بسم الله الرحمن الرحيم

السلام عليكم ورحمة الله

ياخوان اخذت سيارة من الشركة المتحدة للبيع بالتقسيط وكنت ادفع لهم كل شهر القسط ولكن في احد الاشهر جاتني ظروف وتاخرت وكلمتهم كذا مرة بسدده هالقسط عند توفره ومشيت في الاقساط عادي

لكن فيه موظف مستقسدني انا والكفبل اذانا يتصل في كل وقت ويهدد؟!

يهدد بتحويل الاوراق للحقوق وتحصيل كامل المبلغ عشان قسط واحد؟؟؟

وكلمت رئيسه اكثر من مرة بان اسلوبه مرفوض ومايصير

ولكن دون جدوى لازال ماذيني ومأذي الكفيل

ويش رأيكم ايش اسوي معه

وترى لو القسط المتأخر عندي كان رحت وغلفته له وعطيتهياه وانفكيت

لاكن الله يعين

عطوني الحلول اللي عندكم

سلام
كبر راساك وطنش ولو اتصل وهدد بالحقوف جلة اعلي مفخيلك , ولا كلمتة خلي صوطك علي وحاد .
وللعلم هشركة وموظفينها جلسين يتونسون علي عملاها وانهم واصلين ويقدرو يسحبونك من عملك في اي وقت ومن بيتك في عز الليل , فإذا لقيوك خفت زادو في الضغط عليك وعلي كفيللك , الحل:
1- انك تتفاهم مع كفيلك وانو يصدك .
2- لما يتصلو عليك بين انك مانتا مهتم وخلي صوتك علي .
3- حول إنك لما يكلموك لاتعطيهم فرصة للكلام , بمعنا انك تجول الي عندك وتجفل الخط .
4- وللمعلومية انو موظف التحصيل الي يتصل عليكم لة عمولة إن انتا دفعت القصت المتأخر او مقدم ,يجي اخر الشهر ويطلع برنت بالمكالمات الصاضرة من قبلة , ولة نسبة حتي لو مادفعت القسط .
5- وانتا عشان تجهرو ارفض المكالمة وشوف ردة فعلة.
6- دامنك ناوي السداد ربي يعينك .
7- اوصيك وصاة انك تستعيذ بالله من الشيطان وأعوانة ومنهم التجار الامن رحم ربي.
8- لاتنسانا والمسلمين من صلح دعائك.
مع تحيات ابو عبدالله

طالما إنت منتظم في باقي الأقساط روح لإدارتهم و تفاهم معاهم هناك و قول لهم يكفوا غثى هذا المحصل عنك و هددهم إنت بالتوقف عن السداد لو جاك أي إتصال مرة ثانية.

كنت كافل واحد يعمل في شركة تصرف الرواتب يوم واحد في الشهر و ماكان يجي يوم 28 إلا و الإتصالات شغالة علي .. مكفولكم تأخر في السداد سدد عنه .. و كل مرة أقول لهم نفس الكلام .. الرجال يستلم الراتب يوم واحد و إذا تاخر عنكم بعد يوم 3 كلموني .. و بدون فائدة.

يوم طقيت و طق المكفول من هذا الغثى و راح لهم و قال لهم إنتم عارفين موعد إستلام الراتب ومسجلين عندكم في العقد إن السداد يوم واحد في الشهر . صحيح؟؟

قالوا صحيح.

قال لهم أجل حطوا في بالكم .. إذا عاد جاني أو جاء كفيلي إتصال منكم قبل يوم واحد في الشهر ترى مالكم قرش عندي .. و طار فيهم أذيتونا و أحرجتونا مع الكفيل و سوى لهم غلبة شوية .. المهم في الموضوع إن ما عاد دريت عن الشغلة إلين أتصل بي الرجال و قال لي ترى أنتهت الأقساط و تقفل الموضوع.

الحل عندي وانا ابوهندي
لاترد عليه ولا رد والعن ابو خامسة مايقدر يسوي شي استغلها فرصة شرشحه خله اذا شاف رقمك ينتفض يعني بالعربي طقطق عليه خلها وناسة

الله يعطيكم العافية على ردودكم المميزة والمريحة لي بعض الشيء

أنا من زود قهري قلت مالي الا الله سبحانه ثم انتم اكتبلكم وأشكيلكم الحال

وأبشروا من اليوم ابكلم الكفيل لاتتصلوا عليه يحولهم علي وأبعمل بنصيحتكم وأشوف

وربنا يسدد عني وعنكم كل دين يارب

اخوي المنطق
انت ماخذ السيارة اقساط ولا نظام تأجير منتهي بالتمليك؟؟؟

اذا كنت بنظام التأجير
اسحب علييييييييه وما جاك عندي
انا كنت ماخذ منهم سياره بنظام التأجير وجتني فتره سحب عليهم بثلاث اقساط مره وحده
وكل شوي يدق على الموظف حقهم اخر شي قالي بنجي نسحب السيارة قلت له حياك السيارة عند الباب
وخليت السيارة عند الباب يومين ولا شفت احد

بس انت مشكلتك الكفيل
(احراااااج مع الكفيل )