مكيف LG من الشتاء والصيف ضرب الكمبرسر

**hmmh20** · 15-07-2010, 10:44 PM

- اشتريت مكيف LG من الشتاء والصيف شهر 3 -2008م ونحن يعني حوالي سنتين
18 وحده وهاليومين ماعاد يبرد جبت فني من احد محلات الصيانة القريبة ( تجميع صيني طبعا )

وقال لي الكمبرسر خربان بعدما كشف عليه بالمحل عنده
وأفضل لك تتصل على الوكيل إذا عندك الضمان ( الله يبارك فيه هندي الجنسية وأمين )
( ضمان سنة على قطع الغيار والكمبرسر 5 سنوات ) بعدما سألتهم
واتصلنا بالشتاء والصيف سجلوا الاسم وقالوا بنبلغ الوكيل إللي هو طبعا شاكر
وقال يومين إن شاء الله ويكون عندك ،،،،،، ورجعنا المكيف مكانه
لكن هل بعدما فكينا المكيف ممكن يتعاون الكفيل معنا خلال يومين

وراح نوافيكم بالجزء الثاني الاسبوع القادم إن شاء الله من هذا الفلم الصيفي ،،،

**جمرة غضا** · 16-07-2010, 12:00 AM

اقتباس:

لكن هل بعدما فكينا المكيف ممكن يتعاون الكفيل معنا خلال يومين

حياك تقصد اخوي الوكيل

عندي ال جي وطبعا وكيله شاكر وسبق اتصالنا عليهم وجو وصلحوا المكيف
بصراحة اعد شاكر من الوكلاء الجيدين ..
بانتظار بقية الحلقة

اقتباس:

( ضمان سنة على قطع الغيار والكمبرسر 5 سنوات ) بعدما سألتهم

ومن اجل ذلك دائما نقول احرصوا على الضمان .. حتى لو فرق السعر لكن الاهم ان السلعه يكون عليها ضمان .. وتاكدوا ان الوكيل يضمن السلعه المباعه لان اوقات الوكيل لا يضمن سلعه تباع عند محل معين

**قاعدلهم** · 17-07-2010, 08:23 PM

نصيحة يا أخوان مكيف 18 وحدة لا أحد يشتريه
حرنا قيظ أعوذ بالله والمكيفات ما هي مثل أول عشان كذا اشتر 24 وحدة لو الغرفة 4*3 ما يهم بالعكس يرتاح الكمبروسر وتبرد الغرفة وأنت الكسبان على المدى الطويل والفرق تراه طفسة مقابل راحتك

**pass2love** · 17-07-2010, 08:53 PM

انا اول ماتزوجت اشتريت 3 مكيفات الجي فعلا تعبانه

بعدين شوي شوي تخلصت منها

زيد فلوسك شوي واشتري ميتسوبيشي شباك شئ غير طبيعي اتكلم عن الغرف ولو كبيره يبردها 18 وحده

**thamer80** · 19-07-2010, 11:12 AM

ضمان شاكر جيد,, لكن العيب في نوعية مكيفات ال جي.

**خبير مكيفات** · 25-07-2010, 08:36 AM

وعشان تريح دماغك في المستقبل برضوا , روح للوكيل مباشره واشتري منه مكيفاتك وثلاجاتك وكل شي ودك فيه ...

والي يضحك بالتحديد في ابراهيم شاكر ان الوكاله عنده ارخص من الموزعين !!

شوف اسأل على الإل جي عند المطلق مثلاً , وروح اسأل عنه عند الوكاله وشوف الفرق واضحك !

**راجي الخير99** · 22-08-2010, 05:27 AM

أكرة الشتاء والصيف

يزودون في سعر البيع 300 إلى 700 ريال

ومادري وش السبب

**جمرة غضا** · 22-08-2010, 01:50 PM

قبل كنت اشكر في الشتاء والصيف والان اسحب كلامي ..
وياليت الشتاء والصيف يشدد على عمالته تترك شغل النصب
من فترة اسبوعين تقريبا كنت ادور على ثلاجة لقيت ثلاجة بالشتاء والصيف مكتوب على الثلاجة سعرها بـ 2250 ريال
لكن قلت خليني اسال العامل رد ان سعرها 2300 !
يعني نصب عيني عينك .. رفع السعر 50 ريال
عندي زيادة الريال مثل زياده الالف كلها سرقة .. لومكتوب عليها 3000 مش 2250 ادفع قيمتها مهنا مشكله ,لكن سرقة هنا" لا " حتى لو كانت ريال

**قاعدلهم** · 22-08-2010, 02:34 PM

اقتباس:

المشاركة الأصلية كتبت بواسطة جمرة غضا التميمية

قبل كنت اشكر في الشتاء والصيف والان اسحب كلامي ..
وياليت الشتاء والصيف يشدد على عمالته تترك شغل النصب
من فترة اسبوعين تقريبا كنت ادور على ثلاجة لقيت ثلاجة بالشتاء والصيف مكتوب على الثلاجة سعرها بـ 2250 ريال
لكن قلت خليني اسال العامل رد ان سعرها 2300 !
يعني نصب عيني عينك .. رفع السعر 50 ريال
عندي زيادة الريال مثل زياده الالف كلها سرقة .. لومكتوب عليها 3000 مش 2250 ادفع قيمتها مهنا مشكله ,لكن سرقة هنا" لا " حتى لو كانت ريال

وش نوع الثلاجة إللي تبين أبدلك على مكان تدعيلي لكن وش النوع أول ؟