وتعود حكاية مكتب الحمود للاستقدام

**انين شوقي** · 12-07-2009, 05:26 AM

السلام عليكم ورحمة الله وبركاته :-

اكتب لكم قصة والدي مع مكتب الحمود وادري هذا الشي مو جديد عليكم بو ريتال كتب لكم القصه >>ماقصرت

وكانها نفس قصتنا معهم ماتغير شي الزياده عليها >>الا ان احنا فرقنا عنه ان خذنا رقم قياسي اللي اهو سنه وشهر مع المعاناه مع مكتب الحمود وترى للحين ماجات الشغاله

االله يسلمكم :-
قرا الوالداعلان في الجريده عن مكتب الحمود >> وياليته ماقرا

وبعدها راح له وقدم شغاله هنديه في جمادى اخر سنه 1429هجري وتم الاتفاق على انه المده

تكون من اربع لاست شهور

وانتظرنا ست شهور ودق الوالد على المكتب وصعق بالخبر ان للحين ماتم التقديم بحجة انه ماتم

دفع المبلغ كامل استنكر الوالد وقال المكاتب دايم مايخذون المبلغ كامل الا اذا بقى على قدوم

الشغاله يومين واستسلم للامر ودفع

المكتب اخذ يماطل >>يلعبها صح

وبعد المماطله الله يسلمكم جاب شغاله عجوز >>وهذا مو اتفاقنا جايبها احنا نشتغل لها (رجعناها)

وبعدها ماطل >>لازم يتعب الواحد

ونفس اللي صار مع بو ريتال بيعطونا شغاله مؤقته راح الوالد لهم واستغرب

ماتصلح للشغل

وتم يماطل يقول تجي بعد اسبوع بعد شهر >>صاوريخه

لين الوالد نفذ صبره واشتكى على المكتب ومفروض امس يلتقي الوالد(السبت) مع المكتب في

مكان الشكوى لكن ولا واحد من موظفي مكتب الحمود راح>>ماله حجه يروح

احس نفسي طولتها وخلاص اكتفيت >>ترى ماقلت شي من اللي صار

>>كل ذا ماقلتي

اللي قاهرني يكتبون اعلان في الجرايد ليه >>يمكن يبي يبين شطارت المكتب في الشغل

....ودمتم ...

**ابوطلال** · 19-07-2009, 12:37 AM

اخي النين الشوق كان الله في عونك الحال من بعضه مع مكاتب الاستقدام وذلك لعدم وجود الرقيب والحسيب .

**انين شوقي** · 19-07-2009, 04:46 AM

اخي ابو طلال مشكوور على المرور .. والله يعين الجميع ...

**alsareh** · 21-07-2009, 07:31 AM

الذي اعرفه يا أخي منذ سنوات ان مكتب الحمود متخصص فقط في استقدام الخادمات الاندونيسيات
واعتقد هذا هوسبب التأخير لكون خادمتكم من الهند

**انين شوقي** · 26-07-2009, 09:04 AM

اخي alsareh اشكر مرورك بس احب اوضح لك ان مكتب الحمود عند وضعه للاعلان بالجريده موجود الاستقدام من الهند وغيرها مو بس من اندونسيا فالمفروض يلتزم بالعقد الموجود

**صاحب حق** · 17-09-2009, 07:41 AM

انين
الصراحة جبتها في الصميم مكتب الحمود اخيس مكتب (مكتب الحمود بالخبر)
انواع اللف والدوران لي معهم اكثر من خمس شهور وللاسف
صاروا يتهربون من الرد علي الصراحة انصح كل واحد
عدم المجازفة في التعامل معهم ,,,

**انين شوقي** · 08-10-2009, 05:13 PM

اختي صاحبة حق اشكرك على المرور وانصحك انك تشتكين عليهم في مكتب العمل والعمال ماينفع معهم الا كذاا

مع انهم للحين ماجابو الخدامه لنا قاعدين يعطونا اجار الى الان جاتنا ثلاث شغالات اجار وكل وحده اقرف من الثانيه والاخيره اللي جات جالسه دوريه عندنا في البيت اما الشغل ولا شي يلقطونهم من الشارع الظاهر قرف وقسم بس وش نسوي والاخوان راعيين مكتب الحمود رايحين يصيفون وتاركين الناس تعبانه الله لايوفقهم

وين صارت سنه وخمس شهور وحنا تعبانين منهم مافي ضمير صدق ناس ماتستحي

وعبدالله ذا اكبر صاروخ وكذااااااااب اهو رئيس العصااابه

دمتم ...

**هديل التميمي** · 09-11-2009, 09:56 PM

انا زوجي تعامل مع مكتب الحمود في الخبر شارع عشره ولم اجد ايت مشاكل لدرجت انا الخادمه الاندنوسيه جتني باقل من شهر ودمتم

**ريماس 2000** · 08-12-2009, 07:10 PM

السلام عليكم ياخواني انتبهو من مكتب الحمود اللي بالخبر والله العظيم انا مقدمين على شغالة من 11 / 1 / 2008 تقريبا والى الحين ماجات واحنا الان 8 / 12 / 2008 ماعندهم الا هاالاعذار مرة يقولون كانت بتركب الطيارة ومرضت ومرة يقولون بتزور اهلها اسبوع وبتجي ومرة يقولون مدير المكتب توة جاي من الفلبين وبيجيب اوراق القدوم حقت الخدامة وتاريخ الوصول لها ومرة يقولون بتطعم حقت انفلونزا الخنازير وبتجي ومرة يقولون تبغى راتب 1500 والاماتبي تجي واحنا متفقين على 800 ومرة فية مشكلة في العقد آخر مرة يقولون شكلنا بنهربها لكم ايش هالمسخرة بالناس ياخي احنا دافعين فلوس حوالي عشرة الالاف ياتجيبون الخدامة ياترجعون الفلوس حسبي الله عليكم ونعم الوكيل ....ومرة ومرة ومرة الا الآف المرات ...اطلب من مكتب العمل حفظ حقوق الموطنين وإقفال المكتب وتحذير المواطنين منهم وعدم وضع اعلانات لهم في الجرايد وخصوصا المبوبة ماعليش طولت عليكم بس والله من القهر اللي فيني وسامحونا .............

**انين شوقي** · 11-12-2009, 12:27 AM

اقتباس:

المشاركة الأصلية كتبت بواسطة هديل التميمي

انا زوجي تعامل مع مكتب الحمود في الخبر شارع عشره ولم اجد ايت مشاكل لدرجت انا الخادمه الاندنوسيه جتني باقل من شهر ودمتم

السلام عليكم

اختي انتي يمكن مجربه مره والحظ كان وياك بس انا جربت حظي وخدمتهم زفت
واللي يأكد كلامي كلام الخوااات يعني مو أنا اللي عانيت بس كثيرر متضررين منه والله المستعاان ...