بطاقة ائتمانية ورطة مدى الحياة

طلعت من البنك الهولندي بطاقة ائتمانية ب (14000 ريال طبعا يعطونك راتبين كل راتب في بطاقة ( ماستر ) و ( فيزا ) وسحبتها والمندوب المصري حقهم قالي تسددها بس (500 ) ريال شهرياً قلت حلو وبعد نزول الراتب بدأ الخصم .
تخيلو (945 ) ريال تخصم شهريا من حسابي وبعد اكثر من ( 8 ) أشهر أكتشفت أنها كلها أرباح شهريه فقط لاغير والمبلغ هوه هوه مانقص ولا ريال .
طبعا راجعت البنك وقالي الموظف بأنك غيييييييييير منتظم في السداد ؟ ويحتسب عليك غرامة تأخير وفائدة وووو الخ
قلت كيف وراتبي عندكم وكل شهر تخصمون القسط حقكم واصلا ماينزل الراتب إلا مخصوم .
قال أنت تاريخ الإستحقاق حق البنك يوم ( 14 ) ميلادي من كل شهر وأنت ماتسدد إلا يوم الراتب .
قلت خويك في الفرع يقول إن كل معاملات البنك المالية تستحق يوم الراتب .
قال الموظف هاذي غير
تخيلوا دفعت حوالي عشرة آلاف على الفاضي أرباح لهم على طريقة السرقة حقتهم .
حتى أنني طلبت قرض تكميلي من البنك حتى رحت الإدارة ورفضوا بسبب أن عندك بطاقة إئتمانيييييية . وحاولت إضافتها للقرض ورفضوا .

ماذا افعل يا أصحاب الخبرة أو من لديه إفادة بذلك

في الإعلان حقهم ( مجانا مدى الحياة ) هي فعلا ( ورطة مدى الحياة )

الله يعينك .. وافضل بان تدفع لهم شهريآ مبلغ اكثر من المستحق حتى لاتتضاعف الارباح عليك
لانك لو تدفع 500 شهريآ لاتستفيد شي .
واصلأ البنوك ارباحها على المواطن فقط ولاتوجد عندهم اي مشاريع او استثمار .

حاول تسدده وتلغيها والله ورطه

مالك إلا تحاول تسدهم المبلغ دفعه واحده و تخلص.

و بعد ما تتأكد من إنتهاء الموضوع تقص البطاقة و ترميها لهم مع خطاب شديد اللهجة تبين فيه سبب إلغاء البطاقة و لو قدرت تحط أسماء الناس إللي كلمتهم و تفاصيل ماحصل يكون أفضل .. و فوق كده .. حط لهم معلومة في الأخير تبين فيها عزمك على نشر هذا الخطاب في المنتديات الإقتصادية و مواقع الإنترنت الشعبية لتحذر الناس من نصبهم وخداعهم.

نصيحة للجميع وأنا واحد منكم بأن نتخلص من بطاقات الإئتمان نهائيا

والله أنها نصب وسرقة وأكبر من ذلك حرام ، ولا افتى من افتى .

دعوها لهم

وخلوها تصدي مستمرة ..

اذا رأيت أنك على حق ومعك مايثبت ذلك فبعث بشكوى الى نائب محافظ مؤسسة النقد وسوف تأخذ حقك كاملاً بإذن الله وأنا قد جربت تلك الطريقه واتصل على البنك وأعاد لي المبلغ ولكن في موضوع مشابه

اول شي الغي البطاقة

ثانيا شفلك جمعية او سلفة وسدد المبلغ

انا الحمد لله تخلصت من بطاقتي الإئتمانيه من سامبا

الى الأبد