عملت منــــدي بالحوش (صور) !!!!!

**امرأه لا تنحني !!!** · 09-12-2007, 09:45 AM

السلام عليكم
بعد غلاء الأسعار قررت توفير المال بطريقه ممتعه بالنسبة لي
قررت بدل ما أشتري نفر اللحم بـ 40 أو 45 إني أنا أسوي المندي بيدي وبعيداً عن قاذورات المطاعم

اشتريت برميل مندي (تحسون البنت مسترجله

)
بس لا تنسون في حريم عن عشرة رجاجيل

حبيت تشاركوني المندي اللي سويته بالحوش
ولا أنسى أن اشكر موقع (مكشات) الذي تعلمت منهم الكثير
وعشان ما يصير لبس بالموضوع لقبي بمنتدى مكشات "العنووود"
لأني بانزل هالموضوع هناك

طبعاً الصور أخذتها بالجوال فبعضها مو واضح كثير بس مشووو حالكم

أولاً أحب أعرفكم بإحتياجات المندي
تحتاجون حطب (السمر) وعشان ما تنغشون .. حطب السمر يكون له 3 ألوان من الداخل سبحان الله

هذا حطب السمر
سعر العقده بـ 10 ريال بالثقبه لأهل الشرقيه
بعضهم يبيعوها بـ 15 ريال (اتركها واصفقها بوجهه)

هذا برميل المندي اللي اشتريته مع اكسسواراته وله غطى ثقيل
البرميل اللي لونه نحاس واللي لونه أحمر هذا التنور
طبعا البرميل ثقيل بشكل غير طبيعي يعني كأنه صخره وله كفرات
سعر البرميل الكبير من 200 إلى 180 من محطة التسهيلات عند مجمع الراشد لأهل الشرقيه

شي مهم لإشعال الحطب-نشب شوي فحم ونحطه في قاع البرميل
وبعدها نحط الحطب فوقه ونتركه هو يشتعل لوحده مثل الصوره
لا قاز ولا شي سبحانك ربي

نتركه إلى ما يشتعل كل الحطب ويصير جمر الله يكفينا حرّ جهنم
هنا وقتها التنور الأحمر يصير مثل جهنم من حرارته وهو اللي بيطبخ لنا الأكل وليس الحطب

هذا الرز غسلته وحطيت عليه ماء وملح وبصل وورق غار وقرفه اعواد ولومي وهيل
فديت البصله اللي تضحك !

يا لبيــــه على هالشوفه
هذا اللحم بعد التتبيله وحطيته فوق الشبك
استعداداً لتحويله لمندي

لإنزال قدر الرز لازم تنزلونه بسيخ أو أي حركه من عندكم
اللي فيه خير يدخله بيده التنور
والله لتصير يده كوارع وهو يضحك من اللهيب

من ضمن اكسسوارات البرميل فيه مثلث هذا كرسي القدر
لأني ما أحط القدر مباشره على الجمر
وهذا القدر جلسناه على المثلث

الجمر لونه فوشي طبعاً انت واختيارك. فيه أزرار بالبرميل يعطيك لون النار اللي ودك
أنا اخترت فوشي

وهذا اللحم فوق الشبك فوق القدر

نغطي البرميل بقصدير وبالغطى وبطابوق
من دون فتح الغطاء بتاتاً مدة ساعه أو أكثر لو احتاج

وهذا الشكل النهائي-اللحم غامق لأني خليته ساعتين وطّول

بالعافيـــــــــــــه

**كاش** · 09-12-2007, 10:16 AM

حرام عليك ... والله اني مقطوع من المندي صار لي 6 شهور وبانقطع عنه لمدة 6 شهور ثانيه ...

**جمرة غضا** · 09-12-2007, 10:19 AM

امرأه لاتنحنى يامال الغنيمه ونعم فيك

بس غريب ان البرميل له كفرات !!!!!!!!!!!
اللي عندنا مدفون
ايهم احسن

abuhisham · 09-12-2007, 10:35 AM

البرميل أبو كفرات نقال (زي الجوال) أو تقدروا تقولوا تربية فلل ...

المدفون ثابت و شغل رجاجيل ...

بس بصراحة .. شغل و شرح متعوب عليه.

بالهنا والعافية يارب.

**امرأه لا تنحني !!!** · 09-12-2007, 01:22 PM

كاش ... ليه ؟؟؟

مقاطعتهم&حارقتهم..

برميل الكفرات موديل 2008
أيهم أحسن؟؟ مدري

abuhisham

المشرف حته وحده !!
ربنا يخليك على جبر الخواطر وتشجيعك

لاتدف

**فارس الحجيل** · 09-12-2007, 02:00 PM

ممكن المقادير

**خـــلــّـوهـــا** · 09-12-2007, 04:42 PM

ماشا الله
شوي بس .. واشم ريحته الزكية ....
ربما ... أفكر ... أسويه ... ولأول مرة .... في يوم من الأياااااااااااااام .............
لكن ماأطن انك وفرتي .... إلا صحتك .....

**كاش** · 10-12-2007, 12:10 AM

اقتباس:

المشاركة الأصلية كتبت بواسطة امرأه لا تنحني !!!

كاش ... ليه ؟؟؟

مقاطعتهم&حارقتهم..

برميل الكفرات موديل 2008
أيهم أحسن؟؟ مدري

abuhisham

المشرف حته وحده !!
ربنا يخليك على جبر الخواطر وتشجيعك

لاتدف

أقصى ما عندي "ستيك" ... ولو فيه توصيل كان طلبت ... بس 14000 كم ... من يوصّل ..