عملت منــــدي بالحوش (صور) !!!!!
السلام عليكم بعد غلاء الأسعار قررت توفير المال بطريقه ممتعه بالنسبة لي :) قررت بدل ما أشتري نفر اللحم بـ 40 أو 45 :mad: إني أنا أسوي المندي بيدي وبعيداً عن قاذورات المطاعم اشتريت برميل مندي (تحسون البنت مسترجله :D) بس لا تنسون في حريم عن عشرة رجاجيل :cool: حبيت تشاركوني المندي اللي سويته بالحوش ولا أنسى أن اشكر موقع (مكشات) الذي تعلمت منهم الكثير وعشان ما يصير لبس بالموضوع لقبي بمنتدى مكشات "العنووود" لأني بانزل هالموضوع هناك طبعاً الصور أخذتها بالجوال فبعضها مو واضح كثير بس مشووو حالكم أولاً أحب أعرفكم بإحتياجات المندي تحتاجون حطب (السمر) وعشان ما تنغشون .. حطب السمر يكون له 3 ألوان من الداخل سبحان الله هذا حطب السمر سعر العقده بـ 10 ريال بالثقبه لأهل الشرقيه بعضهم يبيعوها بـ 15 ريال (اتركها واصفقها بوجهه) :D هذا برميل المندي اللي اشتريته مع اكسسواراته وله غطى ثقيل البرميل اللي لونه نحاس واللي لونه أحمر هذا التنور طبعا البرميل ثقيل بشكل غير طبيعي يعني كأنه صخره وله كفرات سعر البرميل الكبير من 200 إلى 180 من محطة التسهيلات عند مجمع الراشد لأهل الشرقيه http://windowxp73.jeeran.com/photos/1044026_l.jpg شي مهم لإشعال الحطب-نشب شوي فحم ونحطه في قاع البرميل وبعدها نحط الحطب فوقه ونتركه هو يشتعل لوحده مثل الصوره لا قاز ولا شي سبحانك ربي http://windowxp73.jeeran.com/photos/1041443_l.jpg نتركه إلى ما يشتعل كل الحطب ويصير جمر الله يكفينا حرّ جهنم هنا وقتها التنور الأحمر يصير مثل جهنم من حرارته وهو اللي بيطبخ لنا الأكل وليس الحطب :cool: http://windowxp73.jeeran.com/photos/1044085_l.jpg هذا الرز غسلته وحطيت عليه ماء وملح وبصل وورق غار وقرفه اعواد ولومي وهيل فديت البصله اللي تضحك ! :D يا لبيــــه على هالشوفه هذا اللحم بعد التتبيله وحطيته فوق الشبك استعداداً لتحويله لمندي :D لإنزال قدر الرز لازم تنزلونه بسيخ أو أي حركه من عندكم اللي فيه خير يدخله بيده التنور والله لتصير يده كوارع وهو يضحك من اللهيب :D:p من ضمن اكسسوارات البرميل فيه مثلث هذا كرسي القدر لأني ما أحط القدر مباشره على الجمر وهذا القدر جلسناه على المثلث http://windowxp73.jeeran.com/photos/1044023_l.jpg الجمر لونه فوشي طبعاً انت واختيارك. فيه أزرار بالبرميل يعطيك لون النار اللي ودك أنا اخترت فوشي :p وهذا اللحم فوق الشبك فوق القدر http://windowxp73.jeeran.com/photos/1044024_l.jpg نغطي البرميل بقصدير وبالغطى وبطابوق من دون فتح الغطاء بتاتاً مدة ساعه أو أكثر لو احتاج وهذا الشكل النهائي-اللحم غامق لأني خليته ساعتين وطّول :rolleyes: http://windowxp73.jeeran.com/photos/1041436_l.jpg بالعافيـــــــــــــه :) |
حرام عليك ... والله اني مقطوع من المندي صار لي 6 شهور وبانقطع عنه لمدة 6 شهور ثانيه ...http://www.smileyarena.com/emoticons...ange/mir08.gif
|
امرأه لاتنحنى يامال الغنيمه ونعم فيك
بس غريب ان البرميل له كفرات !!!!!!!!!!! اللي عندنا مدفون ايهم احسن |
البرميل أبو كفرات نقال (زي الجوال) أو تقدروا تقولوا تربية فلل ...
المدفون ثابت و شغل رجاجيل ... :) بس بصراحة .. شغل و شرح متعوب عليه. بالهنا والعافية يارب. |
الله يسامحك يا أمرأه لاتنحني ما لقيتي تنزلي الموضوع الا هالوقت فين مراعاة المشاعر الانسانيه
|
كاش ... ليه ؟؟؟ :(
مقاطعتهم&حارقتهم.. برميل الكفرات موديل 2008 :D أيهم أحسن؟؟ مدري :( abuhisham المشرف حته وحده !! :o ربنا يخليك على جبر الخواطر وتشجيعك لاتدف :) |
ممكن المقادير
|
ماشا الله
شوي بس .. واشم ريحته الزكية .... ربما ... أفكر ... أسويه ... ولأول مرة .... في يوم من الأياااااااااااااام ............. لكن ماأطن انك وفرتي .... إلا صحتك ..... |
اقتباس:
|
اقتباس:
إنت أمر بس ... نرسل الطلبات أتاتشمنت على الخاص. :D أو ممكن تاخذ مواصفات البرميل و تطلب تصنيع واحد خاص بك في مكانك. ترجع بالسلامة بإذن الله .. |
| الساعة الآن 06:23 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by