تويوتا ج1 +ج2 + معاناتى

**ابو مسفر00** · 15-10-2009, 02:41 AM

طبعا كنت من المعجبين بشركه عبداللطيف جميل كذالك بسيارته حتى حصل معي هذا الموقف

نبدا بسم الله اشتريت من عبداللطيف فورنتشر 2006 بمبلغ فوق 130000 ريال منتهى بالتملك وكنت من المدافعين عنه حتى درجه احسست اني احدى الملاك لهذه الشركه طبعا مرت الايام والسنين حتى شهر 11 من عااااام 2008
وعبداللطيف يلهف اخر الشهر2150 ريال وانا مبتسم حتى وصل مبلغ السداد 68000 من غير الدفعه 5000 المقدمه والدفعه الاخيره 42000 حصل لسياره حادث انقلاب على طريق الرياض __ الطائف على سرعه 110 فقط والحمد لله الذي لايحمد لمكروة سواه طبعا السياره عليها تامين شااااامل حتى الطرف الثالث من شركه حمايه احدى شركات عبداللطيف جميل سحبت السياره من مركز طحي قرب القويعيه الى الرياض مبلغ 1200 شامل اجره الونش حتى يرفع السياره
قدمت الاوراق والمستندات الى فرعهم في الرياض تم ايقاف الاقساط بنيه التعويض بسياره اخرى جديده لان السياره تالف جدا بدايه المعاناة
من مركز طحي الى المواصلات بالقويعيه الى مرور الرياض الى الى .......؟؟؟؟ الخ طبعا هاذي شغله مندوب التامين لكن من الحرص الزائد والبلاهه مني بعد شهر تم الاتصال علي لقوم بالتوقيع على بيع السياره الى التشليح
وان السياره بيعت بمبلغ 9800 ريال فقط لاغير قبل لا اوقع على الاوراق
طلبت نسخه من تقرير الصيانه تفاجات ان السياره تكاليف الاصلاح حسب افاده الفلبيى في مركز الفيصليه بالرياض يقول لي فوق 70000 ريال ليه والتامين مايغطى الا 25% من قيمه السياره الاساسيه الكاش طبعا افادوني رايح احصل على تعويض محترم وكان قيمه الشيك ياااااااااااااخوان والله على مااقول شهيد 300 ريال فقط وهي جزء من قيمه السطحه والسبب ان الشركه لديها تعليمات لاتدفع الا 300 من قيمه السحب لو تكون 5000 ريال مالك الا300 فقط
حتى موظف بنك ساب في الربوه تفاجا من المبلغ يقول تعويض ولا صدقه وباقي اخوكم نايم في عسل عبداللطيف بسياره جديده من نفس النوع وفل المواصفات كالسياره السابقه صفينا العقد معهم وكان الرد لايوجد تعويض والسبب انك متعدى نصف قيمه السيارة ؟؟؟؟؟؟؟؟؟؟؟؟ طبعا اراجع وثيقه التامين مكتوب بها
التغطيه الى 750000 ريال مع الطرف الثالث
ملاحظات مهمه
1-
2- الحادث من تقرير امن الطرق يفيد ان السياره على سرعه 110
3- وهو انفجار كفرتين علما انها مغيره لدى مركز الصيانه لدي الواطي عبداللطيف
4- علما ان السياره دفع عليها تعويض الى الوكاله 49500 ريال ولاشفت ولاريال وهذا كلم من موظف لديهم وشفت الاوراق ولم يستطيع اعطائي نسخه لانه على قوله لو طلعت من عتده ولو نسخه يريح يفصلونه من عمله لانه سعودي .......
طبعا انا متعمد اطرح الموضع بهذا الشكل والقصه لم تنتهى بل في بداياتها حبيت اخفي بعض من القصه حتى اراى ردودكم ثم اكمل لكم القصه وتكون مترابطه بشكل كامل

يتبع الجزء الثاني بعد ردودكم:cry ing:

**فهد الزهراني** · 15-10-2009, 04:45 AM

وباقي وباقي ماشفت شي
الله يعينك

**خالد 1** · 15-10-2009, 05:30 AM

قصة سحب مبلغ التعويض الى الوكالة ... نظام معروف .
وكلهم واطيين وشغلهم نهب وضحك على الشعب .
حتى علموا الموظفين الصغار على الكذب والنهب والسرقه لصالح شركتهم .

**محمد1988** · 15-10-2009, 01:45 PM

هذا هي بركات الايجار المنتهي بالتوريط ... , الله يعينك .

لاتتعب نفسك وراهم والله يتعبونك حتى يطفشونك من حقك

**ابو جنــــــى** · 15-10-2009, 02:04 PM

اول شيء حمد لله على سلامتك
أغلب وكالة السيارات تلجأ لنظام التأجير المنتهي بالتمليك لإبقاء السيارة بإسمها, لضمان عدم التصرف فيها وضمان حقهم المالي ,يعني ماتسدد سحبوا السيارة وتصرفوا فيها
والله يعينك هذا النظام قيد على المشتري
وبإنتظار الجزء الثاني

**مقاطع نشيط** · 15-10-2009, 02:05 PM

الحمد لله على سلامتك
وبعدين ياخي انا كنت قريب من شراء سيارة منتهيه بالتمليك لاكن الحمد لله الذي عافاني

**جمرة غضا** · 16-10-2009, 04:09 PM

الحمد لله على سلامتك
بانتظار بقية القصة

دائمًا نكررابتعدوا عن التأجير المنتهي بالتمليك

**يوسف بن أيوب** · 16-10-2009, 10:41 PM

الحمد لله على سلامتك
بإنتظار الجزء الثاني

**ابو مسفر00** · 16-10-2009, 10:59 PM

شكر على الردود وان شاء الله ابسرد بقيه القصه وانتظر الحكم منكم

**ابو مسفر00** · 16-10-2009, 11:09 PM

بسم الله نبدا استكمال للجزء الاول من معاناتى مع وكيل تويوتا
قدمت بشكوى عن طريق الرقم المجاني وشرحت جميع ماسبق وان التعويض
يكون لي فيه لان وثيقه ه التامين تنص على تعويض وتغطيه الطرف الثالث والى يومكم يا اخوان لم يفيدني احد تقريبا قرب السنه. لي تقريبا مصالح مع مدير الفرع حاول اعطائي سياره بدون دفعه مع التنسيق مع الاداره في جده وكان ذالك واعطوني سياره 2008
كامله المواصفات ولم اوقع على كمبياله عد الاوراق العاديه واستلام السياره طبعا الى الان وضع طبيعي وضاحكين علي استلمت السياره وبديت امرن السياره بدات المشاكل
حذفه في الموتر انحراف مقود السياره(الدركسون) اصوات صفير في الابواب طبعا خلصت الالف ورحت الصيانه كان هذا الكلام قبل القسط الاول بفتره اسبوع دخلت الصيانه وعند سيارتي واتفاجا سيارات حوادث وسمكره وكانت المفاجاه اغلب القطع صيني خاصه افالون
رفرف على جوانب السياره ديكورات الخ.... ابلغوني تاتي غدا تستلم سيارتك مااااااااااشي
استلمت السياره ولا شي عد الدركسون مائل على الجهه الثانيه رجعت ياعالم قالوا راجع المعرض يمكن السياره فيها عيب مصنعي رجعت الوكاله كلمت مدير الفرع كالعاده رح الصيانه ببرود وتغيرت الكلمات هددت بعدم دفع الاقساط ولاريال الا اذا احد كلمني من المركز الرئيسي من جده ولاحولك احد بدات استخدم السياره كانها قلاب جلنط على ارصفه المهم مابقى رصيف في الرياض والدمااام الا اخذنا عليه شوط بعد 3 اشهر والسياره معي و لا قسط
طلع عيب في السياره القير فحصته في الدمام قالوا ان يحتاج تغير كلتشات لالالا السياره ماشيه فقط 12600 كــ والقير وقفت السياره عند البيت ومخليها لاصحابها كلمت المجاني وقلت السياره ماابغاها شيلوها قالوان عليها بلاغ من شهرين طبعا كذبه او رح سدد الاقساط وبعدين نشوف حل طبعا المحصلين حارقين الجواااال والعمل سدد سدد من ثاني شهر وانا اسحب فيهم بكره بعده الى ان كلمني واااحد مصري وااااطي اتهمني اني حرااامي واني ايضا ابن (؟؟؟؟؟؟) عارفين وش القصد رحت الوكاله على بالي ابسدد وانا ابغى الوسخ المصري كلمت مدير المحصلين بلي حصل وقال لي كذب انا جالس معه ولا قذفك بهالكلمه
سمعته تسجيل صوته ولارد هددت مدير الفرع بالشكوى الى وزاره التجاره بدوا المحصلين على ولد العم حتى سبوووه ولعنو ابو خامسه من سب وشتم وتوجهت انا وياااه وعلى فرعهم وعارف وين المحصلين ونطلع الى الشخص لاني اعرف اسمه وشوي العالم والموظفين والامن عندنا وتهديد بالشرطه اذا ماطلعت من الفرع اجانب عدى 3 سعوديين ...
مختصر الكلام حسيت في تلك اللحظ اني مقيم ولست مواطن كل من جاء تكلم وشتم وابن الكلب مدير الرياض المصري ماعطيهم الصلاحيه بكل شي اهم شي الاقسااط طبعا السياره سحبت يهددوني بوزاره التجاره واخوكم مع المخرج ساحب عليهم يكلموني من جده سعوديين رجال ونساء يحاولون ان ادفع الاقساط واستلم السياره وانهم اضافوني في( سمه )
سحبت عليهم وطلعت كابريس من العيسى بنظام التقسيط وابو جميل باااقي ينتظرمني
ارجع له واحب على ايده واسدد واستلم السياره ؟ حبايبى وش تتوقعون رايح يصير
وهل يوصلون الموضوع الى وزاره التجارة ام لالا كذالك اتمنى يكبرون الموضوع لاني ابتقدم شكوى الى الوزاره وارفع بنص الشكوى الى المحكمه بسبب القذف والشتم وعندي شهودي واثباتاتي اسف على الاطاااااااااااله اتمنى ردودكم القيمه وش رايح يصير

مـــلاحظه
1- السياره 2008 صنع اندونيسيا
2- قيمه السياره مع الاقساط 168000 بقسط 2833
3- طالبين من فسخ العقد وادفع 33750 ريال مصاريف اعاده السياره
4- عدم حسن التعامل مع العميل الا عند نيه الشراء بعد الشراء ولايعرفونك الا بالاقساط
5- السب والشتم عند نقااااش المحصلين والمواطن مسلوب كرامته في هذا البلد
6- الاجانب مسيطرين على تويوتا في السعوديه من ربع ابو جميل
7- بااااقي على موقفى والله اني مااسدد ولا ريال حتى لو اعرف اني انفصل من وظيفتى واشحذ بعيالى عند المساجد ولا هذا الوااااااطي ياخذ من ريال لو توصل السجن والله على ما اقووووول شهيد وانشاء الله اذا استجد شي جديد رايح نضيفه في المنتدى الرائع تحيااااااااااااااااااااااااااااااااااااااتي