موقع عطري .. تجربتي الشخصيه

**AboDi** · 14-08-2009, 03:30 PM

السلام عليكم

انا عبدالله القحطاني ,طلبت قبل فتره من موقع عطري(موقع خاص للعطور يدعي انه يجيب العطور من فرنسا ويبيعها باسعار معقوله ) بمبلغ 1000 ريال بعد مادخلت الموقع وشفت كتابات الاداره والمشترين .. وانها من فرنسا ونفس العطور بس التعليب يختلف

بعد ماوصلت الطلبيه اخذت العطور , اولا كان التعليب سيئ وبعد مافتحت العطور وشميتها الصراحه سيئه جدا جدا العطور اللي جنب المسجد احسن,على الاقل في الاسعار

قارنتها مع العطور الاصليه جادور,بيور بويزن,سكادا,شانيل ان 5,وغيرها كانت الروائح حتى مو قريبه,حتى من ضمن الطلبيه كان 2 جادور ,مختلفين في الريحه عن بعض رغم انها نفس العطر

اتصلت عليهم صرفوني يحلف لي انها اصليه اقول له الريحه غير يقول انت ماتعرف وبعدها ماردوا على رسايلي وتركتهم .. طمعا في ان يقتص لي الله عز وجل .. والله على ما اقول شهيد..

**جمرة غضا** · 14-08-2009, 06:22 PM

أخوي وليه تأخذ من هالموقع "تراني ما أعرفه أول مرة أسمع به" ليه تاخذ منهم !؟
تبي عطر أصلي واسمك راخ تأخذه من النت ..
يامال الغنيمة ادخل على مواقعهم الماركات واشتر منهم
اضمن لك من نصب الوسطاء

**بنت الرجال** · 18-08-2009, 08:02 AM

شفت موقع عطري من فترة
بس ما جربتهم

**Iset** · 23-08-2009, 03:37 PM

فيه موقع يبيع العطور و الميك آب ..
و أسعاره نفس الأسعار اللي كنت اشتري بها عطوري سابقا قبل قفزات الغلاء غير المبرره!!

الموقع هذا عالمي(يعني يبيع و يوصل لأي مكان بالعالم).. اسمه ستروبيري نت

حتى عندهم واجهه عربية و يحطون الاسعار بعملة البلد اللي تختاره
جربتهم و وصلوا لي عطوري و ريحتها تمام، ولو انهم وصلوها متأخر
بس قررت بعدها اني لما اطلب منهم ما اطلب إلا في الشتاء عشان ما اقلق نفسي بأن العطر بيخرب من الحراره!!

**نوماس** · 11-10-2009, 06:23 PM

اقتباس:

المشاركة الأصلية كتبت بواسطة Iset

فيه موقع يبيع العطور و الميك آب ..
و أسعاره نفس الأسعار اللي كنت اشتري بها عطوري سابقا قبل قفزات الغلاء غير المبرره!!

الموقع هذا عالمي(يعني يبيع و يوصل لأي مكان بالعالم).. اسمه ستروبيري نت

حتى عندهم واجهه عربية و يحطون الاسعار بعملة البلد اللي تختاره
جربتهم و وصلوا لي عطوري و ريحتها تمام، ولو انهم وصلوها متأخر
بس قررت بعدها اني لما اطلب منهم ما اطلب إلا في الشتاء عشان ما اقلق نفسي بأن العطر بيخرب من الحراره!!

حياك الله اخوي

ياليت لو تحط عنوان الموقع هنا حتى نستفيد منه

ولك جزيل الشكر والاحترام

اخوك : نوماس

**غـــازي** · 15-11-2009, 04:18 PM

بحثت في قوقل عن اسم ستروبيري نت وطلع لي هالموقع وأظن هو المقصود

http://sa.strawberrynet.com

وأنا أنصح مثلما قالت العميدة أن يدخل في مواقع شركات العطور نفسها - لاسيما لمن يجيد اللغة الانجليزية