بالبلدي الفصيح

يا حماية المستهلك احمنا
دحين من كل المقاضي اللي قولتلك عليها جاي شايل معاك الشويتين دول؟ ليه يا ستي هوه انتي تبغيني اشتري البلد كلها.. لامو كده بس هما بيقولوا إنه الأسعار رخصت ورجعت زي ما كانت، فتو يافتو فين راحت المفعوصة دي؟ ايش تبغابها البنت دحين؟ ابغاها تجي تدغـــدني عشان اضحك شوية، مين ده اللي قلك إنه الأسعار رجعت زي ماكانت.. هادي جارتنا أم عبد التواب بتقول كده، والله جارتك دي مضيعة خميسها، وشكلهم الحبايب اللي في السوق ضحكوا عليها بعروضهم اللى بيقولوا عليها، لأنه في الأسواق بيعرضوا بضايع تاريخ صلاحيتها قرب ينتهي عشان كده بينزلوا عليها خصومات، والا الأسعار زي ماهيه ما تغيرت، غريب أمر الهوامير قصدي التجار لما ارتفـــع سعر البترول قاموا زودوا الأسعار، بحجة إنه المواد اللي بيستــــورودها من بره زادت أسعارها، وعـــذرهم إنه هــــادي الزيــــادة اللي حصلت هيه زيادة عالمية، حتى أصحاب المطاعم والمطـــابخ زودوا أسعارهم، وعذرهم إنه المواد الخام اللي بيستخدموها زادت عليهم، وأنا عارف ومتأكد إنه هادوول التجار مخازنهم ومســـتودعـــاتهم كانت فيها بضايع من قبل ما تصير أزمة ارتفاع الأسعار، لكن ايش نقــــول من أمن العقـــوبة أســاء الأدب.. طيب دحين ســــعر البترول في النازل وبرضوا الأســـعار زي ماهيـــه مرتفعة، رغم إنه الأسعار العالمية نقصت، وهدا يدل على إنه بعض التجار ما في قلــوبهم رحمة ولا خوف من الله الدنيا دخــــلــت في قلوبهم، وصارت ضمايـــرهم غايبة حتى جمعية حماية المستـــهلك شـــايـفة بعينـــها إيش قاعد بيصير وســـاكتة ورئيســها كمان بيقول بعظـــمة لسانه (محنا عارفين ايش نســـوي مع جشع التجار) يا عيني شفتو كيف طيب مين ح يحميينا من جشــع دوول التجار هدا إذا عرفنا إنه وزارة التجارة ما عندك أحد تاركين الحكاية. خدني جيتك لا مراقـــبـــة ولا تفتـيش، لكن لو وزارة التجـــارة قايمة بشــغـلـهــا صح وقامت بتغــريم المخالفين من التجار وقـــفلت دكاكــيـنـهـم ومستودعاتهم بالشمع الأحمر ما كان حصل اللي حصل عشان كدة، أتمنى إنه يكون عندنا حزم ومتــابعة وشـــوفــوا كيف الأســعار ح تنسخط.
وعيشوا كتيييير تشوفوا كتيييير

فتحي حلواني
abofatoo@hotmail.com
فاكس: 6764070
هنا

وهي فاضية الحماية
ياله تلحق على اصدار بيانات مكالبتها بالملايين

هههههه حلوة جارتهم ام عبدالتواب...

ما اظن ان الاسعار بتنزل الا في حالة واحده..

أن ابو متعب يتدخل شخصيا لتحريك أحجار الشطرنج أقصد حماية المستهلك

المشاركة الأصلية كتبت بواسطة ABU-KH@LED

هههههه حلوة جارتهم ام عبدالتواب...

ما اظن ان الاسعار بتنزل الا في حالة واحده..

أن ابو متعب يتدخل شخصيا لتحريك أحجار الشطرنج أقصد حماية المستهلك

ما يقصر ابو متعب
و للتتحرك وزارة التجارة < هذي مهب وظيفتها مراقبة الأسعار ومعاقبة التجار المتحالفين

فيه حل ثاني ...

إن الشعب يتحرك و يصحى و يتركها لهم .. و غصبا عنهم راح ينزلوا الأسعار.

المشاركة الأصلية كتبت بواسطة abuhisham

فيه حل ثاني ...

إن الشعب يتحرك و يصحى و يتركها لهم .. و غصبا عنهم راح ينزلوا الأسعار.

صحيح
الشعب هو من رفع الأسعار والشعب هو من يخفضها... لكن يصحصح ويتركها .. ويغير من سلوكه المسرف

(محنا عارفين ايش نســـوي مع جشع التجار)

اتركووووووها لهم

المشاركة الأصلية كتبت بواسطة سعودي غير

اتركووووووها لهم

الوصفة السلفيه

ان شاء الله بتكتفنا هذا راااااااااح تنزل لاقل حد والله ولي التوفيق

وراح تشوفين كيف ترخص يا ام عبد التواب

والله انك صادق ياولد الحلواني

لكن ايش نقول

حسبنا الله ونعم الوكيل على كل تاجر باع الدين بالدنيا وجعل الدنيا في قلبه ولم يجعلها في يديه

مشكورة عميدتنا على النقل الموفق

انا اراى سبب رفع الاسعار في الدرجة الاولى وزارة التجارة وبعدها التجار