(

موضوع خطيررر جدااا
قسم بالله حرام اللي قاعد يصير هذي سالفة اخوي باع سيارته قبل 6 اشهر بمعارض النسيم المهم اللي شراء منه السيارة حلف بالله انه شخص مستخدم المهم باع اخوي السيارة عليه 2005 هايلوكس ماشيه 280 الف باعها 39 الف ريال
المهم راحت الايام وقبل اسبوع واحد من أخويا اخوي بالرياض قاعد يتمشى بالحراج يدور على سيارة المهم حصل سيارة اخوي ودق على اخوي بالديره قاله كم لوحة سيارتك الهايلوكس قاله كذا وكذا المهم ماصدق خوي اخوي قال كم ماشيه يوم تبيعها قال 280 الف ؟؟؟
المهم قال والله العظيم واقفه قدامي اللحين باحد الممعارض بالنسيم معدل ممشاها الي 130 الف قال متاكد قال والله العظيم تعال وشوف قال تأكد حتى فيها ضربه في الباب الخلفي الايمن قال ايوه هذي سيارتك كان هذا الكلام كان يوم ثلاثاء .... الاربعاء اخوي دق سلف ومشى للرياض عنده شغل ومر المعرض اللي فيه وقال وين راعي المعرض ويطلع له ابو شنب قاله اخوي كم تبيعون هالسيارة بشتري قال (52)الف من 39 الف الي 52 الف ...
قال اخوي هذي سيارتي وممشاها معدل المهم اخوي كان بمحفظته مفتاح وكالة ناسيه معه يقول طلعته قدامه وفتحت السيارة قلت صدقت المهم توهق راعي المعرض قال حنا شرينها كذا وماندري قلت له حرام عليك وهذي ورقت المبايعة اللي باعها عليكم فلان قال نعم فلان قلت من مدينة كذا قال راعي الممعرض نعم نفس الشخص اللي شرينها منه قال اجل هذي ورقة المبايعة قدامك بيني وبينه والممشى 280 الف كيلو يقول قالي راعي المعرض تبي تشتري والا خلنا نترزق يالله
الله ينتقم من كل شخص غش الناس يارب انك لاتوفقه بتجارته وانك تمحقها له )

منقول من موقع حراج للسيارت

المشاركة الأصلية كتبت بواسطة عبدالرحمن محمد

الله ينتقم من كل شخص غش الناس يارب انك لاتوفقه بتجارته وانك تمحقها له

اللهم آمين

وحسبي الله عليهم

عرق النصب فيهم من زمان
مرة كنت بأشتري سيارة كان فيه نوع فورد سيدان صغير توه طالع عام 2000 و يزيدون الشريطية عليه تحت المكريفون 48000 ريال و قيمته جديد وكاله 46000 ريال

والله يا اخوان الله لا يفتنا لكن هذولا الشريطية مالهم حرام بحرام الا من رحم ربي والا كيف يمشي بضاعته والقريب منهم يشوف كيف الله يبلاهم ولا ينتصحون

اغلب الي اشوفهم يبيعون ويشترون فالمعارض كذابين
الله يكفينا شرهم

والله يا عالم اعرف شريطي
ما يشتري الا سيارات منتهيه ويصلحها تصليح اي كلام
ويبيع على العالم ويحلف 100 يمين ان مافيها شي
وربي بلاه اكثر من مره بس ما يتوب
اول وحده انسرقت سيارته
والثانيه احترقت قدام بيته
والثالثه باعها لظابط وهو ما يدري انه ظابط وخلاه يرجع السياره وكاله غصب عنه
هذا البلاوي اللي دريت عنها والخافي اعظم
خافو الله يا ناس

اشتري السيارة من راعيها الاصلي .....لاتشتريها من شريطي.....(الشريطي باين حتى من وقفتة))

السلام عليكم
في البيع لو تشوف أحد من معارفك تبيع السياره عليه أحسن من غيره إذا كان إستخدامك نظيف
و في الشراء
نصيحه مالكم في المستعمل إلا إذا كنت واثق ولا من شخص أنت تعرفه وتعرف أستخدامه
ولا خذ لك وكاله على يدك أريح لك

جزاكم الله خيراً على المرور

والله اني متفاجأ

معقوله يقدرون يعدلون ممشى السياره ... حسبي الله ونعم الوكيل

انا اللي اعرفه ان بعضهم يفصل العداد اما يعدل الممشى فهذي قمة الدنائه

لاحول ولا قوة الا بالله ....