الموت...الموت باريس جالري إحذرووووووووه

**الزيزفون** · 29-08-2007, 05:24 PM

بدون مقدمات كبدي محترة على باريس جالري القصة ومافيها رحت يمهم المدام مصرة على هدية من عندهم و وقع الاختيار على عطر إسمةElizabeth Arden
وهذي صورته
وبعد عددا من المداولات عطناه بخصم يقول خاص بـ328ريال وأثناء الحساب سألت البائع وهو مع اِلأسف سعودي الجنسية عن فارق السعر هل هو كبير بين باريس جالري و قزاز قال تقريبا من ريالين لخمسة بس قزاز الآن معظم الشركات العالمية سحبت من لأنه يجيب عطور من دبي مقلدة بس حنا هنا من باريس على طول (ياكبرها)قلت بسيطة المهم مريت على قزاز قلت أبـتأكد وسألت المصري الله يهدي قزاز هو وعمالته الواحد تقال يتكلم مع راس خشمة سألته عن العطر قال فيه الصغير قلت الكبير بكم قال مافيش زي اللي يقول أنت ماتفهم قلت أبغى أعرف السعر قال بحدود 180 ريال بصراحة الفرق شاسع 148ريال فرق في بضاعة نفس السعر مشكلة إذن ياوزارة التجارة قلت خلني أتأكد من مواقع العطور على الأنترنت ووجدت المفاجأة التالية
الموقع الأولhttp://www.cosmeticmall.com/product_...y_id=0&search=
قيمة العطر فيه ب46 دولار أي بـ 172.5 ريال سعودي
الموق الثاني http://www.fragrancenet.com/f/net/wf_items.html?cat=01979&cur_letter=R&gs_gen=W
سعرها الأساسي بـ46دولار بس عنده سعر خاص بـ29.79دولار أي بـ112ريال سعودي
وهنا واضح أن باريس جالري هو الذي يمارس النصب والاستغلال والكذب والاحتيال فحسبنا الله عليهم.

الآن بالله عليكم هذا ماهو غبن الذي يمارسه باريس جالري ثم أن أين وزارة التجارة عن سلعة تباع في محلين مختلفين بفرق 148 ريال ولكن لاحياة لمن تنادي والأمل في المواطنين أن يلقو هؤلاء التجار درس الاحترام

**مقاطع صغير** · 29-08-2007, 10:08 PM

اخاف انك ماخذ 100 ملم لان الموقع اللي في الرابط المرفق عارض 50 ملم

**كش عليكم** · 30-08-2007, 08:44 AM

ترا اغلب المحلات اللي بالسعوديه كذاا .. لأن مافي رقابه على الأسعار .. هذا اللي يقهر

**الزيزفون** · 30-08-2007, 12:32 PM

اقتباس:

المشاركة الأصلية كتبت بواسطة مقاطع صغير

اخاف انك ماخذ 100 ملم لان الموقع اللي في الرابط المرفق عارض 50 ملم

قلت يمكن اكون مخطي لكن خذ هذا موقع الشركة الأصلي أغلى عبوة عنده بـ52.50دولار مايساوي 197ريال يعني مافيهم حيلة

http://shop.elizabetharden.com/famil...0&doVSearch=no

شاكر مرورك عزيزي

**mnazer_sa** · 30-08-2007, 12:36 PM

هاذى كماليات مش اساسيات
يعنى مالها رقيب

**سعونب** · 30-08-2007, 01:15 PM

الله يخلي عطر خمس خمسات

اللي عند الحلاقين

**نجلاء** · 30-08-2007, 03:47 PM

باريس جاالري

اكبر مهبووووووووول ونصاااااااااااااب

انا ماافكر ادخله واخذ منه

عندك وجوه ودبنهامز و فافافوووم اسعارهم مثل بعض وعطورات اصليه

وترى زوجتك قهرتني وش معنى باريس عشان ينصب علينا ؟؟!!

**قاطع وش بتخسر** · 30-08-2007, 04:10 PM

كل محل يحط السعر على كيفه ,,

حسبي الله ,,

abuhisham · 31-08-2007, 12:40 AM

الله يخلي البلد ...

بالنسبة لي في جده كنت ما أشتري العطور إلا من مركز الكورنيش الدور الخامس و حولت الآن للبلد من الخاسكية وخلف مؤسسة النقد.

و إذا تعرفوا البلد تمام روحوا باب شريف ناحية سوق البدو .. إللي في مركز الكونيش بـ 120 في الخاسكية بـ 100 و في باب شريف بـ 90 .

و كلها عطور أصلية ... لايمنع وجود الكثير من الغش هناك .. لكن إذا بغيت تشتري أي عطر لا تكتفي بشم رائحته .. قلب العلبة يمين شمال عشان تقرأ بلد المنشأ من فين.

إذا وجدت العبوة ماعليها بلد منشأ أو مكتوب عليها الصين R.o.c أتركها و دور غيرها من الماركات المعروفة حتى تتأكد من مصدرها.

تحياتي للجميع.

**باسم** · 31-08-2007, 01:38 AM

اقتباس:

المشاركة الأصلية كتبت بواسطة نجلاء

باريس جاالري

اكبر مهبووووووووول ونصاااااااااااااب

انا ماافكر ادخله واخذ منه

عندك وجوه ودبنهامز و فافافوووم اسعارهم مثل بعض وعطورات اصليه

وترى زوجتك قهرتني وش معنى باريس عشان ينصب علينا ؟؟!!

اما وجوه جبتيها والله !!!!!

وربي اني اخذت منهم عطر رمضان الي فات وقالي ب260 ريال .

المهم اخذته وكنت مسافر ولقيت نفس العطر معروض في مبيعات الخطوط السعوديه بسعر 200 ريال بس ...

وربي انقهرت وتمنيت اني زي عدنان يوم ينقز من الطياره عشان لينا بس اني ابي انقز على وجوه عشان اشق وجه اللبناني مدري السوري الي باعني اياه ..

الى الحين وربي قاهرني الله لا يوفقهم ..