مواطن بلا حيلة....وزارات بلا اراده.....شغف تسوق بلا مكابح....اعلام لا يستطيع الكلام....تجار يا ساتر فجـــــــــار!

اليكم ما وصلني على ايميلي كتبته اخت سعوديه.....

للي مايشتروا إلا ماركات

أول شي حابة أقولكم اني مانزلت الموضوع من عبث
واللي خلاني أكتبه وبكل ثقة هو اطلاعي التام ع الموضوع من كل النواحي وبأدق التفاصيل
خالي له باع طويل بالتجارة بالخليج عموما بوجه من الوجوه الخاصة بالتجارة يعني مو شرط انه هو يتجاروان كان له نصيب من ذلك
وبحكم انه اخطبوط بهذا المجال ولكن تنقصه الخبرة النسائية ولاني بنت اخته عاطلة بمرتبة شرف اولى ولاني زيي زي كل البنات اعشق التسوق
عرض علي اني اشتغل معاه براتب شهري
وهنا بدت رحلة كشف الاسرار واللي راح أطلعكم عليها بعد ماأخذت الاذن منه طبعا
وراح أعرضها لكم على شكل نقاط
أولا:العطور بفيسز وقزاز وغيرهم من المحلات التجارية اللي لهم اسمهم العريق
كلهم تعبئة دبي
الشركة الأم للعطور تبيعهم تركيبة العطر فقط وزجاجة العطر فارغة
مثلا:عطر ستيلا
الشركة تبيع كرتين وكراتين من الزجاجات الفارغة للمحلات وبثمن زهيييييييييد
وتوصل لدبي ويتم تعبئتها هناك بالتركيبة الخاصة بالعطر
طيب اش هي تركيبة العطر
هذي ياحبايبي تولة صغيييييييييييرة فيهاخلاصة العطر يعني لوتشميها تتصرعي من الريحة وسعر التولة 50 ريال فقط لاغير
ويكون عندهم جوالين كميات كبيرة كحول
طبعا سعر جالون الكحول 2 لتر بسعر35ريال
ويبدأو بتعبة الزجاجات الفارغة نقطة أو نقطتين من التولة مع تعبئة الباقي كحول وصااااااار عطر
ثانيا:أيام الجامعة كانت عندي صديقة تلبس بلايز ماركات برومود وكمايو ومن هذي المحلات وتحلف بالله انها أسعارها أغلى وحدة
على 9 ريال
أنا كنت أقولها لااااااااااتبالغي وهي تحلف بالله لاوكمان كانت تلبسها قبل لاتنزل عندنا بأسواقنا بثلاثة شهور
وكانت تقول ان أخوها وزوجته دايم يسافرو بنجلادش ويجيبوها لها من هناك
وفعلا لو تلاحظوا انهم أغلب المحلات مصانعهم ببنجلادش وبعضهم تلاقي مكتوب عليها صنع في بنغلادش
واللي عندها قطعة أقربهابرومود تروح تشوف
مرت السالفة
وبعد شغلي مع خالي اكتشفت صحة كلام صديقتي
أقسم بالله يابنات ان بعض القمصان السادة والبديات على ثلاثة ريال
نجي لنعومي
كله كوووووووووم والسيد نعومي كوم طبعاشفت صور مصنعهم ببنغلادش
البيجاما اللي على 300 ريال عندنا
من المصنع مباشرة من نعومي من بنغلادش بالكثير
اذا طقها الغلا على 25ريال
اكسسواريز حبيب الكل
مصنعهم بالهند
مرة سافر خالي رحلة عمل للهند وزار المصنع وقابل المدير
المهم يوم رجع جابلي كيس صغيرون مشكل فيه كم خاتم على اسورتين على محفضة جلد وكم كلبسة وثلاث حلقان
طبعا مو لسواد عيوني
لالا لزوم الشغل عشان ناوي يفتح محل وبيتعامل مع المصنع بس بديزاين غير اكسسواريز
المهم يوم عطانياه الا يقوللي الكيس ذا باللي فيه تكلفته 16ريال فقط لاغير
لبستهم وكرفتهم وشبعت منهم بعدين نزلوا باكسسواريز بأشهروبأسعار نااااااار
من يومها وأنا عايفة اكسسواريز عفته يانااااس
ثالثا:الماركات يوم تنزل بضاعة جديدة تنزل لكل التجار
بمعنى تنزلها للبوتيكات الخاصة فيها
وللمحلات العادية اللي ماتحمل اسم الماركة
ملاحظة:هذا اذا كان بوتيك الماركة فعلا بوتيك أصلي وراح تفهمو قصدي في الفقرة اللي بعدها
المهم انها تنزل للكل
بس تشرط على المحلات العادية اللي ماتحمل اسمها انها تشيل الستكر من الملابس
وراح أعطيكم أمثلة لبعض المحلات واللي صارو معروفين لبعض الناس
تاج توج بجدة والقوافي والمحلات اللي عندهم
بشهر ثمانية اشتريت من عندهم تنورة زارا ب15ريال
وبناطيل اتش آند ام
الواحد على عشرة ريال
وأطقم لاسنزا على خمسة ريال
وبكينيات لاسينزا الثلاثة حبات على خمسة ريال
وبنطلون سنوبي لزوم المشي بخمسة ريال
وراح تلاقوماركات كثيرة مانغو أوكايدي أوركيد كمايو نكست اكس أو بعض ماركات السواني سترادي فاريوس وبيرشكا تيرانوفا وهلم جرا
طبعا اذا رحتوا بتلاقو مثلا صف كاااامل من البناطيل المتشابهة
قلبوا فيهم راح تلاحظو ان اسم الماركة
منزوع منها
اجتهدوا ودورا راح تلاقوا كم واحد مااتنزع منهم الاسم على طول راح تعرفي انتي واقفة عند استاند أي ماركة بالضبط
طبعا أنا يوم أشتري منهاأحاول آخذ اللي باسم الماركة
محل ثاني
بالمدينة
أقولكم اللي صارلي
خالي طلب مني أروح للمحل عشان أطلع عليه
فعلا نفضت الكسل
ورحت وأخذت لفة ع المحل
المهم
لقيت تنورة زارا مرة حلوة وبسعر25ريال
اشتريتهالأمي
بعدهاباسبوع لقيتها بزاراعلى 300ريال وشوي
طبعا المحل ذا يخلي الستيكر تبع الماركة وحتى التاق بس بدون تسعيرة
وقبل ماتبدأ السيلزهذا الموسم بشهر سبعة
رحت لنفس المحل وآخذت من عنده بلوزة تيرانوفا جنان بعشرة ريال
وجاكيت بيمكي ب15ريال
بشهر11لقيت البلوزة بتيرانوفا بعد التخفيض بخمسة وخمسين ريال
والجاكيت ببيمكي بسعر خيالي بس والله ناسية بكم
قبل العيد راحتله بنت خالتي
طبعا حكيتها عنه
أخذت منه جينز سكيني ماركة زاراب15ريال
تحلف بالله انها لاقيته بنفس الاسبوع بزارا فرع النورمول ب199ريال
وتحكيلي انها شافت شنطة جلد أسود مع صديقتها بالجامعة
ومرة عجبتها بس والله ناسية الماركة
المهم يوم سألتهاقالت انها ب 850ريال
لقيتها بنفس المحل ب 30ريال وبالتاق كمان
تقول من الفرحة أخذت لونين منها
رابعا:في محلات كثييييييييييير وهذي اللي مغرقة الخليج هنا وهي البوتيكات اللي تحمل اسم البراند
هذي يجي التاجر ويوقع عقد انه يشتري بس اسم الماركة والديزاينات السنوية
بس ماتنتج بنفس مصانع الماركة الأصلية وبنفس الخامات
لالالا
هم عليهم انه يصير وكيل لهم في الخليج ويدفع مبلغ وقدره عشان الاسم
ويرسلون له ستف كامل من الماركة نفسها يشوفو الموقع ويطبقون له الديكورات والديزاين الخاص بالماركة
ويعطون التاجر الديزاينات الموسمية حصريا له
والباقي عليه
هننا ينتهي دور الشركة الأم
نجي للتاجر أو الوكيل
هو عليه يتعامل مع أي مصنع هو يختاره بالصين أو بنغلادش أو الهند
ويبدأ يتعامل معاهم
وهذا خط السير
الشركة الأم ترسل الديزاينات ومعاهها بيان بالخامات
مثلا
تي شيرت ديزاين كذا
الخامة 90 بالمية قطن
هنا التاجر ماراح يخلي القطن نفس النسبة
لا
يبدأ ينقص فيه لأن القطن ياخذ عليهم شي وشويات وهو أغلى شي تقريبا
يخفضه لنسبة 60بالمية مثلا
وصار هذا الفرق
وتصير القطعة يابلااااااااااش
واللي جربت وشرت قطعة من برا بتعرف الفرق
من حيث الجودة والألوان اللي ماتتغير والخام اللي ماتنمش ولاتحبب ولاتنعدم حتى بالكرف
راح أحكيلكم قصة صارت لقريبتي
كانت مسافرة هي وزوجها وحبت تشتري بلوزة هدية لأختها
ويوم شكت بالمقاس
قالت لمدير المحل
اذا ماجات أقدر أبدلها بالفاتورة بالفرع اللي بالسعودية لأني باخذها هدية ومني متأكدة من السايز
رد عليها باستغراب
احنا مالنا ولافرع بالخليج كله
تقول قسم بالله من يومهاعفت سوق الخليج كله
ماراح أتعب نفسيتكم كثير
بس أبسط مثال
شركات اللاب توبات
آخر شركة يابانية اشترتها الصين هي سوني
ومن شهر10 صارت صينية رسميا
طبعا يقولوالتجار صناعة يابانية وتجميع صيني
بس كله كذب
بعطيكم شي بسيط
لاب توب سوني فايو الوردي موديل
cr353
بالسعودية ينباع بسعر أربعة آلآف وتسعمية وتسعة وتعسين ريال
يعني خمسة آلآف بس أنا ذكرت السعر عشان أكون دقيقة معاكم
المهم جبته من الصين من الشركة الأم بسعرأربعمية وثمانين دولار
شفتو النصب كيف
حسبي الله ونعم الوكيل فيهم
لابتوبات ديل الملونة اللي جرير النصابين مسوين عليها عرض
هذي سعرها ميتين دولار فقط لاغير
بلاي ستيشن ثري
مية وعشرين دولار
والله يابنات لو تطلعوا ع الاسعار الحقيقية انكم تنجلطوا بعيد الشر عنكم
تعرفون محلات الأثاث الراقية
اللي يبيعوا بالآلاف
راح أعطيكم كمان نبذة عنهم
طبعا زي ماتعرفون أغلب الأثاث اللي بسوق الخليج هو صيني درجة أولى
والمحل اللي عنده أمانة بيقولك صيني درجة أولى
واللي بيقاوح ومايخاف ربه بيقول ماليزي
واللي بيكذب بس مستحي
بيقول خشب ماليزي بس الصناعة صينية
زي كذبة التجميع
المهم
خالي جابلنا كتالوجات لأثاث راقي من مصانع صينية
ومن نفس المصانع اللي تتعامل معاها بعض محلات الأثاث الكبيرة والياي اللي عندنا
المهم
اطلعت على كتالوج غرف النوم
وربي اللي خلقني
ان غرف النوم شي مو طبيعي قمة الرفاهية والذوق
ولا13 قطعة
وبألفين ريال
من القهر والتهور
زميلتي يوم جات تتزوج بغيت أتهور من زود الكشخة وأقولها غرفة نومك هدية مني خخخخخخخخ
13 قطعة
واللي عندنا على ستة قطع وطاقين السعر للسما
الجوالات
طبعا من شهر11 ماعاد صار فيه جوال فنلندي يوصل للخليج أبدا
لافنلندي ولاغيره
بالذات نوكيا
كلها صارت صينية
يعني اللي عندها جوال قديم لاتفرط فيه لأنه صار عملة نادرة
تؤمنوا بالله
ان آخر موديل من نوكيا سعره اربعمية ريال شامل الشحن
وهنا يبيعونه على ألفين

نجي للتاجرات
هذولا ياويلهم من ربي
أنا ماأدري كيف مايخافون الله
راح أنزلكم بعض الأمثلة فقط
بخاخ سالس هانسون حق السيقان
الأمريكي الأصلي سعره 28ريال
اللي بالخليج كله تعبئة الكويت نفس حكاية العطورات
ويبيعونه التاجرات على ميتين ريال
بالله مو حرام
التلج المضيء
الدرزن من الصين بثلاثة ريال
والتاجرات يبيعونه على خمسين ريال طبعا هذي الحنينة الطيبة بتبيعه بهذا السعر
نافورة الشوكولا والعصير
الوحدة فيهم على 32ريال
المرطبات والنكهات وربي يابنات
عندي تسعيرتها
انها بالهلل حتى ماوصلت للريال
كاسات العصير المضيئة الزجاج الدرزن على 8ريال
شنطة اللاب توب الماركات
اللي عليها لوقو الماركة
على 13ريال
طاولات اللاب توب
ب21ريال وعليها هلل
مرة لقيت تاجرة عارضة فساتين صينية والفستان على مية ريال
سبحان الله من لقافتي ولأنها صارت هوايتي التنبيش وكشف المستخبي
وصارت عندي خبرة
حصلت على التسعيرة
طلع أغلى فستان بينهم ب28ريال وعليها هلل
هذا للمفرق بس الجملة أرخص بكثير
وهي طبعا آخذتهم جملة
أنا ماأخرب عليهم الله يرزق كل وحدة من واسع فضله بس والله حرام حتى بالشرع مايجورز وحررررام يكون المكسب أكثر من نصف قيمة البضاعة
أنا أقولكم ممكن تكون تاجرة حرام مضحوك عليها وآخذتها من تاجرة ثانية بس أنا أقصد اللي تكون هي جايبتها أصلا من الصين
وترفع السعر كذا بشكل مبالغ
سادسا:بعض المحلات تكون فروع لبعض بس يراعوا الطبقات
مثال
لاسنزا وسيتي ماكس ونيولوك كلهم تبع بعض
وكلهم ملك نواز شريف الباكستاني
واللي عندها قوة الملاحظة راح تلاحظ انه كثير من الانجري سواء قمصان أو أندر وير موجودين بلاسنزا وسيتي ماكس
على ذكر سيتي ماكس
تتذكرو الفستان اللي اشتهر ببرومود ومافي بنت الا ولبسته اللي لو ويست وعليه زي الكمر العريض بحزام
وهو قصير وقماشه كشمير نزل بكولكشن الشتوية
منه لونين أحمر ورمادي
المهم نزل ببرومود بسعر399ريال
بعده بنصف شهر نزل بسيتي ماكس بسهر 35ريال
شي ثاني
نزل فستان تايقربنيولوك قصير وطويل من الجنبين كمان انتشر مرة ناسية سعره
المهم انو بنفس الأيام نزل بسيتي ماكس بأربعين ريال
وموديلات كثيرة اتكررت
سيتي ماكس ونيولوك
كثير تتكرر فيهم نفس البضاعة
تيرانوفا وسترادي فاريوس كمان لو تلاحظو كثير بضاعتهم تلاقيها متكررة مع فرق السعر والتوقيت
برومود وكمايو
كمان تبع بعض وكثيريجيبو بضايع مكررة بالمحلين
سابعا:صاحب خالي تاجر كبير بالخليج وخالي اتعرف عليهم يوم دخل هالمجال
المهم انه عمنا عنده ماركة كبيرة ومشهورة ومعروفة وفاتحله فرع بالراشد ميغامول
مين قده
قبل العيد عشان موسم
جاب بضاعة من المصنع اللي متعامل معاه بسوريا
وجاب موديل بلوزة شيفون مرتبة وكشخة
الحريم طاحو فيها بالهبل
لدرجة ان خالي يقول شكل الحريم مطقمين بالعيد
المهم يحلف لخالي انه سعر الحبة بالجملة بخمسة وعشرين هللة فقطططط
وعلى قوله لخالي
أنا مشغول مافحالي أحسب وأختارسعر بس حطيت قدامها صفررررر
وصارت ب250ريال
طبعا يقنع خالي بالشغلة
ويقوله والله الحريم هبل لاشافو السعر العالي والديكور المرتب واسم ماركة اشتروا بدون تفكير
حسبي الله عليه
أعرف اني طولت وطولت مرة كمان
بس والله من قهري وحرقتي
قسم بالله صرت أشتري وأنا قرفانة
ماعاد أثق بشي
ماعليه أنا مااقول لاتشترون غالي بس والله الواحد يشتري شي غالي وهو فعلا هذا سعره
ولا يشتري شي عارف انه مخدوع فيه ولاهي قيمته الأصلية ولا ومتشكك بعد اذا كانت هي الماركة الأصلية ولاتقليد
وأكبر دليل وقت السيلز تلاقو الأسعار بالأرض وكمان ربحانين فيها الدبل
ولا ماكان شفتو السيلز طول السنة
استغفال فضيع
حرام والله حرام
وحسبي الله ونعم الوكيل بكل تاجروتاجرة لعبو علينا

بس للمصلحة العامه

انتهى..

في النهاية اقول اركدوا يا بنات واتركوا الفشخرة اللي ودتنا في ستين داهية وطمّعة الحكير والشايع ومنصّرالعيسائي الحرامي وغيرهم فينا !!!
على طاري الحكير (كبيرهم الذي علمهم السحر)...الحكير يوظف السعوديين على الكاشيير بس أما المدراء الكبار كلهم سوريين والمدير الكبير بريطاني له راتب تقريبا 80000 ريال في الشهر ونسبة على المبيعات تقدر ب 2% والعهده على موظف في الشركة.





الحكير ياعتقادي مسؤول عن 1-2% من مؤشر التضخم وانا لا اطلق الكلام جزافا، هذا الشخص(فواز) يملك حقوق ما يقارب 150 ماركة عالمية واضافة الى ذلك فهو يملك العديد من الأسواق المعروفة في المملكه (المولات) ويقوم بايجار المواقع فيها باسعار خرافية (حسب ما حدثني به احد الزملاء عندما تقدم لاستئجار محل في سوق الظهران الدولي التابع له) تجبر المستأجر على رفع الأسعار بقوة لتسديد الايجار...والمصيبة أن المستأجر يجير على رفع اسعار بضاعته في جميع الفروع حتى في الاسواق التي لا يملكها الحكير من أجل توحيد أسعار ماركته!!! وهي نفس اللعبة التي يلعبها الجديعي في بناءه للاسواق ووضع ماركاته على انه لا يصرح باسمه بل يجعل السوق ظاهرياً باسم أحد التجار المعروفين مثل السوق اللي في كورنيش الدمام لاسباب تنافسية واضحة!!

ولا تنسوا لعبة الاكتتاب في الحكيرالتي بلغ سعر السهم فيها 110 ريال ضخت في خزانه (الجيب لنا يالضعوف) مليار وثلاثمائة مليون ريال!!!!

قاطعوهم الله يقطع أرزاقهم

من المعروف ان اغلب المنتجات غير مصنعه في بلد المنشأ انما هي تجميع ولكن باشراف الشركه الام مثلا الاجهزه افتقد السوق الصناعه اليابانيه من فتره ليست بالقصيره وصارت تجينا من ماليزيا وسنغافوره وغيره شكرا لك على المشاركه

صحيح....

مواطن بالباطن يحيك الرحمن وتشكر .. تبي تعرف انهم لصوص شف تخفيضاتهم تصل إلى 70 %
يعني وش كانوا يكسبون ... واعرفوا انهم حتى بالتخفيض يريحون !
الحكير وغيره يجلب لنا التصنيع من الصين وغوتيمالا وغيرها "تابع للشركة الماركة لكن اقل جوده للأسف "
ويباع بسعر غاللللي ... بالعربي ما يجلب لنا من الدول البديلة المصنعه انا اعتبره تقليد مادامه ليس من بلد الماركة الاصلي ......لانهم لايكتفون فقط بتخفيض التكاليف عن طريق الايدي العاملة بل يستخسرون علينا الخامات الجيدة وهذا الاهم
ويقطع قبلك التقليد المنتشر هالايام بالسوق ماتعرف الاصلي من التقليد !
تشوف بنطلون طفل جاكادي يباع في المجد 25 ريال ! وعند جاكادي يباع بالحسبة !
عاد اللي مصممه على الماركات اقول لها
اتركوا الحكير وغيرهم واتجهوا للتسويق عبر النت
ادخلوا مواقع المحلات واشتروا منها وشوف الفرق اقلها تجي لك ماركة اصليه من مصنعهم

ارتفاع اسعار .. قله دخل .. انتاج ردئ

لاحسيب ولا رقيب

دمت بود

صحيح اكثر الماركات العالميه تجينا من الهند وبجلاديش ودول اسيويه اخرى
وذلك لرخص اجور العمالة

يووووووووووووووووووووووووه هذا كله عندنا
مافي رحمه
الله لا يسامحهم ان كان ها الكلام صج

أعلم.....تمام العلم أن مسألة البلد المصنع تبقى ثانوية...وليس بالشيء الجديد ان نعلم ان المصانع تستخدم العمالة الرخيصة في دول آسيا ضمن ما يسمى (out-sourcing)

ارجو من الجميع التركيز في غلاءءءءء الأسعار الفاحش والتلاعب بالأسعار الذي هو سبب هذا المقال....

أشكر الجميع على المرور

شكرا لك على الطرح .

بس الباين في الموضوع الهجوم على تجار الماركات , و صناعة الصين بشكل مبالغ .

رغم إنه الشعب نصه فاهم إنه الصين أكبر مورد لإسواق العالم وإن المصنعين بأغلبهم و تنوعهم عندهم مصانع في الصين .

اما إنه الصين أشترت سوني ... !!!! هذي قوية جدااا . لا ومشتريه 10 مصانع يابانية ...!!!

والسوني 3 بـ 120 دولار .. هذي أقوى .

والسوني فايو 353 بـ 480 دولار .. هذي الطامة ..

انا ماأختلف مع الكاتبة وناقل الموضوع إنه تجار الماركات يكسبوا مبالغ ضخمة جدا و أسعارهم مبالغ فيها لكن ماأظن أن الشركة الأم تسمح بتلاعب التجار بجودة منتجاتها لإنها أحد شروط توزيع الماركة , لإنه حتى الماركات خارج المملكة في بريطانيا و امريكا غالية و ناس كثير أعرفهم هناك مايشتروا إلا في وقت الخصم .

امريكا واوروبا لا تقارن ببلادنا من حيث التسهيلات الكبيرة التي يتمتع بها التجار والدعم اللامحدود من الحكومة وقلة الضرائب وخلافه....الطامة الكبرى اننا نقارن دائما بلادنا بامريكا وأوروبا والفرق شاسع


تبقى وجهة نظرك موضع احترامي وتقديري

شكراً