كنت مستغرب من زمان لماذا الأجانب يملاؤون عربة التسوق؟
فاكتشفت أن رب الأسرة يحدد لربة الأسرة
مصروف محدد وتشتري بهذا المصروف
دفعة واحدة .

الاجنبي المتعلم طبعا غير الاجنبي الجاهل.

شوف بشكل عام الدول الخارجيه تلقاهم متعودين على التنظيم والترتيب من صغرهم ( بالذات الاوروبيين والهنود المتعلمين ).

من وقت مايجيه عقد العمل تلقاه يحسب راتبه الشهري وعلى ضوء الراتب يسوي ميزانيه ( المتطلبات الاساسيه من سكن وكهرباء ... الخ + مصروف الاكل الشهري + مبلغ مقطوع كسداد عجز في الميزانيه + مبلغ مرفوع للمستقبل - تحويشه العمر ) وطبعا عندهم خطط لكل شيء حتى يحسبوا كم بيستمر في العمل والعمر اللي بيتقاعد فيه وكيف بيصرف على نفسه بعد التقاعد.

عندنا نتبع مبدأ ( اصرف مافي الجيب يأتيك مافي الغيب ) وصدقني لو قلت لك ان اكثر من 50 % من الاسر في مملكتنا الحبيبه ماعرفت بارتفاع الاسعار الا متأخرين لان الغالب عندنا ننزل السوق نشتري ونقضي وعند المحاسب نقله كم المجموع وندفع ونمشي ) وعاد هالشهر 500 والشهر اللي قبله 900 واللي بعده 1000 وشهر 700 لاختلاف المقاضي.

محد فينا يفكر يقرا الفاتوره ويعرف الاصناف اللي اشتراها بكم ياشيخ انا اتكلم عن نفسي لما اروح السوبر ماركت القى قائمة العروض المميزه ( اصدقهم على طول بالذات لما يقولوا كيلو اللحم ب 20 ريال تلقاني اشتري واقول رخيص ) رغم انه في الخارج سعره على سبيل المثال 15 لكن انا ما اعرف سعر كل قطعه وفي كثير مثلي طبعا غير الاشياء المسلم بها زي اللبن والخبز لاننا نشتري بشكل فردي في الغالب.

حتى في المدارس ماعلمونا التنظيم والترتيب هذا ولكذا صرنا عشوائيين.

انا من وين بتعلم الا من اهلي واذا كان ابوي من الناس اللي مايحاسبوا اكيد انا ما احاسب الا لما اتعلم والتعليم عندنا مني متذكر منه الا ( نحن ابطال المطافي ... حينما ندعي نوافي ) واحمد يحب هند < يالبى قلبتس ياهند

لا والله بلا رواتبهم كثيره صاروا يملون العربيات

حسبي الله ونعم الوكيل

في نقطه حبيت اضيفها

الاجنبي في الغالب يشتري الشي اللي يحتاجه ويستخدمه وبكثير من الاحيان يشتري الاشياء اللي مدة صلاحيتها طويله بكميات كبيره زي القصدير احنا بناخذ شي يمشينا شهرين هو بياخذ الكبير اللي يكفيه عشر سنين ولو تحسبها اقتصاديا فيها توفير كبير.

أعرف واحد وراتبه على قد حاله
إذا نزل الراتب يقول لزوجته اكتبي الأغراض
التي تحتاجينها ثم يذهب
للسوبرماركت ويقول لاتتجاوزي هذا المبلغ(!!!)
وعند الكاشير إذا تجاوزت هذا المبلغ
يطلب ترجيع بعض الأغراض غير الضرورية .
ويقول أنا ماشي بمصروفي زي الحلاوة
وحاط مبلغ معين للخضار والفواكة
يشتريها كل اسبوع ، ومبلغ للبقالة
(خبز ولبن وحليب)
........................................ والحديث له بقية

الأجنبي صار ابن البلد يالحبيب

يملى العربية والعربيتين والثلاث بعد !

ويمر عليك ويطالع فيك بكل إحتقار !

ولا يتسوق من أي محل ,, ما يرضيه إلا الغالي !

والبركة كل البركة في رجال الأعمال السعوديين ,, اللي وكّلوهم على الشركات والمؤسسات

واقتصادنا كله لعبه بايديهم !

.

عندكم نقطة ثانية..

أكثر الأجانب (خاصة غير المسلمين) .. إلا من رحم ربي .. مايدفعوا كاش .. يدفعوا ببطاقات الإئتمان (فيزا أو ماستر كارد) و بعدين يقسطوا مبلغ الشراء مهما كان بدون أي إهتمام للعمولات الربوية.

أهم شيء عندهم إنهم يعيشوا يومهم.

وكمان شغله تانيه...... لاتنسى انو الاجانب ما يعرفوا الاسراف والتبذير .........يعني تلاقي العربيه الي ملاها تكفيه شهرين او تلاته مو زينا كل شويه وهما في الماركت..........