صور جامعه البنات -صور رائعه

**جمرة غضا** · 15-10-2007, 02:17 PM

السلام عليكم ورحمه الله وبركاته

تعرفون ان الله قدر علي وأدخل جامعه *****

طلعوا روحي
هبلوا فيني
جننوني
جابوا لي الأمراض المستعصيه
خلوني امشي واكلم روحي

تبون تعرفون شكل بنت الترجمه من تشوفونها؟؟

بنات الترجمه يكونون مكشرين معاهم شنطة كبيره ملياانه كتب والوحده تجرجر رجولها جرجره للمبنى تقول احد مكفخها وغاصبها انها تداوم [

المهم اليوم جايبه لكم صور يحبها قلبكم لمبناااي الخايس اللي كنت ادرس فيه السمستر اللي راح (مبنى 22) سجن مو مبنى الله يهده قولوا امين

اوووه قبل لاأوريكم الصور تعرفون انه بغيت انكشف وانا اصور المباني

عاد لو يمسكوني كان يلعنون خيري ويفصلوني ويشهرون فيني و اصير مشهوره في الجرايد وبعدين تقولون هذي الخبله معانا في

المهم نبدأ معاكم جولة في ربوع جامعتي *********

في البدايه ادخل مع بوابة 5 واتوجه للمبنى 22 بس قبل لاأوصله لازم امر على هذا المنظر اللي يفتح النفس على ذا الصبحيه..يعني تعرفون الوحده تدخل ونصها نووم ولووحده مفهيه مثلي اكيد بتتكرفع على خشتها!!

الحمدلله اعدي منطقة الخطر بدون اصابات خطيره وامشي لي شوي ويطلع لي المتحف التاريخي في وجهي (مبنى 22) ااااااااااه بس وهم ذا المبنى اللي زي

ابتسم ابتسامه حزن واندب حظي وبعدين ارقى الدرج

يتبع بعد لحظات وشوفوا الهنا بالجامعه

**جمرة غضا** · 15-10-2007, 03:50 PM

بعدين اتوجه للحمام وانتم بكرامه عشان اغسل وجهي واصحصح شوي وكان شعري كشه عدلته شوي..(يالله ياليت الصوره تطلع ريحه عشان تنصرعون صح)

هذا باب الحمام انتم وبكرامه حتى في عصر والبائده كانت بيبانهم أحلى!!!!

وهذا منظر اخر للحمام من زاويه ثانيه خخخخخخ

بعدين اطلع واتوجه لسجني اقصد لقاعتي بس قبل لااوصل ارفع راسي واشوف منظر يهبل بس اتأمل السقف تنفتح نفسي (^_^)

اطق باب السجن ويقابلني هالمنظر اذا انفتح الباب

يتبع بعد لحظات

**جمرة غضا** · 15-10-2007, 03:53 PM

ادخل وألف يمين بس طبعا بعد مااخذ لي تهزيئه محترمه من الدكتوره ليقابلني كم هائل من الكراسي

والحين ادخل للسجن واقعد بكل هدوء وطمأنينه واسمع لدكتورتنا وهي تغرد خخخخخخخ وفجاه وبدون سابق انذار انزل عيوني في الأرض وياللمصيبه يقابلني هالمنظر للارض المتكسره البلاط(حتى البلاط مانين فيه علينا)

ارفع رأسي من الفاجعه لأتنهد ولكن انصدم بمنظر آخر

يتبع

**جمرة غضا** · 15-10-2007, 04:05 PM

تنتهي محاضراتي بعد معاناة نفسيه لاضف عفشي واهرب من معتقلي ولكن لأفجأ ان الباب مغلق

وحوالين هالباب التحفه مرسم للبنات !!! لقطت لكم شوي من الجدار

هذا منظر الباب المغلق ولكن من الجهة الأخرى

من الرووعه اعض على ثوبي اقصد تنورتي واهج من السجن لكن من باب آخر (انزل مع الدرج اللي سبق ووريتكم) ليقابلني هذا المنظر

أتذكر اني لازم اكلم دكتوره بخصوص امر ما لذا يجب علي التوجه لمبنى 19 ولكن ياللعجب ماهذا المنظر يبدون ان العمال نسوا عدتهم

وبعدها اقرر الفرار من الجامعه والتوجه لبيتي العزيز !!اروح لبوابه خمسه عشان اجلس على احد الكراسي في انتظار السياره لافجا ان الكرسي مكسور(بغيت اطيح

منقول
ويقلون جامعات
لاتعليم
لامباني
مستوها بين الجامعات العالميه قبل الاخير بنفرين

**ضد الطمع** · 15-10-2007, 04:44 PM

آآآآآآآآآآآآآآآآآآهــ

بغيت أبتسي ..

ولا يهووون المبنى تبعنا .. بس احنا اهون منكم شوي .. يعني انتوا هالمباني لها قـرن لكن احنا اهون منكم احنا ما لها الا تقريبا 50 سنة بس .. لكن وش اقولك جامعة وجامعة وابعدوا عنهم وآخر شـي قوطـي صلصة ..

من جد اجلس عند البوابة واشوف اللي في آخر الجامعة .. مالت عليهم ..

الشكوى لله ..

لا والمشكلة اننا ندفع عشان ندرس يعني المفروض يحطون لنا مباني زي الناس ..

ايــــه قلبتي علي المواجــع ..

**مقاطعهم&حارقهم** · 15-10-2007, 05:03 PM

والله حاله

من شاف جامعاتنا ومدارسنا يقول من افقر دول العالم

والبلا في المسؤلين اللي مايخافون الله ولا يتقونه

**PHP_ASP_MAN** · 15-10-2007, 05:38 PM

والله قهر و فلوووووووووس تروح و تجي و الجامعات اخر ما ينظرون !!!!!!!!!!!
و ين ميزانيات التعليم العالي ؟؟؟ لو ياخذون زكاة ميزانية التربية و التعليم كان صبخو مباني من هنا و الكويت !!!

**aramcouk** · 15-10-2007, 10:30 PM

شكرا لمجازفتك ونقلك الواقع في عصر لا بد فيه من انكشاف البراقع

الجامعات الحكوميه خدماتها دون المستوى المطلوب وانظمتها كشفتها اخر تقييم دولي للجامعات العربيه فيكفي ذلك سببا لمراجعة احوال تعليمنا وواقعه. اما الجامعات الاهليه فحالها اشبه بالبقاله او المستشفيات الاهليه...مسكنات للالام مقابل نزف فاحش للدراهم.....
اقترح على المسؤلين عن شؤؤن التعليم الحكومي فرض رسوم رمزيه اقل من التعليم التجاري بشرط توفير مباني وخدمات تعليميه راقيه واساتذه بعقول نيره. وبذلك تضمن الدوله مدخول مادي ليس بالهين وتوفر مستوى تعليميي راقي للابنائها.

**مقاطع من الجبيل** · 15-10-2007, 11:17 PM

موضوع قيــم ومهـم
وزين نقلتيه لنا هنا

عل وعسى يمر مسئول يخاف الله ويشوف بإم عينه

ثانيا:

يقولك هالسنه الميزانية زايده مدري كم مليار راح يوزعونها على التعليم والصحه حسب تصاريحهم

ثالثا:
اختي مقاطعتهم
انتي ليش ناويه تقطعين لقمة الحراميه الكلاب اللي يلهفون الدوله وهم المسئولين امام الحاكم .... ولكن للاسف لم يحسنوا الامانه ؟!

انتي اذا صورتي ونشرتي وهذاك صور ونشر
طلعت فضايحهم وكلن قام يتساءل

مره في احد المنتديات الصديقه شفت موضوع زي هذا بس ثانوية بنات وشي باااااااااايخ وزباله عزك الله مو مدرسه

كانت مدرسة بنات ثانوية بحائل المهم
الا يجيك واحد مدري هو مدزوز او متعاون مع رئيس التعليم
يقول ليه تصوروون ؟!!!
مع ان التصوير مافيه ولا شخص طالع لا ذكر ولا انثى اعتقد وقت بعد الظهر المهم مصوره المدرسه بفضايحها

تتفاجئ يأتيك صعلوك يقول التصوير مايجووووز ( ناس عقليات عميله)

عموما بيض الله وجهك ووجه من صورة الجامعه
ولازم الشعب يتحرك ويبلغ عن الخراب اينما وجده

ماهو هم يقولون المواطن هو رجل الامن ...خلاص اذا هذا يعتبر من امن البلد والمحافظه على امالكه من الحراميه

وإلا النظريه هذه بس تطبق على الامن بس ؟!!!

يرفع لسعادة مدير التعليم العالي الموقرررررر
وصوره للوزير المحترم

**جمرة غضا** · 16-10-2007, 12:14 AM

ضد الطمع يوم السبت قريب استعدي نفسينا

شكرا على مرورك