لبيعه أدوية طبية مخلوطة

إغلاق أشهر محل لبيع العطارة بشرق الرياض

كتبها مشاري العتيبي ( الرياض) :

السبت, 08 أغسطس 2009 13:17

داهمت جولات تفتيشية تابعة لبلدية الرياض عددا من محلات العطارة , وقامت بإغلاق أشهر محلات العطارة في شرق الرياض , لقيامه ببيع مواد طبية مخلوطة بالمخالفة للأنظمة.
وكانت توجيهات صدرت من إمارة منطقة الرياض , بمراقبة محلات بيع العطارة , والتأكد من عدم مخالفتها للأنظمة التي تقضي ببيع مواد طبية داخلها , لان هذا من اختصاص الصيدليات.
وقد تم مداهمة العديد من محلات بيع العطارة , واكتشفت فرق التفتيش قيام أشهر محل لبيع العطارة بشرق الرياض ببيع مواد وصفات بها أدوية وخلطات طبية , مما يعد مخالفة للنظام , وقالت مصارد لـ"سبق" انه تم إنذار المحل المشهور أكثر من مرة ولكنه استمر في المخالفة.
وقد جاء توجيه الإمارة بعد ازدياد الحملات الإعلانية التي تنشرها أشهر محلات بيع العطارة , ومعظمها تتعلق بأمور جنسية , من زيادة القدرات الجنسية , وتكبير أو تصغير الأرداف , وأجزاء حساسة من الجسم .

محلات العطارة يبي لها جهة خاصة لها تتابعها ..
قلبوا شغلتهم من بيع البهارات والدارسين لترويج للأدوية والمنشطات
المحل وين هوبوه
شكله بحجاب



وبطريقهم ياليتهم يتابعون راعيات البسطات لسنا بالأقل خطر من العطارين ..
وسمعت ان وحده راعيه بسطة فتحت موقع الإلكتروني وتسوق منه ادويتها المستودرة

وقالت مصارد لـ"سبق" انه تم إنذار المحل المشهور أكثر من مرة ولكنه استمر في المخالفة.

هنا مربط الفرس
متى ما عرف المحل إن من أول مخالفة سيغلق المحل لتعدل الوضع

محلات العطارة وإن كان عليها ملاحظات وبعضها يستغل عقول الناس في الترويج لبعض التراكيب التي يعتبرونها منشطات ونحوها إلا أنها تبقى ضرورة لكل أسرة .
وهم أحسن من اصحاب البسطات اللي مالهم مرجع ولامكان محدد ويكثر الأفارقه في مكة ولو سألت عن ادوية جنسية موجوده لا وبعد يتعدى أحيانًا للشعوذة والدجل .

شكلي بروح لحجاب انا شاك بعطار الكويت

بتقص الوضع وارجع لكم بصور

ابي افهم شي واحد انا الناس ليش تحسب ان الصحه والقوه تنبع من المعده ...

يعني تلاقي الواحد يشرب دخان ولا يتحرك واكله كله دسم وسكر وغيره ويبي يصير قوي جنسيا

والله اني ما اثق باحد غير امي في الاكل وغيره

الرياضه يا اخوان هي اقرب طريق للصحه

لا يكون عطار البحرين الي ماخلا مرض الا حط له علاج والي يوصف صاحب المحل مواطن

وياقلب لاتحزن

الله يعين بس
اللعب بالأرواح صار سهل

عزالله فالينها حقين العطااااااااره بكل بلد

لارقيب ولا حسيب ولا تاريخ صلاحيه ولايعرفون وش اضراره


اطلب تجد

اذكر فيه واحد كان يكتب عن الطب الشعبي باحد المجلات الصديقه ( يحتفظ الكاتبه باسمها ) واشتهر الرجال وفتح له محل عطاره وقام يحط هالمصاريه وصار يداوي كل شي ( بتاع كلوووووووو ) وخذ من هالدراهم واجمع وحط بالحساب ويرسلك علاجك لاي دوله

ومادري وش صار عليه شكله صار تاجر عقار ههههههههههههههه

المشاركة الأصلية كتبت بواسطة مقاطع من الجبيل

عزالله فالينها حقين العطااااااااره بكل بلد

لارقيب ولا حسيب ولا تاريخ صلاحيه ولايعرفون وش اضراره


اطلب تجد

اذكر فيه واحد كان يكتب عن الطب الشعبي باحد المجلات الصديقه ( يحتفظ الكاتبه باسمها ) واشتهر الرجال وفتح له محل عطاره وقام يحط هالمصاريه وصار يداوي كل شي ( بتاع كلوووووووو ) وخذ من هالدراهم واجمع وحط بالحساب ويرسلك علاجك لاي دوله

ومادري وش صار عليه شكله صار تاجر عقار ههههههههههههههه

اذا كنت تقصد النصاب الخبيث صاحب قناة الكذب (الحقيقة) ؟؟؟
فهذا من أكبر نصابي العصر
كلمهم بالهاتف وقل للموظفة (لاحظ حاطين موظفة) العلة أو الموض وتعطيك رقم الحساب ويرسلونك الأعشاب على البريد ،،،

والله مصيبة فعلا ،،، نصب عيني عينك ومع ذلك استغرب سكوت شيوخ الامارات عنه

من ياخذ من محلات العطاره أصلا

المشاركة الأصلية كتبت بواسطة غـــازي

اذا كنت تقصد النصاب الخبيث صاحب قناة الكذب (الحقيقة) ؟؟؟
فهذا من أكبر نصابي العصر
كلمهم بالهاتف وقل للموظفة (لاحظ حاطين موظفة) العلة أو الموض وتعطيك رقم الحساب ويرسلونك الأعشاب على البريد ،،،

والله مصيبة فعلا ،،، نصب عيني عينك ومع ذلك استغرب سكوت شيوخ الامارات عنه

مشعوذ وعلاجاته سحر بسحر ..
وتم القبض عليه من قبل السلطات العمانية
http://www.sra7h.com/news.php?action=show&id=1677