. شارع السويلم وبس لأنه فيه محلات كبيره تمول فروعها بالمجمعات..
اذكر كانت مشتروات الميك اب والعطور من المصباح ومي كلها جت 1100 وهو جهاز عروس بعد ..
بينما وحده من صديقاتي اخذت الميك اب حقها من وجوه بـ 3000 ريال وكان بمجمع هذا الفرق ..

حسبنا الله وكفى ونعم الوكيل