السلام عليكم
صبحكم - مساكم الله بالخير

ابي فزعتكم يالربع بيت الوالد جديد والنزالة بعد ثلاثة اسابيع بنعزم الربع والجماعة فيها ..

وصاني ابوي اني اتولى مجلس الرجال يعني اجيب كنب للمجلس (المشكلة ان ماعندي سالفة في هالامور) رحت ادور لقيت اشياء حلوة لكن احس انها غالية زحتى مادري هل هي زينة والا لا

فاذا كنتم تعرفون شي زين تكفون دلوني عليه

نبي كنب عربي

الف شكر للجميع

عليك بسوق محمود سعيد

الاسعار معقولة والجودة لا بأس بها

المجهول

على البركة المنزل الجديد
لكن ياليت تذكر اسم المدينة علشان الاخوان يقدرون يساعدونك

المجهول جزاك الله خير والف الف شكر لك لكني مو من سكان جده

مقاطعتهم وحارقتهم الله يبارك فيك وانا ساكن في الرياض

طفررررران وتبي تشتري بعد لا وجاي منتدى مقاطعه بعد

اقوول عندك حراج بن قاسم فيها محلات تفصل كثير
وعندك اسواق ابن دايل فيها الرخيص والغالي واذ تبي غالي وفاخر تلقاه في محل الجربوع في نفس السوق
عندك علي طريق الملك عبدالله فيه محلات كثيره اترك يفصلون اشكال والوان
وعندك على طريق خريص قريب من وكاله هوندا

واذا فيه غيرها ياليت الاخوان يفيدونا

عندك شارع احمد بن حنبل مليان محلات مفروشات تبي تفصيل ولا جاهز كله موجود واحسن واحد يفصل ومجربينه محل البليهد اللي يجيك بعد هرفي على اليمين

اقوول عندك حراج بن قاسم فيها محلات تفصل كثير
صحيح حنا شرينا مطبخ خياااااال رجال مفلس وباع اثاث البيت والمطبخ رائع