تدرون ليه اندونيسيا رفعت اجور الشغالات

**المقاطعة سلاحك** · 18-09-2007, 09:14 PM

تدرون ليه الاندونيسيين تجرأوا ورفعوا اجور عاملاتهم .. زيهم زي تجارنا اللي رفعوا بضايعهم ومنتجاتهم ..
لانهم عارفين ان السعودي بيدفع .. كل شي ارتفع عليه وبرضوا بيدفع يعني ما يقدر يستغني عن اي حاجة .. شعب كسول .. استهلاكي .. متبلد .. ما ادري وش اقول شي يحرق القلب ..
يا ناس صرنا مسخره بين الشعوب .. تدرون ان العالم ماخذين فكره عنا انه لو راحت العماله من بلدنا بنضيع لان السعودي ما يعرف يسوي اي شي .. زي البهيمة يأكل من طبخ غيره .. ويلبس من صنع غيره .. ويبي من يخدمه .. الخ
يا ناس والله العظيم هذي البداية يعني لو سكتنا ولم نقاطع اي شي يرتفع سعره ومن ضمنهم طبعا الشغالات بيرفعون السعر .. وليست هذي الاخيرة .. فلو استمرينا على رضانا ولم نقاطع ونغير طريقة حياتنا الاستهلاكية الكل سيطمع في الزيادة ومن ظهوركم الله لا يهينكم ...
نعم ويدا بيد للمقاطعة .. ياناس خلو لكم كلمة لو مره وحده .. قولوا لا لا لا .. غيروا حياتكم مافيه شي مستحيل جربوا استغنوا عن اللي مالكم فيه لزوم ..
والله كتبته وانا محترق من اللي قاعد يحصل لنا .. يكفي يكفي .. خلاص .. خلاص .. اثبتوا ان لكم كلمة وانكم قدها تكفون يا اخواني ..

**جمرة غضا** · 18-09-2007, 09:23 PM

فعلا حنا شعب مستهلك بدجه الاولى ورفاهيه ذبحتنا حتى الشغالات يبون يقصبون ظهورنا زياده 33%
و السعودي يوم زاد راتبه 15% شي يقهر
لكن كن البهيمه! قويه شوي !!!
ورجع اقول الغلطه من السعودين كان وقفوا الاستقدام لو شهرين شرط يرجعون بشروط الي نبيها حنا

mqataa · 18-09-2007, 10:16 PM

لو حاولت تبحث عن سبب زيادة رواتبهم لوجدت الف حجة وحجة

لكن الأولى .. ان السعودي هو اللي يزيد راتبه عشان يقدر يعيش او يزود رواتب الخدم

لاحول ولا قوة الا بالله

**نديم الغرباء** · 18-09-2007, 11:10 PM

خلهم ياخذون قسمهم مع الجماعه

**أخصائية إجتماعية** · 18-09-2007, 11:31 PM

ياجمااااااااااااااااااااااعه موظفات سعوديات وشباب رواتبهم 1500

يعني صرنا مثل الفلبينيااااااااااااااااااااات

ليه؟؟؟؟؟؟؟؟؟؟؟؟؟

أحد يجاوووووووووووووووووووووووب؟؟؟؟؟؟؟؟؟؟؟؟؟

**تقنيه** · 18-09-2007, 11:48 PM

اقتباس:

المشاركة الأصلية كتبت بواسطة أخصائية إجتماعية

ياجمااااااااااااااااااااااعه موظفات سعوديات وشباب رواتبهم 1500

يعني صرنا مثل الفلبينيااااااااااااااااااااات

ليه؟؟؟؟؟؟؟؟؟؟؟؟؟

أحد يجاوووووووووووووووووووووووب؟؟؟؟؟؟؟؟؟؟؟؟؟

لا ابشرك حنا رخصين بالحيل...وش جاب لجاب

حنا بدون اكل وشرب وسكن وتذاكر وتاشيره

**مقاطعهم&حارقهم** · 19-09-2007, 12:48 AM

اقتباس:

المشاركة الأصلية كتبت بواسطة أخصائية إجتماعية

ياجمااااااااااااااااااااااعه موظفات سعوديات وشباب رواتبهم 1500

يعني صرنا مثل الفلبينيااااااااااااااااااااات

ليه؟؟؟؟؟؟؟؟؟؟؟؟؟

أحد يجاوووووووووووووووووووووووب؟؟؟؟؟؟؟؟؟؟؟؟؟

مين قال صرتوا مثل الفلبينيات

الفلبينيات ياخذون بدل سكن وانتوا ماتاخذون

الفلبينيات ياخذون مكافأة نهاية خدمة وانتوا ماتاخذون

الفلبينيات ياخذون تذاكر وانتوا ماتاخذون

مين الاحسن هالحين ؟؟؟؟؟؟؟؟؟؟؟؟

احد يجاوووووووووووووووووب؟؟؟؟؟؟؟؟؟؟؟؟؟؟

**طفران بن فقران** · 19-09-2007, 01:57 AM

لا حول ولا قوة الا بالله والله انت صادق

**مدوخهم بعيوني** · 19-09-2007, 02:17 PM

با اذن الله غدا افضل تفاؤلوا

**أبو سهيل** · 20-09-2007, 10:39 AM

الأهم من ذلك أن الزيادة لم تتم إلاّ بموافقة وزارة العمل في السعودية !!
البركة في معالي الوزير فلكي ينجح مشروعه في تشغيل المرأة السعودية في وظيفة: "خادمة" عليه أن يرفع أجر الخادمة الأجنبية حتى تستطيع المواطنة السعودية منافستها وتقبل بالأجر الجديد!!
لاحظو الخادمة الفلبينة مسعرة بمبلغ: "1500" ريال .. وهو نفس المرتب الذي تعمل به المدرسات السعوديات في المدارس الأهلية !! فهل تحديد هذا الرقم مصادفة ؟؟
عاشت وزارة العمل الموقرة !! وعاش وزيرها الهمام !! وتحية لرجال الأعمال المخلصين على شاكلة " الحمود" الذي يتفاوض ضد المواطنين وباسمهم !!