السلام عليكم ورحمة الله وبركاته

اخواني و الاداره القائمه على هذا المنتدى ،، ارجوا منكم المعذره اذا طرحت موضوعي في غير محله المناسب لكن من باب البحث عن افضل استشاره ومساعده منكم تم طرح موضوعي هنا لعلي اجد احد الاخوه قد مر بنفس مشكلتي و يفيدني بالحل

القصه كالتالي و بسردها بالعامي افضل

سيارتي لومينا موديل 2002
عندي فيها مشكله كانت في يوم من الايام بسيطه ،، لكن الان تطورت المشكله وصارت صعبه
المشكله كانت لما اروح اي مشوار و اطفي السياره و ارجع اشغلها بعد خمس دقايق او حتى بعد ساعه ما تشتغل ،، وحتى تشتغل لازم اقفل الباب بالريموت و افتحه مره ثانيه و ترجع تشتغل على طول ،،
رحت فيها لورشه و فحصوها بالكمبيوتر وقالوا المشكله مع الحساس و قيمة تصليحه 900 ريال

تطورت المشكله و صارت السياره ( تتف تف ) وبعدها تطفي و انا اسوق ،، ترجع تشتغل لكن تتم معاي 5 دقايق بالكثير وبعدها تطفي نهائي و بعدها ما تشتغل الا بعد 12 ساعه او حتى 24 ساعه
توقعت مشكله الـ ( تف تفه ) من الطرمبه ووديتها و رشه و قال الطرمبه سليمه ميه ميه
لكن قال لي المهندس مشكلتك في الـ ( ريموت السياره )
قلت بسيطه
ورحت على محلات العمودي ( الدمام ) وقلت غيروا الريموت
لكن للاسف ماقدروا يبرمجوا المفتاح ،، يقولون الكمبيوتر مو راضي يتعرف على المفتاح الجديد

ارجوكم يا اخوان اللي عنده حل يدلني عليه
انا طقت كبدي من هالسياره
وحالتي الماديه ماتسمح لي اني ابيعها و اشتري سياره جديده

واعذروني ان كان موضوعي في غير محله

حياك اخوي .. ويعينك
بس انت متأكد المشكلة من برمجه المفتاح !!!
طيب الوكيل مايقدر يبرمج المفتاح ؟؟


--
فيه موقع خاص لبرمجة لاغلب مفاتيح السيارات
راح ابحث عنه .. واتمنى ان تجد به مايفيدك

هلا جمره غضى
انا ما ادري ايش المشكله بالضبط
هل هي مفتاح او كمبيوتر او غيره

لكن انا قلت اخلي موضوع الوكالة لأخر شي بعد ما استنفذ كل الحلول
لأني مع الوكالات وخاصه الجميح ما اطيقها خير شر
حراميه و نصابين و جهل
وعندي من القصص اللي صارت معهم كثييييير

اشكر مرورك

مهب المشكلة من الكهرب !؟

--------------------
هذا موقع لبرمجة المفاتيح "ولا اعرف ان كان هذا ما تقصده بالبرمجة "
http://www.programyourremote.com/

وهذه صفحة اللومينا
http://www.programyourremote.com/cla...se.asp?cid=299

الله يعطيها العافية اللي صابرة الى الحين امريكي وتبيه يصبر اكثر من خمس سنوات

جمره غضا
ممكن المشكله من الكهرب
الله يعين
الظاهر بكره بوديها للوكاله و أمري لله
والله يعين على مصاريف السطحه و مصاريف الايدي العامله الذهبيه في الجميح

هلالي
شاكر لك مرورك

اخوووي
اب اقول لك المشكلة ليس لها علاقة بالطرمبة البنزين اطلاقاَ
المسالة لاتتجاوز كلا من:
برمجة المفتاح مع الدقمة مع الكومبيوتر وهذا موجووود بكل السيارات الحديثة
والحل هنا والله اعلم هو
ان تذهب للوكالة ةتطلب مفتاح للسيارتك جديد
انتبة :::::
اتبع الخطوات التالية
شيل سيارتك بسطحة وارسلها للوكالة وقول لهم ان المفتاح ضااااااااااااااايع!!!!
طبعا هم راح يبرمجووون المفتاح الجديد على اكومبيوتر السيارة!!!
وطبعا الوكالة راح تبرمج كومبيوتر سيارتك اتماتيك(بدووون مقابل)
وفي النهاية..........تحصل على مفتاح جديد +برمجة كومبيوتر السيارة مجانا؟؟
اي خدمة ميكانيكية انا جاهز لاي واااااااااااااحد

اخواني الاعضاء

اشكر تفاعلكم مع الموضوع و محاولاتكم في حل المشكله
اليوم من الساعه 7 الصبح و انا واقف عند الورشه انتظرهم يفتحون
شرحت لهم الموضوع كامل وماقصروا ،، فحصوا السياره و قالوا المشكله في " شريحة الكويلات "
و بدل الشريحه بشريحه مستعمله و على طول اشتغلت السياره
طبعاً الفني تعاطف معاي لأنه شاف عندي بلاوي في السياره ويبي لها شغل كثير
قال لي روح اشتري القطعه من برا ارخص لك من عندنا
كلفتني القطعه 600 ريال

والحمدلله انحلت مشكلتها

فيض ودي

اخوي mr. vague

اشكر لك حلك بخصوص المفتاح
وصراحه الفكره جباره و ما خطرت ببالي
لأني بروح للوكاله على نياتي و بحكي لهم القصه اللي كتبتها في بداية الموضوع
وبيتفلسفون على راسي و ينفضون مافي جيبي المسيكين

شاكر لك مرورك و مشاركتك ياطيب

أنا معي لومينا 2003 وصارت لي نفس المشكلة أخوي

وطلعت المشكلة بطرمبه البنزين وكانت نفس اعراض سيارتك بالضبط

غير طرمبه البنزين وبتعين خير لا يلعبون بالكهرباء حقت السيارة ولا المفتاح

أنسب وارخص مكان لشرائها هو التقوى وهي ارخص محل يبيعها وسعرها تقريبا 525 ريال

مع التركيب 150 ريال لا يلعبون عليك

موفق اخوي