هل حان وقت المقاطعة الجدي؟؟

**مقهورة** · 16-01-2008, 05:37 PM

سؤال غريب

أحس أنكم تقولون انهبلت واحنا وش قاعدين نسوي كل هالشهور

لكن أنا أقول لكم هالبرد جاء فرصه من رب العالمين لنا عشان نقاطع صدق

قصدي أن في هالشتاء تحلى الأكلات الشعبية

وماأدراك مالأكلات الشعبيه

دقيق بر وزبدة وتمر ولله الحمد

رح لبندة واشتر لك كم كيلو زبدة والله يا زبدتهم حلوه ورخيصة واذا تبيها تطلع أحلى وأحلى ذوبها في قدر وحط عليها
كم حبة تمر واتركها تطبخ على نار منخفضة جدا مدة 45 دقيقة
ثم صفها وحطها في علب في الفريزر <<<<<<<خاااااااص للزوجات كل واحد يجيب زوجته والا اخته والا امه تقرا هالطريقة

أحم ....أحم كني لفيت عن الموضوع شوي
مايهم
خلاصة الموضوع

تخيل لو حطيت الفطور فريك مثلا
الغداء رز أو قرصان أو جريش أو هريس أو عصيد .......... طب وتخير
المغرب مع القهوة صلح قشد
و العشاااااااااااااء....الخيارات واسعة
عندك خبز تاوة...صبيب...محلى...حنيني....عريكة....إلخ
مدة أسبوع واحد بس

تخيل الكم الهائل من المواد اللي بتقاطعها

مع إني أنا شخصيا أحس الموضوع فيه شوي صعوبة خصوصا للي أطفالهم عايشين على الخبز والجبن
بس فكرة قلت أطرحها لعل وعسى تكون فاتحة خير

**جمرة غضا** · 16-01-2008, 06:45 PM

اقتباس:

رح لبندة واشتر لك كم كيلو زبدة والله يا زبدتهم حلوه ورخيصة واذا تبيها تطلع أحلى وأحلى ذوبها في قدر وحط عليها
كم حبة تمر واتركها تطبخ على نار منخفضة جدا مدة 45 دقيقة

الشتاء ما ينفع معه الا الاكلات الشعبية
للتوضيح فقط انا كنت اشتري من بندة زبدة اخر مرة كان عليها تخفيض سالت الموظف منين مصدرها قال دنمركي
يعني بندة عندهم منتج سعودي وشين دنمركي اسالوا قبل
طبخ الزبدة على النار يحولها لاى سمنة بس احط معها شوي بر وتطبخ وبعد ما تبرد تشخل وتصير سمنة أول مرة اسمع تمر غريبة