اي ار تي تضرب بقوة لاستغلال المواطن السعودي وترفع اسعارها الخيالية..!

**كونكريت** · 25-08-2007, 01:24 PM

السلام عليكم...
بحكم اني محب للكورة

واشوف كل المباريات..
رحت قبل ما يبدا الدوري السعودي باشترك مع اي ار تي عشان ما تفوتني مباريات الهلال..المهم يوم شفت اسعار الباقات لقيتهم رفعوها عن السابق..
فباقة الدوري السعودي سعرها كان : 20 ريال في الشهر واصبحت الان قبل بدء الموسم بأيام اصبحت بـ 35 ريال...
وطبعا لازم تشترك بالباقة الاساسية اللي سعرها 360 ريال عشان تضيف الدوري السعودي ولازم كانك تحب دوري ابطال اوروبا تزيد 180 ثانيه يعني يصير المجموع كله 890 ريال في السنه...!
وقبل ايام قليلة كان الاشتراك بـ 600 شامل كل قنوات الرياضة..!
اي استغفال هذا؟
وتجدر الملاحظة ان قنوات الدوري السعودي في مصر الاشتراك فيها يعادل 5 ريال وهنا عندنا بـ 35 ريال..!
وناهيك ان الاشتراك اللي بـ 890 عندنا هنا يكون سعره في مصر تقريبا 310 ريال..!
والله استغلال غير طبيعي من صالح ناقص..ويوضح بان الشخص السعودي مستهدف..!

**بريق الصحوة** · 25-08-2007, 02:47 PM

لا تدفع لهم روح للجزيره صرف سعر خيالي ودوري افضل من عندنا على كيفك بعد
اسباني ويطالي وبعد كاس الانجليزي

**المقتصد** · 25-08-2007, 02:57 PM

كيف ممكن اشترك بالجزيرة لوحدها ، اللي أعرفه انها تجي مع الشوتايم والشوتايم سعرها مرتفع؟؟!!

-

**كونكريت** · 25-08-2007, 03:16 PM

اقتباس:

المشاركة الأصلية كتبت بواسطة المقتصد

كيف ممكن اشترك بالجزيرة لوحدها ، اللي أعرفه انها تجي مع الشوتايم والشوتايم سعرها مرتفع؟؟!!

-

من محلات لينجو..
بـ100 ريال

**لا تراجع** · 25-08-2007, 05:19 PM

اتصلت بالارتي ولقيت اشتراك سنة في اردى باقة هو 960 ريال بدون الكرت لان الكرت بستين ريال عقب ماكان بخمسين

**AlTeR** · 25-08-2007, 05:29 PM

عمري ماشتركت في اي ار تي
قنوات فاشله مثلهم تبغى خذ الشوتايم صح انها غاليه بس والله سعرها فيها قنات ولا احلى واغلب الدواري عندهم

**يعني خلاص** · 25-08-2007, 07:54 PM

رح لمملعب ازين لك ,,

**حسبي عليهم** · 25-08-2007, 10:21 PM

السلام عليكم

اول شي الله يعطيكم الف عافيه

وان شاء الله نحقق ما نطمح له في هذاالموقع من وقف للطمع اللي وصلوا له التجار

بالنسبة لموضوعك اخوي

ليش تتعب عمرك وتروح تشترك مع اي ار تي وتربح واحد ما يستاهل الريال فيه والله

عندي لك طريقه واقسم لك بالله اني مجربها وشغاله 100% ورخيصة جدااااااااا

بس يبغالك انه يكون عندك اشتراك في الدي اس ال

والباقي ازهلها ....

وانا اعطيك الحين اسعارها

اول شي يكون عندك دي اس ال

ثانيا تشتري جهاز رسيفر بقيمة 350 ريال من البحرين

وتحصله في الرياض بقيمة 700 وفوووووووق يعني انتبه تشتريه من هنا

ثالثا اشتراك بقيمة 10 دولار شهريا او100 دولار بالسنة للشركه بحيث انها تضمن لك ان الاشتراك

ما ينقطع ولو انقطع تراجعهم ويشغلونه لك

رابعا القنوات كلها راح تكون تشتغل معاك اي ار تي & الشوتايم & اوربت & الجزيرة الرياضية

وكلها ببلاااااااااااااش

ولو تحسبها بكل واحد واشتراكه راح يكون

اي ارت تي = 960 اقل باقة

الشوتايم = ما يقل عن 2800 بالسنه

اوربت = 1600

الجزيرة = 100

المجموع = 5460 ريال

وهاذي كلها ماتجي 800 ريال بالسنة

تحياتي لكم

**الفهلوي** · 25-08-2007, 11:03 PM

أنا طال عمرك مشترك وإشتراكي حيخلص قريب لكن ماراح اجدد لهم ولااشكالهم وهي غلطة مني اللي اشتركت في قناة تنقل دوري تعبان زي هذا.

**بــدر** · 25-08-2007, 11:23 PM

اخوي (حسبي عليهم)
انا مسوي نفس الطريقة واشتراكي قرب ينتهي وابغى اجدد
ايش الشركة اللي تقول عليها؟ ياليت لو ترسلي على الخاص عنوانهم