ماهو بديل موبايلي و stc

**scop** · 09-08-2011, 04:17 AM

موبايلي الي كانت افضل السيئين بدأت تنافس stc في تطفيش ونهب العملاء
قبل ايام وصلتني رسالة باشتراك مجاني لمدة 14 يوم بخدمة القنوات التلفزيونية ولما سألت عنه قالولي الاصدقاء انه بعد الفترة المجانية يبدأ فرض الرسوم حتى لو حاولت الغاء الاشتراك , المشكلة اني لما احاول الاتصال على 1100 واطلب مكالمة خدمات العملاء يحولني على التقييم الالكتروني وسواء قبلت المشاركة بالتقييم أو رفضت ينفصل الخط !!!! يعني مافيه أمل اكلم الموظف .
هل زين أفضل اللي عنده خبرة عنها لا يبخل وشكرا

**بدر11** · 09-08-2011, 04:32 AM

مافيه شي اسمه افضل السيئين لان السيئ سيئ ...بعدين يقولك من عاشر قوم اربعين يوما صار منهم ..وموبايلي عاشرت الاتصالات السعوديه كم سنه.. وموبايلي في الاصل امارتيه من اتصالات لانه في الامارات ماتقدر تتلاعب زي عندنا لان عليها رقابه ومحاسبه بس عندنا شافو ان الربع مكبرين المخده قالو نسوي اللي نبي وش ورانا ..والعميل وين بيروح ؟؟ ياعندنا ولا عند stc وزين بدت تركب الموجه وتسوي زيهم ...ومشكور اخوي على الموظوع.

**خالد خالد** · 09-08-2011, 05:37 AM

اخوي أنصحك بالإبتعاد عن زين (شين) جربتها سنه وفي الأخير رميت الشريحه في الزباله أكرمك الله

خدمه تعبانه وشبكه مافيه تطردها في البيت مطاردة وكلهم بصراحه حول بعض زيد أخو عبيد,,,

**scop** · 09-08-2011, 05:52 AM

سمعت ان شبكة زين الان تستخدم نفس شبكة موبايلي ؟؟؟

**رفيع المقام** · 09-08-2011, 07:32 AM

أنا أستخدم زين من 3 سنوات
مشكلتي الوحيده فيها هي الأبراج فقط ضعيفه داخل البيت
بس في خدمة العملاء مافي أسرع منهم كلمة حق
ومن ميزاتها لو كانت الشريحه بأسمك مايسألك الموضف عن بياناتك
قوله المشكله ويعلمك حلها أو يحلها هو
و أحسن شي إذا رد عليك الموظف قالك السلام عليكم أستاذ عبدالله :P
طبعا باقتي شهر علينا وشهر عليك
اللي يقولون شيعية ترها ترسل أكثر إعلاناتها قرآن و نفحات إسلاميه
وسيرة الرسول صلى الله عليه وسلم
وقناة الشيخ نبيل العوضي
و الشيخ مشاري العفاسي و غيرهم
وغير كذا الإعلانات أغلبها تجرب الخدمة أسبوع و إذا ماعجبك تقدر تلقيه
لكم خالص تقديري