المشاركة الأصلية كتبت بواسطة أبوهشام

حبيبي مر معارض النسيم
وتشوف التكدس
وعلى طريقك مر البازعي وإسأله إذا عنده سيارات 2008
ومر على واحة الأقصى وتشوف التكدس اللي أنت تنكره
وبعدين إذا أنت عندك حقائق ووثائق ياخي عطناها
ترى كل يوم أشيك على موضوعك
أبي شي مفيد ما فيه ؟!
وبعدين كل كلامك اللي تقوله غير مقنع
يعني بالله عقب كل هالترقب وكل يوم أشيك على الموضوع ترد هالرد
بالله هذا رد ؟؟!!
اللي يشوفك في بداية الموضوع يحسب عندك علم
ولكن للاسف !!

أخي صاعقه ممكن ترد على هالأسئله:
س1/ وش المطلوب مننا الآن؟؟!!وش تبينا نسوي؟؟!!
س2/ ما قصدك بقولك ((عـسـاكـم بـالـصـاعـقـة..!!!))؟؟!! (أنا ما فهمت هالعباره فهمني)


وشكرا

حياك الله أخوي أبو هشام طبعاً أنا بأستطاعتي أثبت أن المقاطعة أثبتت فشلها الذريع لكن أنتم تقولون عكس الكلام هذا أثبتوا لي صدق كلامكم لأثبتم لكم صدق كلامي


س1/ وش المطلوب مننا الآن؟؟!!وش تبينا نسوي؟؟!!

المطلوب أثبتوا لي قوة المقاطعة بالأدلة والبراهين

س2/ ما قصدك بقولك ((عـسـاكـم بـالـصـاعـقـة..!!!))؟؟!! (أنا ما فهمت هالعباره فهمني)

أقصد به جميع التجار من وكالات ومواد غذائية ومواد بناء وأصحاب العقارات

المشاركة الأصلية كتبت بواسطة dr.mazag

صاعقة

أنت تدعي ان المقاطعة لم تؤثر على وكلاء السيارات طيب سؤال واحد وابي جواب منك.

ليه كل يوم والثاني ناقز علينا واحد وداخل في المنتدى بأسم مستعار ويتم كشفة أنه من احد الوكالات واتضح ان اغلبهم من الأجانب؟؟؟؟؟؟
لو ان المقاطعة ما أثرت عليهم كان والله مانشوفهم ولا ندري عنهم.

بعدين والله ملينا من هالشغله كل يوم طالع لنا واحد ونرجع نشرح ونقول ونحط روابط ونثبت صارت الشغله روتين وكل واحد جاي للمنتدى جديد لاز نشرح له وش اللي صار.

اسألكم بالله يا اعضاء كم مرة رددنا هالكلام لهذي الأشكال اللي تقول مافية مقاطعة وأنها ما أثرت عليهم.

وأنا ما راح أرد أكثر من كذا وأي واحد جديد راح أرد عليه وأقوله : إقرأ إقرأ إقرأ جميع مواضيع المنتدى القديمة والجديدة بعدين تعال نتناقش.

حياك الله دكتور مزاج أخوي الله يعطيك العافية أن شاء الله ويطول بعمرك الأشخاص الي على قولتك ينطون لك كل يوم وتشرح لهم قوة المقاطعة أنا مالي علاقة بهم ...



الآن الشركات تسوق لمنتجاتها من خلال أقسام متخصصة ترغب العميل وأحنا كمقاطعين لازم نرد عليهم ونبين للناس قوة مقاطعتنا بس للأسف الشديد مافيه أي واحد منكم رد علي وعطاني البراهين الي طلبتها


عندي سؤال لك ..؟؟

لو كانت المقاطعة قوية ومأثرة تأثير كبير ممكن تقولي ليش ارتفع سعر الكامري GLX من 85000 ريال إلى 95000 ريال ؟؟


الجواب أنا أعرفه زين بس أبيك تجاوب ممكن ....

المشاركة الأصلية كتبت بواسطة dr.mazag

حبيبي والله وجهة نظرك ( على قولتك) خاطئة

وكلامك حتى العقل السليم ما يقبله وشلون في البداية الناس قاطعت والحين مافية مقاطعة.

مثال بسيط ( شف عدد الأعضاء في المنتدى كم كانو وكم أصبحوا

واذا تبي تقاطع حياك الله واذا ماتبي شكرا لك ومستغنين عن كتاباتك الهادفة.

تحياتي

مزاج

اولا انا ماكتبت لك خاص حتى تقول مستغني انا كاتب للجميع وممكن هناك نسبه كبيره تؤيد كلامي

ثانيا

والله ان مثالك في ديره وموضوعنا في ديره



يعني ان لم اكن معك فانا ضدك

المنتدى مفتوح للنقاش ياخي انا ماجبرت احد يروح يشتري والا يبطل مقاطعه

نقاش يمكن نظهر منه بنتيجه

لكن حطها في راسك المقاطعه مع الوكلاء اخذت طريق الانحدار وسلامتك

وجهة نظري واذا ماعجبتك لاترد ياخي انت ممكن وجهة نظرك ماهي داخله راسي لكن مابرد عليك

حبيبي مر معارض النسيم
وتشوف التكدس
وعلى طريقك مر البازعي وإسأله إذا عنده سيارات 2008
ومر على واحة الأقصى وتشوف التكدس اللي أنت تنكره
وبعدين إذا أنت عندك حقائق ووثائق ياخي عطناها
ترى كل يوم أشيك على موضوعك
أبي شي مفيد ما فيه ؟!
وبعدين كل كلامك اللي تقوله غير مقنع
يعني بالله عقب كل هالترقب وكل يوم أشيك على الموضوع ترد هالرد
بالله هذا رد ؟؟!!
اللي يشوفك في بداية الموضوع يحسب عندك علم
ولكن للاسف !!

التكدس والتراجع بالمبيعات اعترفت بها الوكالات وأصحاب المعارض

ليه كل يوم والثاني ناقز علينا واحد وداخل في المنتدى بأسم مستعار ويتم كشفة أنه من احد الوكالات واتضح ان اغلبهم من الأجانب؟؟؟؟؟؟

احرجتهم

المقاطع\\ mr.vague
09-09-2009

وسنستمر إلى ما بعد
10-10-2010

لكن حطها في راسك المقاطعه مع الوكلاء اخذت طريق الانحدار وسلامتك

على أي أساس تقول هذا الكلام .. ممكن تثبت ذلك

=================



الصاعقة
فقط أقرا لك كلام دون أي اثبات ..
نحن هنا في منتدى جاد لا نضيع وقتنا بمجادلات لا فائدة منها
صاعقة
الإدراة قالت إذا عندك شي حطه في قسم الإقتراحات ..
أمّا إستمرارك بالكلام فقط و التشكيك بالحملة وتثبيط المقاطعين مرفوض
ذكرنا لك أن المنتدى يحوي مواضيع موثقة عن أثر الحملة اقتنعت أهلًا ..
ما اقتنعت الله يسير أمرك . لا نجبر أحد على الإنضمام ..
وخلونا بوضعنا كذا وبحملتنا مبسوطين ودراهمنا بجيوبنا
وللعلم إسم المنتدى "مقاطعة "
أي مرحب فقط بالمقاطعين
وأي رد من قبلك أو من قبل أي عضو آخر سواء هنا أو في أي موضوع بالمنتدى
الغرض منه تثبيط المقاطعين بدون أي دليل سيحذف من قبلي ..
نقبل الرأي الأخر لكن لا نقبل التشكيك بالمقاطعة وتثبيط المقاطعين

لو كانت المقاطعة قوية ومأثرة تأثير كبير ممكن تقولي ليش ارتفع سعر الكامري GLX من 85000 ريال إلى 95000 ريال ؟؟

والله ياصاعقة أنا مأدري كم كان سعرها وكم أصبح لأني ببساطة مقاطع الياباني وخاصة تويوتا وانتم بكرامة.(ولو سمحت وش الدليل على كلامك)

طيب برد عليك بنفس أسلوبك.
سؤال/ ليه العروض القوية اللي جالسة تصير الحين حتى أن الجميح نزل في سعر اليوكون 20,000 ريال و للهمر 40,000 لمن يشتري كاش. وأسترجع 4,000 لأنواع مختلفة من سيارات تويوتا وهوندا أتعرف 4,000 كم تعني بالنسبة لسيارة سعرها 70,000 تعني 5.7% وغيرها من العروض القوية لباقي الشركات؟؟؟؟؟
أنتظر أجابتك...

مقتطفات من مشاركات الاخ الصاعقة:


"لقد قرأت في فترات سابقة بعض المواضيع ولم أفكر قط بالتسجيل في هذا المنتدى ولكن لقد قررت الآن بأن أكون من رؤساء المقاطعة وفضح جميع الوكلاء بما أحمله من أدلة ضدهم"

"وأنا بعلن التحدي لو أثبتي قوة المقاطعة راح أترك المنتدى ومن خلال تقارير رسميةوأثباتات قبل الحملة وبعد الحملة وأنا راح أقتنع بقوة المقاطعة ولو ماأثبتي هالشئأبيك تعترفين قدامهم بضعف المقاطعة .. وش رأيك؟؟"

"س1/ وش المطلوب مننا الآن؟؟!!وش تبينا نسوي؟؟!!
المطلوب أثبتوا لي قوة المقاطعةبالأدلة والبراهين"

الفارق كبير بين اول مشاركه واخر مشاركه...........؟؟
للرفع للعميده والاداره

جمرة غضا هذا دليل على ضعف الأدلة الموجودة لديك فياليت تنزلين موضوع وتعترفين فيه بضعف المقاطعة



دكتور مزاج

حياك الله أخوي مرة ثانية أنا أحب أوضح لك سبب العروض الوهمية الي طابين فيها هالأيام ولو رحت للوكلاء وتقصيت عن الموضوع راح تنصدم خذ عندك هذا المثال

قبل الأزمة كان سعر الكامري 2007 SE اتوماتيك 85500 ريال هذا طبعاً بالكاش ولو حبيت تأخذها نظام تأجير يأخذون منك 7% عمولة + 3.5 % تأمين طبعاً هذا سنوياً

7% +3.5% = 10.5 %

10.5% × 4 سنوات = 42%

42 % من المبلغ الأجمالي للسيارة

85500 ريال × 42% = 35910 ريال

85500 + 35910 = 121410 ريال


وهالحين راح أحسب لك كامري 2009 نفس المواصفات وبخصم 4000 ريال من قيمة الكاش

الشركة أذكى مني ومنك يرفعون قيمة الفايدة ويعطونك خصم نقدي وهم الكسبانين خلك معي وتابع

كامري SE 2009 أوتوماتيك

82700 ريال كاش ولو حسبناها بنظام التأجير بيأخذون منك 8.5 % عمولة + 4.35 تأمين

8.5 % + 4.35 % = 12.85 %

12.85% × 4 سنوات = 51.4 %

51.4% من المبلغ الأجمالي للسيارة

82700 ريال × 51.4% = 42508 ريال

82700 + 42508 = 125208 ريال

ياليت تمر أقرب فرع لعبداللطيف جميل وتتأكد من صحة كلامي

شفت كيف التلاعب والعروض الوهمية..؟؟

المشاركة الأصلية كتبت بواسطة Hamed

مقتطفات من مشاركات الاخ الصاعقة:


"لقد قرأت في فترات سابقة بعض المواضيع ولم أفكر قط بالتسجيل في هذا المنتدى ولكن لقد قررت الآن بأن أكون من رؤساء المقاطعة وفضح جميع الوكلاء بما أحمله من أدلة ضدهم"

"وأنا بعلن التحدي لو أثبتي قوة المقاطعة راح أترك المنتدى ومن خلال تقارير رسميةوأثباتات قبل الحملة وبعد الحملة وأنا راح أقتنع بقوة المقاطعة ولو ماأثبتي هالشئأبيك تعترفين قدامهم بضعف المقاطعة .. وش رأيك؟؟"

"س1/ وش المطلوب مننا الآن؟؟!!وش تبينا نسوي؟؟!!
المطلوب أثبتوا لي قوة المقاطعةبالأدلة والبراهين"

الفارق كبير بين اول مشاركه واخر مشاركه...........؟؟
للرفع للعميده والاداره

اكبر دليل على ان المقاطعه مسويه شي مو بسيط هو وفي هذا المنتدى الخطاب الي مرسله عبد اللطيف جميل لوزير التجاره وبس

المشاركة الأصلية كتبت بواسطة الصاعقة

حياك الله أخوي أبو هشام طبعاً أنا بأستطاعتي أثبت أن المقاطعة أثبتت فشلها الذريع لكن أنتم تقولون عكس الكلام هذا أثبتوا لي صدق كلامكم لأثبتم لكم صدق كلامي

س1/ وش المطلوب مننا الآن؟؟!!وش تبينا نسوي؟؟!!

المطلوب أثبتوا لي قوة المقاطعة بالأدلة والبراهين

س2/ ما قصدك بقولك ((عـسـاكـم بـالـصـاعـقـة..!!!))؟؟!! (أنا ما فهمت هالعباره فهمني)

أقصد به جميع التجار من وكالات ومواد غذائية ومواد بناء وأصحاب العقارات

أخي الكريم ,,

اذا كان لديك ما تود طرحه (كما ذكرت) تفضل به و إختصر على جميع الأعضاء وقتهم وبدون تحويل الموضوع الى جدال عقيم من خلال طرحك للردود والمشاركات.