تلبيس المراتب جلد

**ابو سديم** · 28-03-2011, 12:06 PM

الكل يعلم كيف هي اسعار قطع الغيار والزينة عندنا بالسعودية.

خلال الفترة الماضية اشتريت سيارة جديدة ولله الحمد والمراتب قماش. المشكلة هي ولدي الله يعطيه العافية ويصلحه عدم المراتب وصارت وسخه ، لذلك مالها حل الا التلبيس جلد لنظافته مع انه الجلد متعب في الرياض خاصة مع الحر.

مريت كم محل وشفت اسعار متفاوته جداً، من 300 ريال وحتى 5000 ريال وربما اكثر. وكل واحد يتفلسف، اللي يقول الماني درجة اولى واللي يقول امريكي، واللي يمدح الجلد الطبيعي وغيره يمدح الصناعي الالماني.

اتمنى منكم النصيحة للي عنده خبره ومعرفه وياليت محل في الرياض يكون شغله والجلد اللي عنده ممتاز.

**جمرة غضا** · 28-03-2011, 12:45 PM

مريت على شارع الغرابي

**ابو سديم** · 30-03-2011, 02:42 PM

مريت الغرابي وداخ راسي من كثر المعروض ومن كثر نصب العمالة اللي هناك.

**ابوطلال** · 30-03-2011, 09:40 PM

مبروك السياره الله يعطيك خيرها ..
بالنسبه للمراتب مالك الا شامواه وهو خليط بين القماش والجلد وشكله زين واسعاره مناسبه ولايسبب حراره ومتوفر باغلب المحلات الموجوده في الغرابي ..
شكري مع مروري ابوسديم .

**جبرني الوقت** · 31-03-2011, 12:28 AM

الله يعطيك خير الموتر ويكفيك شره ..

بالنسبه للتلبيس فيه الشامواه مثل ما قالوا الاخوان جيد ومقارب للقماش ..

اما بالنسبه للجلد فيه محل سبق وجربته وما جيته الا بعد نصيحه اكثر من شخص مجرب .. اسمه السماعيل في الغرابي ولها اكثر من فرع في كل زاويه بالغرابي تقدر تروح وتشوف الشامواه والجلد وتختار الخامه اللي تناسبك وتعجبك واللون المناسب .. بالنسبه للسعر للسيارات السيدان 400 ريال ..

**ابو سديم** · 04-04-2011, 02:22 PM

سبب اختياري للجلد عشانه سهل التنظيف على عكس القماش، فهل الشامواه بيحل المشكلة.

**أمير المقاطعه** · 05-04-2011, 02:23 PM

والله انا لبست جلد على قولتهم فرنسي مخمل ضد الحرارة بـ300 ريال

بالنسبة للحرارة القماش ارحم والجودة لك عليها سنة وبعدها تتفشل

**alasuk1** · 05-08-2011, 04:30 PM

مبرووووووووووك ع السيارة الجديدة

اما بالنسبة للبس انا لبس سيارتي مخمل بسعر 250 ريال
وله معاي عايش ست سنوات وممتاااااااااااااازه