قدر الله علي وفصلت مطبخ ألمونيوم عند مطابخ الرشيد بالدمام في 2/2010 وتم التركيب في 5/2010 يعني بعد 3 شهور من العقد.
الصراحة اللي خلانا نفصل عند الرشيد هو الدعايات الزايدة والخبرة زي ما كنا نظن وبشطارتي قدرت أتفاوض وأنزل تقريبا 1500 من السعر الكلي للمطبخ وطلع المطبخ تقريبا ب 17500 مع العلم إن صديق صاحب مصنع ألمونيوم قال ما بيكلفك أكثر من 12000.........لكن أرزاق.
وطبعا كل المطابخ ومنهم مطابخ النصابين الرشيد يعطونك ضمان على وعلى وعلى ولمدة مدري كم سنة.
ويوم التركيب حفروا على ماسورة سباكة حرارية وتأخرت يوم لحد ما كسرت الجدار وصلحتها ولما أتهمتهم قال الباش مهندس إنها غلطتي ما حددت لهم أماكن السباكة!!!!!!!!!!
طبعا يقولون لك زي كل المطابخ المواد اللي عندنا مواصفاتها ومواصفتها لكن كلهم يجيبون بضاعة صينية زينة على شينة وما فيه محل أحسن من محل.
على ما أظن إن فيه ضمان على الشغل سنة.....
وفي شهر 10/2010 يعني بعد خمسة شهور من التركيب بدأت بعض الأبواب ما تسكر والمقابض تطلع برى وطلعت صناعة مصرية أسوأ من الصينية ... وهات يا إتصالات بالمدعو أبو فادي " كبير النصابين في المحل" وبكره وبعده وم اشفت شيء وبعد سنة بالضبط طاح الدرج القلابي ورحت للمحل لنصاب ما أذكر أسمه وقال إني وقعت معهم في 2/2010 يعني الضمان إنتهى في 2/11 ....طيب يا نصابين أنتو ركبتو في 5/2010. لكن إتصل على واحد إسمه مشرف يجيك يوزن ا لابواب وأعطيه 50 .....خير إنشاء الله.
وهات يا إتصالات بمشرف وبكره وبعده إلى يومكم وما شفت وجهه...
وشوفو الصور:

الله يكون في عونك ..طيب ليش ماتخلي عنك الموظفين وتتوجه لصاحب الشركه نفسه ..شف وين مكان الشركه وادخل على صاحبها وفهمه السالفه يمكن المسكين مايدري عن هاللي يسوونه من وراه من تشويه لسمعة شركته ..جرب تروح له مو تتصل عليه ..قابله وجه لوجه وقله كل شي وان شاءالله يرسل معك من يصلحه لك..

انا زيك عانيت مع الشركه الخايسه سامسونج بسبب مكيف سبلت اشتريته منهم وكل شوي خربان اخر شي بعد سنه كلمت المدير العام للشركه بنفسه وخلال يومين ارسلي افضل الفنيين عنده والحمدلله الحين المكيف تمام ولا فيه شي ..

طبعا صاحب الشركة في الأصل لبناني وما أدري إن كان متجنس أو لا ومدراء الفروع في كل المدن لبنانيين وما أدري إن كان فيه أي وسيلة تواصل مع رئيس الشركة أصلا.

صورة من جشع التجار
وإستغلال المواطن بالجودة وإتقان العمل
حسبي الله عليهم

قناعتي الشخصية , اننا مضحوك علينا في كل شيء , ولا تصدقون كل شيء من النصابين , فنحن نعيش في بلد انتشر فيه الفساد والخداع والإستغفال والكذب على المستهلك في جميييييييع المجالات , فلا تجد جودة ولا إتقان في العمل , كل شيء ترقيع ومش حالك لأنهم أصلاً ماخذين الشغله من غير تخصص وغير دراية بالعمل ومن غير دراسة , يجيك العامل مايعرف يقرأ ومع السنين والتعلم من أخطائه ومره تضبط معه وألف مره يخرب على المواطن الحاجه اللي جايبها له او أخذها منه , واللي يتحمل ويدفع أخطائه المواطن لأننا طيبين لكن لو حمله نتيجة أخطائه كان تأدبوا , وبعدها بكم سنه تلقاه كاتب المهندس , وشوفواالبضائع التي تأتي لنا ,أردى انواع الصناعة .

للرفع والتحذير من هذا النوع من النصب والنصابين!!!!!!!!!

النوعيه هذي ماتجي الا بالقوه والمصايح والله لو كنت مكانك لروح عندهم في المحل ولا اطلع الا لما يرسلون معي فني ويضبطون شغلهم كله انت دافع ١٥٠٠٠ مهب ريالين صدقني اذا جيت عندهم رح يخفون على زباينهم .

لدى الرشيد فروع ثانيه
باسماء مختلفه مثل سيدتي اظن فرع ثاني ناسي اسمه
هذي الشركه نصابه ارجوا الحذر منها

ياإخواني وأخواتي أغلب المعلومات المذكورة أعلاه غير صحيحة من ناحية معلوماتكم عن اصحاب الشركة وعن التصنيع لأنه مطبخ الرشيد هو اول مطبخ وأتوقع الوحيد صناعة سعودية 100% ولا يوجد مواد من الصين، ومن ناحية أخرى هل تأكدت وصول شكوتك إلى الشخص الصحيح؟؟؟؟؟ ولتذكير ليس من تعاليم الإسلام التشهير بالناس وشكرا

المشاركة الأصلية كتبت بواسطة saw123

ياإخواني وأخواتي أغلب المعلومات المذكورة أعلاه غير صحيحة من ناحية معلوماتكم عن اصحاب الشركة وعن التصنيع لأنه مطبخ الرشيد هو اول مطبخ وأتوقع الوحيد صناعة سعودية 100% ولا يوجد مواد من الصين، ومن ناحية أخرى هل تأكدت وصول شكوتك إلى الشخص الصحيح؟؟؟؟؟ ولتذكير ليس من تعاليم الإسلام التشهير بالناس وشكرا

إذا كنت من أصحاب المحل فهذه الشكوى بين يديك نرجوا حلها أو تكذيبها وهذا أفضل من الرد .