مــيـــــــــد Meed من يراقبهم

**yousef70** · 24-08-2007, 01:05 PM

جميع بقالات ميد يحق لهم مالا يحق لغيرهم من رفع الأسعار وعلى مزاجهم وبلا رقيب

النصف ريال في كل سلعه هذا شيء عادي جداً

يرفع بنسبة 25% على السلع !!!!

بعض المنتجات يجيب لك أرخص نوع تصدقون عندهم عصير من الامارات
يعني ما عندنا مراعي ولا صافي ولا شركات عصير ؟؟؟؟؟

البطاريات اللي عندهم سعرها غالي و نوعيات مقلده !!!!

صحيح هم يفتحون 24 ساعة لكن ما يحق لهم يتصرفون على كيفهم
بالعكس المفروض إنهم مميزين عن غيرهم بـتصريح 24 ساعة ولا يستغلون الوضع

**حيادي** · 24-08-2007, 03:32 PM

قلتها انت 24 ساعه

لذلك احياناً ينحد الواحد يروح له

واصلن ميد برى الفورمة خالص يعني تلاقي اشياء مو عند اي محل

لاننسى انه بعد يبيع دخان وكسيت الاغاني وهذا حرام وماله سحت وماودك تربحه بريال واحد

**ضد الطمع** · 24-08-2007, 04:04 PM

انا اقولك من يراقبهم ..

تراقبهم مقاطعتنا لهم ..

**مُقاطع** · 25-08-2007, 03:18 AM

الله لا يحدنا عليه

اصلا انا لي سنين ما دخلت اي فرع لميد ولله الحمد

**saaf** · 25-08-2007, 10:44 AM

ياجماعة (انتبهــــــــــــــــوا من " ميــــــــــــد " )

والله العظيم بضــائعهم الغذائية تواريخ انتهائها تكون قريبة ..

ولاحظوا ذلك في البسكويت بأنواعها وغيرها ...

وقد اشتريت مرة من ميد في حي النهضــة كيك لاولادي وطلع منتهي الصلاحية ومرة ثانية بطاطس ومنتهي

وأرجع للعامل فلبيني " يحزني " أتركه واروح

بس توبة منهم

**طفران** · 25-08-2007, 11:48 AM

يا رجال ماعندكــ أحد من تبي تحـــاسب ومن تخــلي,,

**كارفور** · 26-08-2007, 10:09 AM

والله .. مو غريبة عليهم الأسعارالخيالية عندهم عصير برتقال تروبيكانا بسعر 3ريال !!!!!!!!!!!!!!!

**laides killer** · 26-08-2007, 10:40 AM

انا بصراااحة مسجل بالمنتدى بسسسسسس عشان ارد بهالموضوع

ميد هذا غابني غبن

كل الكلام الي ذكر بالاعلى صحيح وبعضه شفته

بس انا سالفتي غييييير

هذاك اليوم ياطويلين العمر مريت ميد بالصباح الساعه ثمان عشان اخذ لي لوزين افطر عليها وانا رايح للعمل

والقى البغالي وانتم بكرامة .. واقف يسوي سندويش على طاولة الكاشير

بصراحه انا ماهتميت بالبداية حسبته يفطر ورحمته .. عطيته اللوزين وقلت له صخنها بالمايكرويف

ويوم اخذها وفتح المايكرويف وفتحه لانه مليان هتدوق!!الي هو سجق

انا لحد هالحين ماستوعبت الامر<< مشكلته شوي غبي

اخذ السجق بمناديل وحطها على مناديل ثانيه على الطاولة!!

وخذ مني الفلوس وبعدين مسكت الصمولي وقام يقطعه بالسكين!!

ويشيل من السجق ويحط ..

وانا لحد هالحين ماستوعبت الامر!!

وجاب لي اللوزين وحطها بكيس وسالته .. قلت هذا الي انت تسويه..هو الي تعرضه على الثلاجة.. واشرت بيدي للثلاجة

قال ايه .. وبعدين يوم شاف شلون وجهي قام يتقلب .. قلت بسرعه بس انا استخدم مناديل(بالانجليزي)

فرت الدنيا فيني .. لعن ابو ابليسك مناديل يعن كذا نظفت!!

اللحم متكشف وداير عليه الذبان .. وماخذ فلوس من العالم .. والخبز مرمى على الطاولة وقاعد تسوي وتغلف بكل وصاخه وتقولي استخدم مناديل

اتذكر اني لاول مره بحياتي .. يزعلني اجنبي واطلع من عنده بدون ماامحطه

من هول الي شفته ماعرفت وش اسوي .. سكت ولا قلت اي شي .. اخذت كيسي وطلعت

الي خلاني اسكت وماقول شي .. هو الناس المسؤوله عليه .. هي الي سامحتله انه يسوي السندويش والبرقر هنا!!

وعرفت ان الفساد من الادارة نفسها

حبيت اوصلكم سالفتي .. ياليت صوتي ينسمع

بالتوفيق ..

اخوكم الشايب ..!

**ابن بلادي** · 26-08-2007, 01:35 PM

بيرة هولستن
كل المحلات تبيعها بريالين ونصف
الا ميد بثلاث ريال زيادة 20%
وعلى عينك يا تاجر ..!