عبداللطيف جميل يريد تصريف سياراته باي طريقه

**سـعود اللــيالي** · 08-08-2009, 12:56 PM

السلام عليكم صباح اليوم مريت وكاله عبداللطيف جميل وبالصدفه طحت على موظف مختص بالتقسيط وسالته عن الاسعار وسألني كم الراتب قلت له ابي كاش رد على بانه مختص بالاقساط فاستغليتها فرصه وجلست اخذ واعطي معه في الكلام ..
واثناء الحوار اكتشفت حقائق مذهله فعلا
والله يا اخوان انه يبي يصرف السيارات بأي الطريقه .. تقولون لي وشلون .. انا اقولكم

بعد ما سألني عن الراتب قلت له راتب وهمي وهو 5000 ريال قال وش تبي سياره
قلت اوريون قال ابشر وانبسط و فر شاشه الكمبيوتر لي عشان اتابع معه وشفت مكتوب في الشاشه ان نسبة الربح 9% وسألني عن الدفعه الاولى واقلقني عليها قلت له مابي ادفع دفعه اولى .. قال الارويون لازم دفعه اولى !! رديت عليه يعني افهم ان الكامري بدون دفعه اولى !! قال لي نعم بدون دفعه اولى !!!!
عجيب يعني تاخذ الكامري جديده بدون ماتدفع شي !!

المهم رجعنا للاوريون وقال لي لازم تدفع دفعه اولى 20 الف ريال والقسط بيكون 1530 ريال لمده 5 سنوات مع امكانيه تقسط الدفعه الاخير اللي هي 20 الف
وتخيلو معي ان كل هذا بدون كفيل
وهذه الشروط المطلوبه
تعريف بالراتب
صوره صك البيت
صوره الرخصه
صوره بطاقه الاحوال
والنقطه الاهم هي تأخذ السياره بدون بدون كفيل تحتها الف خط

اريد ارائكم في المبلغ الاجمالي ومبلغ التقسيط وفي التسهيلات اللي وفروها
علما ان المبلغ الاجمالي راح يكون 116 وقيمه السياره 86 الف كاش
بالله عليكم الا يريدون بهذه الطرق المكشوفه تصريف سياراتهم التي اوشكت على الصدأ بأي طريقه كانت مع محافظتهم على جشعهم في رفع اسعار السلع سواء كان كاش او تقسيط

وللعلم اذكر قبل 4 سنوات سألت عن التقسيط قالو 32 شرط معقده جدا منها فاتوره التلفون وايضا ان يكون الراتب فوق 6000 وشروط مالهانهايه حتى لو كنت بتاخذ كورولا وش اللي تغير ؟؟؟

**قوانين** · 08-08-2009, 01:05 PM

كلامك صحيح اخوي سعود ,, ولو كل يوم تروحلهم راح تلقى كل يوم ترحيب

لا والاجرائات اسهل بكثير اذا عزمت على الشراء بتلاقي التسهيل اكثر واكثر

لكن نصيحه لاتشتري ابدآ الحين انتظر شهرين على الاقل وبتشوف شيء يسرك

**سـعود اللــيالي** · 08-08-2009, 01:16 PM

اقتباس:

المشاركة الأصلية كتبت بواسطة قوانين

كلامك صحيح اخوي سعود ,, ولو كل يوم تروحلهم راح تلقى كل يوم ترحيب

لا والاجرائات اسهل بكثير اذا عزمت على الشراء بتلاقي التسهيل اكثر واكثر

لكن نصيحه لاتشتري ابدآ الحين انتظر شهرين على الاقل وبتشوف شيء يسرك

عزيزي قوانين.. اشعر ان الموظفين ليس لهم علاقه اطلاقا فيما يحدث فهم مثل المأمورين
واي تجاوز من الموظف سيكون مصيره الطرد .. وهذي هي سياسة الشركه
ما اود ان اشير اليه ان شركة جمول بدأت تقدم تسهيلات كبيره في الشراء بنظام التقسيط بخلاف السابق

ولكن نحن نريد تسهيلات في الاسعار واحترام العميل بعد البيع احترام يليق به كإنسان

**جمرة غضا** · 08-08-2009, 01:27 PM

اقتباس:

وانبسط و فر شاشه الكمبيوتر لي عشان اتابع معه وشفت مكتوب في الشاشه ان نسبة الربح 9%

مازال لص لا يخاف الله ....
أي شخص يأخذ تورق من البنك مثل " الأسهم " ويشتري السيارة و تطلع عليه بـــ الفوائد 4% و أقل

==============================

أما بخصوص الشروط في السابق و كيف تقلصت الآن فهذا من نتاج الحملة ونجاحها ...
لو لم نقاطع لستمر جمول واخوانه التجار بفرض الشروط التعجزية على المستهلك
ومع هذا سنواصل بالمقاطعة
==========
لا أحد ينكر أنهم متوهقين وماكلين هوا بسيارتهم
ويكفينا أنهم قلصوا الإستيراد والسبب إن مخازنهم مكدسة بالموديلات السابقة... لكن مشكلتهم أنهم مكابرين جشعين ...
وينطبق عليهم المثل " الطمع ضيع ما جمع "
لو عدلوا الأسعار وارتضوا بالربح المعتدل المعقول لا صرفت سياراتهم لكن طمعهم خسرهم عملائهم وصدا سياراتهم ....

**سـعود اللــيالي** · 08-08-2009, 01:54 PM

جمرة غضا احسنت كما هي عادتك وبالفعل لازال هناك طمع كبير من قبل التجار
لكن بالدعاء لله سبحانه وتعالى بهدايتهم وتليين قلوبهم بخشية الله واقتناعهم بالربح المعقول
ومن ثم بالمقاطعه هو الحل الامثل

**ابو جنــــــى** · 08-08-2009, 02:00 PM

حبيبي عبداللطيف صح تأثر بالحملة وصار يحاول يكسب الزبون بأي طريقة, ولكن لايغرك قلة الشروط او عدم وجود كفيل.
عقد الإيجار المنتهي بالتمليك يعني تبقى السيارة بأسمهم وياويلك لو تخلفت في الأقساط ثلاثة شهور سحب على طول , ترى خسائر عبداللطيف من البيع بالأقساط تعدت المليون ريال

**Gilardino** · 08-08-2009, 04:20 PM

اقتباس:

المشاركة الأصلية كتبت بواسطة ابو جنــــــى

حبيبي عبداللطيف صح تأثر بالحملة وصار يحاول يكسب الزبون بأي طريقة, ولكن لايغرك قلة الشروط او عدم وجود كفيل.

اقتباس:

المشاركة الأصلية كتبت بواسطة ابو جنــــــى

عقد الإيجار المنتهي بالتمليك يعني تبقى السيارة بأسمهم وياويلك لو تخلفت في الأقساط ثلاثة شهور سحب على طول , ترى خسائر عبداللطيف من البيع بالأقساط تعدت المليون ريال

عبداللطيف .. اجشع الجشعين

وعقبال ماتوصل خسايره للترليون

سعود . لاهنت على الطرح

**مقاطع بمعنى الكلمه** · 08-08-2009, 05:25 PM

اقتباس:

وتخيلو معي ان كل هذا بدون كفيل
وهذه الشروط المطلوبه
تعريف بالراتب
صوره صك البيت
صوره الرخصه
صوره بطاقه الاحوال
والنقطه الاهم هي تأخذ السياره بدون بدون كفيل تحتها الف خط

النقطه الاهم طول الله عمرك انك تجيب لهم استقطاع من البنك اللي ينزل عليه راتبك وبالنسبه 9% ما زالت نسبة الارباح عاليه جداً
لذلك ستسمر المقاطعه

**مقاطع نشيط** · 08-08-2009, 11:15 PM

نسبة 3% معقولة كبعض البنوك
اما 9% فهي مرتفعة جداً وبعدين وينك ترى هالنسبة كل سنة مو على كل السنين وبعدين وينك الدفعة الاخير ة ممكن يقصدونها على بالنسبة المذكورة صحصح انت وياة

**salah1001** · 09-08-2009, 12:32 PM

أخوي

إنتبه منهم فإنهم نصابين من الدرجة الأولى خاصة تويوتا أسقطها الله ...

30000 ريال الفرق مو قليل ...

شكلك ما جربت أقساط تويوتا

ولكن والله العظيم أنا كفلت شخص على هايلكس وأنا موظف في شركة عالمية وبوظيفة مرموقة..

أقسم بالله العظيم كل شهر يتصلون علي ويقولون لي أنت الكفيل بكل وقاحة يعني إذا مادفع سوف تدفع أنت... وإلا سوف نرسل خطاب شكوى إلى الشركة عدم تسديد المبلغ أو القسط الشهري...

أقسم بالله العظيم إذا ماطلبوا منك كفيل فهذه حيلة من حيلهم .. أنت لست أذكى منهم
فإنهم مثل حية أم جنيب ..
تزحف على جنب وتدس نفسها في التراب .. وعند الضحية ضربة واحدة ترى الضحية تتشنج ومن ثم في لحظات معدودة وقد فارقت الحياة..

هذه تويوتا مثل حيــــــــة أم جنيب...