مكيف كول لاين سيئ جدا Cooline is bad

**المواطن٨٨٨٨** · 10-08-2010, 04:16 AM

حبيت انبه الاخوان حتى لا يقعوا مثلي ضحية التجار

قبل كم يوم اشتريت مكيف كول لاين من محل لن اذكر اسمه وركزوا على الماركه

cooline تصنيع الجفالي انغشيت فيه عندما اردت شراء المكيف وجدت عامل هندي على ما اضن

مدح المكيف مدح عجيب هذا افضل مكيف في التبريد فيه وفيه وفيه ... وانا كان عندي مكيف من نفس النوعيه ولكن مكيف قديم "نوعيه قديمه" كان جيد

فأخذته وذهبت معه الى المخزن وشفت كميه كبيره من نفس النوعيه

بعد ماركبته وشغلته طلع مكيف سيئ جدا جدا جدا

تبريد سيئ ولا كأن فيه شي اسمه كومبرسر كأني مشغل المكيف على وضعية المروحه

وبصراحه ماحاولت ارجع المكيف للمحل لأني عارف وش بيصير مقدما

كأني دافع 1380 ريال على ولا شي

فحبيت اني انبه حتى لايقع الناس فيما وقعت فيه من عملية نصب والله يعوض ان شاء الله وحسبي الله ونعم الوكيل

Dont buy Cooline air conditioners made in saudia arabia
Quality is very bad
Dont buy from Juffali factory
آسف على الكلمات الانجليزيه فقط لمحركات البحث

**قاعدلهم** · 10-08-2010, 11:22 AM

الله يعوض عليك لكن رحلهم وقل ما يبرد إمكن خربان أو ما فيه فريون وتصير هذا كثير

**نفود السر** · 10-08-2010, 04:48 PM

أنا عندي مكيف خيااال تبريده .. وصوته هادي جدآ وخاصه 18 الف وحده ..
يقولي الفني أن هذه الشركه جديده ... تبغى تكسب ثقة الناس ..
طبعآ انا شريت المكيف با الصدفه من البدايه ... بعدين مدحلي الفني هذا المكيف ..

اسم المكيف / UGINE ماليزي الصنع

ومبروك عليكم الشهر

**انسـ خفآيآ ـآن** · 13-08-2010, 04:04 AM

اولا جزاك الله خير على التنبيه

ثانيا اذكر المحل مالك حق تخفيه

ثالثا رجعه وطالب بحقك واسعى
لاتتهاون فيه ابد

انت معك فاتوره وهذا المكيف قدامهم
ماعليه ضمان كيف ترضى بالشئ هذا

لاتصير نظرتك متشائمه ماضاع حق وراه مطالب

**prime** · 13-08-2010, 07:48 PM

أنا شريت مكيف دايكن سبليت من محلات البسام (طريق الملك عبدالعزيز) 18 الف وحدة بسعر حوالي 2800 ، وتبريده أسوأ من السئ ، كلمت الصيانة وعملوا صيانة مرتين تنظيف وتنفيخ ومرة ينقصون غاز الفريون ومرة يزيدون ولا فيه فايدة والوضع كما هو ، ونفس الشئ سبيد كوول منهم الله لا يوفقهم . أنام بسروال سنة وشرشف ، وأقوم متسبح من الحر .
هذا وأنا رايح للنوع الغالي والمعروف .

وعلى ما قال اخونا لمحركات البحث

Dont buy DAICIN or SPEEDCOOL air conditioners (split unit) from Albassam
Quality is horrible
Dont buy from albassam stores

وبالفرنسي
Ne pas acheter DAICIN SPEEDCOOL climatiseurs de Albassam
La qualité est horrible
Ne pas acheter dans les magasins albassam

وبالسعودي
لا تقربون البسام
الرجال مريض وطايح من سنين والمرة المصرية وقرايبها لاعبين بالطوشة في جميع المحلات .

**مـ قـ ا طـ ع** · 13-08-2010, 11:45 PM

الله يعوض عليك بالخير
في السعودية فقط
الغش في كل شئ

**حماية التجار !!** · 31-08-2010, 05:30 AM

بالعكس عندي كوول لاين شباك ولا اروع تبريد مميز وهدوووووء

**خبير مكيفات** · 31-08-2010, 06:40 AM

حماية التجار واضح من اسمك !

بالنسبه لمكيفك اخوي , كل المكيفات في البداية تبريدها كذا , اصبر عليها كم يوم ويمكن اسبوع , يشتغل عندك الكمبروسر صح ويتلين وتجمد الغرفه بحسب مساحة الغرفه اول شي ...

كول لاين از فري فري باد !
الله يقلع المكيفات الشباك الصينيه , كل مكيف اردى من الثاني , تجلس ساعه وساعتين عشان تبرد الغرفه !

المكيفات الصينيه تبرد , بس بطييييييييييئه , يعني تخلي المكيف اعلى شي , وتجلس ثلاث اربع ساعات لين تحس الغرفه بارده , ثم تقوم الفجريه وانت متجمد , تخلي المكيف تبريده بسيط عشان ما تتجمد في الليل , تجلس طول اليوم ينتظره يبرد , يعني حاجه تعل القلب ...

قاطعو المحلات الرديئه , قاطعوا اسوأ وازفت خلق الله في تركيب المكيفات المطلق وشلتهم , قاطعو جميع شركات التكييف الي توظف عمال بنقاليه لأنها شركات استغلاليه رديئه تستغل رخص راتب العامل البنقالي بصرف النظر عن كفائتهم , ويجلسون يكسرون لك في المكيفات ويعدمون ابوها عليك ...

**مغلي** · 12-11-2010, 07:00 PM

خذوها قاعده
.
.
اي مكيف صيني .... يعني ... ممكن يكون ممتاز وممكن يكون سيء ... الشغله حظ في هالصناعه

انا شريت مكيفين تي سي ال TCL واحد ممتاز والثاني زباله
وشريت 3 مكيفات جبسون 2 ممتازه وواحد زباله
وشريت 3 مكيفات من شركه نسيت وش اسمها 2 ممتازه وواحد زباله
.
.
.
فاذا شريتا صيني .... فتوقع اي شي يصير ( يشتغل مروحه بس بدون تبريد - تنقيط ماء مستمر - قرقعه واصوات مزعجه - .......)

**شعار** · 15-11-2010, 02:09 AM

اخوي المواطن سؤال لو سمحت كم حجم المكيف 18 او 24 وكم مساحة الغرفة بالارتفاع وهل الغرفة بالدور الارضي ولا الاول وكيف العزل عندك