شو سبب ارتفاع اسعار العطور ؟

**ضيفه** · 03-04-2011, 01:06 AM

مساء / صباح العطر للجميع

انا مدمنه عطور وبالذات عطورات شانيل ومن سنين كنت اشتريها بـ 300 بس بعد فتره ارتعت اسعارهن الى 450 وفي بدايه مارس 2011 لقيت الحجم الكبير بـ 600 !!! في البدايه اتوقعت هالارتفاع من المحل لكن انصدمت من اسعار موقع شركه الام كانت بنفس اسعار محلات الدوله بس اقل بسبع دراهم و مع التوصيل سعرهم بيتعدى الـ 600 يعني ما بستفيد لو اشتريها من النت

ابي اعرف شو سبب ارتفاع اسعار العطور ؟ << مب بس عطورات شانيل حتى انيل وسي كي الاحمر وكارلوينا هريرا ارتفعت اسعارهم بسنبه عاليه !! قبل كانت العطور القديمه ارخص من اليديده بس الحينه سعر القديمه ما تفرق عن اليديد

السموحه ان كان موضوعي في القسم الغير مناسب

**نوري الهاشم** · 03-04-2011, 11:29 AM

ما ادري و الله بس اشوف بالمبوبة و الاعلانات
تقدرين تشترين خمس عطور ماركات باسعار منافسة

احيانا فيه محلات تسوي عروض و انا عن نفسي شفت محل مزاي الغذاء مسوي عروض على قسم العطور
حتى اني شكيت انها تقليد مو اصلية ،، و عندك سوق الجملة تلقينها ارخص اتوقع

**ضيفه** · 04-04-2011, 02:33 PM

اقتباس:

المشاركة الأصلية كتبت بواسطة نوري الهاشم

ما ادري و الله بس اشوف بالمبوبة و الاعلانات
تقدرين تشترين خمس عطور ماركات باسعار منافسة

احيانا فيه محلات تسوي عروض و انا عن نفسي شفت محل مزاي الغذاء مسوي عروض على قسم العطور
حتى اني شكيت انها تقليد مو اصلية ،، و عندك سوق الجملة تلقينها ارخص اتوقع

شايفه عطور باسعار منخفضه جداً بس تقليد 100% يعني عطر سي كي لونه الاصلي احمر القاه بسعر 180 و لونه اخضر فاتح !! ونفس الشي مع آلين لون الاصلي يكون كحلي اما المقلد يكون ازرق فاتح وخساره اشتري الملقد احسن لي اتهنى بالاصلي بس غريبه في كل مكان اسعارهم مرتفعه حتى في موقع شركه الام .. ابي اعرف شسالفه بالضبط ليش يرفعون اسعارهم ؟

تسلمين على مشاركتج

**mr.vague** · 04-04-2011, 06:56 PM

العطور لدينا مخففة بشكل كبييير يعني يبيعون لك عطر مخفف التركيز بسعر عطر اصلي !!!!!
لا يلعب عليك الوكيل تراهم حرامية من اولهم الى اخرهم.....اما المقلد فهو مقلد !!!
اذا تبي عطر ...عندك شارع العطايف .... اسعارهم مناسبة....

**ضيفه** · 04-04-2011, 07:09 PM

اقتباس:

المشاركة الأصلية كتبت بواسطة mr.vague

العطور لدينا مخففة بشكل كبييير يعني يبيعون لك عطر مخفف التركيز بسعر عطر اصلي !!!!!
لا يلعب عليك الوكيل تراهم حرامية من اولهم الى اخرهم.....اما المقلد فهو مقلد !!!
اذا تبي عطر ...عندك شارع العطايف .... اسعارهم مناسبة....

يعطيك العافيه على تجاوبك

عارفه الفرق بين المقلد والاصلي بس عندنا المقلد ارخص من الاصلي ولونهم فاتح !! ومحلات اريج وباريس جالري معروفه في الدوله وعطوراتهم اصليه 100% لاني احياناً اشتري من الطياره والقى نفس العطر عند اريج وبنفس اللون والريحه المركزه !! بعكس محلات اتحاد سنتر الي اتبيع تستر ولونهم فاتح

وللاسف انا مب من السعوديه وان شاء الله ربي يكتب لي زياره لمكه والرياض ..(=

**illi** · 05-04-2011, 03:30 AM

اقتباس:

المشاركة الأصلية كتبت بواسطة mr.vague

العطور لدينا مخففة بشكل كبييير يعني يبيعون لك عطر مخفف التركيز بسعر عطر اصلي !!!!!
لا يلعب عليك الوكيل تراهم حرامية من اولهم الى اخرهم.....اما المقلد فهو مقلد !!!
اذا تبي عطر ...عندك شارع العطايف .... اسعارهم مناسبة....

الله يعين عليهم

شارع العطايف الله يرحم حالك هو مركز التقليد

ومنهم المراكز الكبار بعد اللي ثقه في السوق وافضل الشين المصباح
والباقي على .................

افضل العطور 1000000%
الي تشريها من أوروبا من جد فررررررررررررق

ههههه قال عطور

بخخخخخخخ

**جمرة غضا** · 05-04-2011, 11:45 AM

يا اخوان الاخت ضيفة من دولة الامارات الشقيقة

اختي الموجود عندنا بالاغلب هي معباة من دبي .. يعني حتى لو هي من الشركة نفسها لكن راح تختلف
بنسب التركيز .. وفيه فرق بين عطر شاريته من برى و عطر معبأ ..هذا اذا سلم من غش الوكيل

..
تبين الجد افضل شي تفتحين على مواقع وتشترين منها .. حتى لو اغلى اضمن ..
تضمين مهنا غش
احد التجار في السعودية "محمود سعيد "من كم سنه اكتشف انه يبيع مواد منتهية وتقليد !
https://www.mqataa.co/vb/showthread.php?t=19344

**mr.vague** · 05-04-2011, 02:28 PM

اقتباس:

المشاركة الأصلية كتبت بواسطة illi

الله يعين عليهم

شارع العطايف الله يرحم حالك هو مركز التقليد

ومنهم المراكز الكبار بعد اللي ثقه في السوق وافضل الشين المصباح
والباقي على .................

افضل العطور 1000000%
الي تشريها من أوروبا من جد فررررررررررررق

ههههه قال عطور

بخخخخخخخ

هو فية شي اصلي في البلد.....شارع العطايف بس اسعارة مناسبة

**ضيفه** · 05-04-2011, 02:40 PM

اقتباس:

المشاركة الأصلية كتبت بواسطة جمرة غضا التميمية

يا اخوان الاخت ضيفة من دولة الامارات الشقيقة

اختي الموجود عندنا بالاغلب هي معباة من دبي .. يعني حتى لو هي من الشركة نفسها لكن راح تختلف
بنسب التركيز .. وفيه فرق بين عطر شاريته من برى و عطر معبأ ..هذا اذا سلم من غش الوكيل

..
تبين الجد افضل شي تفتحين على مواقع وتشترين منها .. حتى لو اغلى اضمن ..
تضمين مهنا غش
احد التجار في السعودية "محمود سعيد "من كم سنه اكتشف انه يبيع مواد منتهية وتقليد !
https://www.mqataa.co/vb/showthread.php?t=19344

سامعه عن مصنع عطورات اجمل في دبي بس اول مره اعرف انه العطور العالميه معباه عندنا !! يا خساره كم مره اشتري عطر شانيل وكلفن كلين بسعر 400 الى 600 درهم كنت احس بالفرق بين العطر الي اشتريه في الطياره وبين الي اشتريه من بعض المحلات

بس قريبا بطلع البطاقه وان شاء الله اقاطع محلات الدوله نهائياً ... والله مستعده ادفع ضعف السعر .. افضل من اني ادفع 600 على عطر مقلد

تسلمين اختي جمره التميميه على مشاركتج

واشكركم جميعاً على تواجدكم في موضوعي

**جمرة غضا** · 05-04-2011, 05:02 PM

هلا بك ضيفه .. مصنع عطور اجمل لا اقصده ولا اعنيه

اقصد فيه عطور تجي وفي دبي او جبل علي تتم تعباتها بقوارير وتباع .. هي من الشركة وبعض الوكلاء ياخذ منها .. لكن لو شريتي من الشركة نفسها راح تشوفين فرق كبير بينها ..
والامر ليس حصرا على العطور .. شوفي المواد الغذائية .. مثلا الشكولاة وحلويات مكتوب عليها مصنع في جبل علي ,في الجزائر ,في مصر , في المغرب الخ ...وهي ترجع لشركات عالمية .. لكن للاسف اقل جوده وسعرها عالي !