عارفين ليه البطاطس المحمرة هية الاكلة الوحيدة اللي اجتمع الناس كلهم على حبها ؟

البطاطس المحمرة لما بتتقلي في الزيت بتبقى عادة مقرمشة من برة و طرية من جوة عشان كدة لما حد يعمل معاك موقف سخن اوي ماتعاملهوش وحش اوي ..ايوة حسسه انك زعلان منه و خد موقف بس خلي قلبك ابيض وطري " طيب يعني " مش ناشف و سامح عشان ربنا بيسامح .

البطاطس المحمرة تلاقيها عند ماكدونالدز ( فرينش فرايس) و برضه تلاقيها عند بتاع الفول والطعميه يعني انت كمان خليك زي البطاطساية ماتتكبرش على حد وصاحب كل الناس غني او فقير

البطاطس المحمرة بتتقدم مع حاجات كتير :مايونيز , كاتشب ,صالصات مختلفة و ساعات كمان طحينة بس بتفضل في الاخر اسمها بطااااطس يعني مهما اتعرضت لثقافات و بيئات مختلفة احتفظ دايما بشخصيتك المستقلة و طريقة تربيتك و خلي الناس هية اللي تتأثر بيك

البطاطس برضه ممكن تبقي شيبسي وهي اول حاجة بنفكر فيها لما بنحس بالجوع و احنا برة البيت ساعد الناس دايما و خليك اول واحد ييجي على بالهم لما يقعوا في مشكلة خليك جدع زي الشيبسي

البطاطس المحمرة لو اتهرست بتبقي برضه طعمها حلو و ممكن نسميها بطاطس بيوريه مهما الدنيا تهرس وتبهدل فيك خليك شخص كويس و لذيذ و طلع للدنيا لسانك و قول "انا بطاطساية بيوريه" عشان تبقى محبوب من كل الناس

بإختصار...

خليك بطاطس

ومن ميزات البطاطس عندنا في السعودية إن سعره يرتفع ولا ينزل يعني مع كل الميزات المذكورة سلفا هو أستثمار مربح .