عـسـاكـم بـالـصـاعـقـة..!!!
 

بسم الله الرحمن الرحيم


سأتوجه بهذه الرسالة إلى عميدة المقاطعة الأخت " جمرة غضا " راجياً من الله عز وجل أن تكون المقاطعة خلال الأيام القادمة أشد فتكاَ بمجرمي الأسعار...


لقد قرأت في فترات سابقة بعض المواضيع ولم أفكر قط بالتسجيل في هذا المنتدى ولكن لقد قررت الآن بأن أكون من رؤساء المقاطعة وفضح جميع الوكلاء بما أحمله من أدلة ضدهم

سابدأ اليوم بشركة عبداللطيف جميل (( الحرامي الكبير ))


رح أرجع للعامية وأي واحد من حرامية عبداللطيف جميل يبي يدخل ويرد على الموضوع راح أفضحه وأنزل رقم أقامته واسمه الرباعي ومقر سكنه وتلفوناته ومنصبه بالشركة ركزو أني قلت رقم أقامته لأنهم كلهم أجانب اللي موجودين هنا وبعضهم يدخل ويقول والله المقاطعة مأثرة علينا وهم كذابين والله الذي لا إله إلا هو أن المقاطعة لم تأثر عليهم لا أحد يجي ويخدركم بكلامه ترى المبيعات بازدياد والله أن أحد فروع الشركة المتحدة للبيع بالتقسيط كان قبل الأزمة العالمية يبيع 190 سيارة بالشهر وهالحين يبيع 218 سيارة بالشهر ولمعلوميتكم الشركة الآن خطتها زيادة عدد الفروع من 220 فرع إلى 500 فرع خلال عام 2018م


الآن الي يحدد أسعار السيارات والقرارات المهمة أشخاص محددين

فيصل عبدالله . سوداني الجنسية يحمل الجنسية الأمريكية (( عبداللطيف جميل ))

جمال القحطاني . سعودي الجنسية (( الشركة المتحدة للبيع بالتقسيط ))

أنا عندي كل شئ عنهم بس للأسف الشديد ماراح أقدر أعرضها هالحين ولكن راح أنزلها في المنتدى خلال الأسابيع القادمة وهي عبارة عن قرارات صدرت قبل الأزمة والقاطعة وبعدها وفضائح كثيرة تخصهم ومن ضمنها اضطهاد الموظفين السعودين والمواطن السعودي على قولة (( محمد عبدالحميد - المدير التنفيذي للعمليات - مصري الجنسية )) " ذل العميل على قد ماتقدر "


تحياتي




الصاعقه

حياااك اخوي

بس والله ما اشوف سيارات جديده بالشارع زي قبل

يعني السوق واقف والقرارات تصدر بكثره لصالح التجار من عدم استيراد المستعمل

والصفقات الحكوميه لدعم ابو جميل

وتوقيع اخوي الله يذكره بالخير يا حظ يرحم امك ركز

وتقليص انتاج الشركه الام تويوتا

وكثيره الادله اللي تقول الازمه لاعبه فيهم

حياك اخوي واكتفي بردي هذا لاني رايح للعمل الان

يعني الباقين مالهم دخل في السالفة
95% الاقامة يحتفضون فيها في التجوري ذكرا جميله بنسبة لهم لولا هالاقامه ما صارو
بعض الشركات ادخلها احس اني غريب وما عندهم سعودي الاواحد الى هو المعقب المسكين
اما عبدالطيف جميل يحليله ياكل ويوكل له اعمال جيده يعني فيه فرق بينه وبين الي ياكل ولا يوكل حتى بسه
والمقاطعة شامله
والله يعطيك العافيه

حياك الله اخوي الصاعقة
ودي لو سمحت تبين لنا وظيفتك في الشركة علشان راح نحتاج منك بعض المعلومات

والواضح من كلامك اخوي انك سعودي

شنو الادله ؟

في مواضيع كثيرة بالمنتدى تدل على نجااح المقااطعة بالادله القاطعة ..

ممكن توضح اكثر اخوي:)

والله كل يوم يجينا واحد منهم بأسلوب جديد بس باين الضغط
حبيبي تبي تقاطع قاطع ماتبي رح أشتر اطلق سيارة وإن بغيت تدفع فيها بدال المئة الف مئتين الف وجعلها من ورشة لورشة

"وبعضهم يدخل ويقول والله المقاطعة مأثرة علينا وهم كذابين والله الذي لا إله إلا هو أن المقاطعة لم تأثر عليهم لا أحد يجي ويخدركم بكلامه ترى المبيعات بازدياد والله أن أحد فروع الشركة المتحدة للبيع بالتقسيط كان قبل الأزمة العالمية يبيع 190 سيارة بالشهر وهالحين يبيع 218 سيارة بالشهر ولمعلوميتكم الشركة الآن خطتها زيادة عدد الفروع من 220 فرع إلى 500 فرع خلال عام 2018م"

انا مافهمت اي شي من اللي تقوله.......على حد علمي موظفي عبداللطيف جميل او الوكالات بشكل عام يسجلون في الموقع ويقولون ان المبيعات ماتأثرت عشان مايعترفون بالمقاطعه......بس انت تقول العكس تماما ......ومن كلامك كأنك تطالبهم بشي معين او "تهددهم"....وهم يتعذرون بأن المقاطعه مأثره عليهم......الرجاء توضيح موقفك وماهي فائدة موضوعك للمنتدى........................شكرا

ممكن ترفع الأدلة التي لديك و التي تدعم ما تقول في صفحة الإقتراحات ليطلع عليها المشرفين و من ثم تتم أرشفتها و حفظها كي يكون المشرفين على علم بها و يساندونك في حال تم تكذيبك من قبل أي احد.

هناك الكثير من الأقوال بفشل المقاطعة لكن مانراه هو عكس ذلك .. لكن هناك ملاحظة صغيرة .. بدأت أرى بعض الإنتشار لسيارات جديدة في الشوارع لكن أعدادها لازالت أقل مما إعتدنا عليه في مثل هذه الأيام.