شراء نادك 3لتر

**ابراهيم2011** · 08-08-2011, 01:14 AM

الحمد لله شريت اليوم نادك 3لتر بسعر 10ريال يعني يطلع التر الواحد حوالي 3,20ريال يعني ثلاثة ريالات وثلاثون هللة يعني زي ما قلت في السابق الواجب 1لتر 3ريال وانتم شايفين التخفيض كيف سار وارتفع مع زيادة الرتلات يعني الواجب ابو 2لتر خمسة ريالات ياشباب حقكم لا تخلونه المقاطعة لابد ان تكون جامدة اشتر ابو 3لتر اذا تقدر تشربة قبل نهاية مدته خل ابو 1لتر 2لتر يخيس لكل الشركات نبي الحق والعدل من كل شركة

**مراقب الاسعار** · 08-08-2011, 01:51 AM

انا طايح فيه لي فتره

جزاك الله خير على التنبيه

**boycut** · 08-08-2011, 02:47 AM

3لنر معدوم في البقالات القريبه البقالات مايجيبونه لها ماادري ليش

**تقطيع أو مقاطعة** · 08-08-2011, 03:36 AM

شفت 3 لتر في الرياض عليه سعر 9 ريال نادك عند أسواق النهدي

**shar978** · 08-08-2011, 11:39 AM

ياجماعه المشكلة ليست في سعر لتر الحليب المشكلة في العبوات كل ماكان حجم العبوة صغير زاد سعرها ولو بنحسبها 15 عبوة من حجم 200مل = 3لتر بسعر 15 ريال
يعني ارتفع عليك السعر 50% هل هو بسبب كمية الحليب او بسبب عدد العبوات اكيد بسبب العبوات

**لاتدف** · 08-08-2011, 11:54 AM

شريت نادك اظن انها 2 ليتر واشوفهم ملزقين على غطاها ستيكر وكاتبين 7 ريال

**أبوخالد** · 08-08-2011, 02:04 PM

خطير أبو ثلاثة لتر شفته لنادك ونجدية لكن بالكاد تحصله مثل ماقالوا الإخوان.

أكيد إنتاجه قليل لأن الربح فيه أقل من اللي أصغر منه، الله يرزقنا بتجار همهم هو

خدمة متميزة للعميل، مع الرضى بالربح القليل.

**hajmutwally** · 08-08-2011, 02:16 PM

نجدية أطعم و أحلى ب 9 ريالات ... ومتوفر في أسواق العثيم ومعظم البقالات الكبيرة

نادك نزلت حجم عصيركافيتيا ابو ريال من 200 الى 180 مل و ابو 6 ريال من لتر الى 900 .. يجب مقاطعتها

امس في كارفور مخرج 5 واحد و عياله يشجعون الزبائن على شراء المزرعة و نجدية و ندى و ترك المراعي و الصافي ونادك و نجح في تغيير زبائن كثار و منهم سعوديين و عرب و خواجات حتى قاربت الصفوف ان تنتهي من الحليب و اللبن و القشطة من شركات المزرعة و نجدية و ندى

**ابراهيم2011** · 09-08-2011, 01:58 AM

ياشباب على نجدية اجل 9ريال احسن من 10ريال

**positive saudi** · 09-08-2011, 02:05 AM

ألبان الخرج سعر اللتر 3 ريال
لبن كووول بلس في بندة سعر اللترين 5 ريال ( لبن عيران )