السلام عليكم ورحمة الله وبركاتة

سوف اسرد لكم قصتي مع هذيه الشركة وطريقه ضحكهم على السعوديين وغير السعوديين

كنت في مجمع الروشان مول بجدة ومعي عيالي نتسوق المهم ونا طالع من الجمع لحقني السعودي ما ابي اذكر اسمه وللاسف صدمت فيه

اللي رحب فيني بشكل جميل وعطاني بطاقة مكونة من 3 خانات قال اكشط اي خانة واذا طلع لك رقم تفوز معنا بجائزة والمهم طلب مني بعص المعلومات عن الدخل والسكن وهل عمري سافرت خارجيا والدول اللي احب السفر لها ومن بعض الامور المهم شرح لي ان شكرتهم مختصه بالسياحة والسفر وتابعه لرويال وسوف احصل على جائزة عبارة عن تعليقه ذهب وطلب مني الحذور لمقرهم الساعة 9 اليوم الثاني لاستلام الجائزة واوضح ان هناك سحب على جيب همر وسيكون السحب في وقت حضوري وانهم يختارون عشرين عائلة وسيتم السحب بعد مشاهدتنا للعرض الخاص بشركتهم وراح تكون احلة ساعة ونص في حياتك

قلت خليني اضيع بعض الوقت معهم وشوف ايش اخرتهم

فاسالوني مرة اخرى عن اسمي ودخلي وهل تملك عقار وين تعمل الي اخره.

ومشيت معهم مع عدم اعطاء اجابة صحيحه عن المعلومات الي طلبوها.

وحضرت لمقرهم في شارع التحلية بسوق الحمران بجدة ودخلت من مكتبهم بالخلف بالدور الخامس ويوم جيت قال انتظر شويه ويدخلوني

ويجلسوني على طاولة ويوزعون علينا اكواب عصير تانج ماشربنا نصه

المهم

ويجيك ذاك المصري اللي ماخذ دورة في النصب والكذب اتوقع لاتقل عن 50 سنة خبرة

عرفني باسمه ومن ثم قال كنيتي ابو يحي قلت هلا والله

المهم عطانيه برنامجه وقال عندنا برنامج عبارة عن 30 ليلة وقعد يبربر ساعة علي من هالخرابيط الي يكذبون فيا علينا وقال ان الليلة فقط نقدم عرض وهو خصم 10 الاف وقال الليلة فقط وحط تحتها 10 خطوط الليلة فقط

وايضاً في هذهي الليلة نقسط لك وناخذ منك مقدم 20 % من مبلغ البرنامج

يقول تطلع من عندنا يلغى عرض الخصم والاقساط

المهم كل شوي يقوم ويقول بروح اجيب هديتكم اتركك انت والمدام تشاهد بعض صور للشاليهات والمنتجعات والفنادق خارج السعودية وداخلها

قلت في نفسي ويش هالهدية اللي صلح لي زحمه عليها كل شوي وهو قايم

المهم ان زهقت ما ابي هديتهم ابي اخلص واطلع باي طريقة

اخر شيء

ويجيب شخص مصري يقول لي هذا اللي حط اسعار الـ برنامج السياحي

المهم ويحط السعر قال سعرها بالكاش 35 الف ريال لمدة 30 يوم على 3 سنوات

ومع الخصم تصير 25 الف ريال وباقساط وتدفع تقريباً الحين فوق الـ4الاف ريال بنظام التقسيط

المهم رفضت قلت ما اقدر ادفع الان <<يتهرب

المهم ويجيب لي عرض الـ 15 يوم وانقص شويه بالسعر الظاهر 22 الف ريال

المهم وقلت ما اقدر شوية ومع كثرة الضغط من المصري هههه ويجيب عرض

الـ 10 ايام مدري من وين طلعه ههههه المهم وارفض بعد الظاهر قسطه 1800 ريال رفضت

يحاولون من هنا ومن هنا وشوية قلت ماعندي سيولة الحين ويقول بنمدد لك العقد الى بكرة او بعد بكرة << خبري فيه الليلة وحاط تحتها 10 خطوط

بنأخره لك بتجي قلت لا ما ادري اجي ولا ما اجي

المهم قال ادفع عربون وتعال في اي وقت رفضت وسويت زي ما يسون اماطلهم ههههههههه وطلعت اللي عندهم

ونا طالع قال لي المدير روح استلم هديتك قلت وين ابو يحي المصري اللي يقول بجيب هديتي شفت وجهه متقلب راحت عليه العمولة اللي من وراي

يقول لي المدير وقعنا مع 38 عائلة اليوم قلت لا تسجلني معاهم

واطالع في العوائل اللي معاه مصري واللي معاه سعودي ماسكه على جنب

قلت في نفسي الحمدالله اللي خرجنا بسلامة من عند النصابين

واطالع في الهدية الله لا يفشلنا تعليقه صغيرة تكاد ترى بالعين واخف من الورقة

1- قطعة ذهب والله لايريكم من قطعة تفشل حسبي الله عليهم عيار 21 جرام بس وزنها .00000001 من الاجرام ههههههههههههه.

ومجلة اربع صفحات للاطفال

وتخفيض بنصف السعر لمدة اسبوع في شاليهه بشرم الشيخ وافلقني اذا حضرت لهم

واتذكر لي الموظف الكذاب اللي قابلني اول مرة السعودي اللي قال هذي احلى ساعة ونص في حياتك ما راح تنساها طلعت اخس ساعة ونص في حياتي

وذكر لي احد الاصدقاء انه اشترك معاهم وهم غير صادقين اغلب الفنادق التي يحجز فيها خارجياً قبلها بشهر يتفاجئ قبلها باسبوع يقولون هذا الفندق اوقفنا التعامل معاه وتكرر القضية معاه في اغلب الفنادق الجيدة

يعني بحسبه بسيطة تكتشف انهم نصابين
مثلاً 30 ليلة سعر برنامجه بدون خصم 35 الف وبعد الخصم 25 الف

اطلق فندق بالسعودية لن يتجاوز سعر الغرفة 700 ريال واذا كنت تقضي فترة طويلة سيكون السعر مخفض

يعني لنفترض 700 ريال في 30 ليلة =21 الف ريال

على الرغم ان الفنادق بالخارج تكون غالبيتها منخفضة اسعارها قد تكون 500 ريال
وبامكانك تجد فنادق او شقق نظيفة باسعار 350 ريال 400 ريال بالداخل وبالخارج يمكن اقل من نص المبلغ
بدل ماتكون مجبور على برنامج النصب السياحي للشركة النصب والاحتيال

فاحذروا وانتبهوا واتمنى تطنيش الموعد رغم المغريات ولاتضيع وقتك مع هذهي الشركة النصابة

http://www.benaa.com/Read.asp?PID=1311019&cnt=-2&Sec=0

واللي رفع سبع ان الموضوع منقول
والشركة هذي غيرها معروفات بغشهن والكثير يعرف نصبهن لكن نقول الي ماعرفهن يعرفهن الحين ولا ينغش بهن وتبون اسم الشركة افتحوا الرابط

وش مطغيهم ؟ دلاختك
لا تزعل وانا اخوك لكن هذا الواقع دلاخه الشعب طغت التجار علينا وهالشركة نموذج لطغيانهم عليك وعلينا

المشاركة الأصلية كتبت بواسطة تعبت

وش مطغيهم ؟ دلاختك
لا تزعل وانا اخوك لكن هذا الواقع دلاخه الشعب طغت التجار علينا وهالشركة نموذج لطغيانهم عليك وعلينا

ادري اني دلخ