طريقة مجربة في غيارزيت السيارة

**الجود** · 22-08-2007, 11:40 PM

ياشباب خذوا هذه الطريقة في غيار زيت السيارة..
انا الان لي حول سبعة أشهر بأشتري الزيت بالكرتون,, فقيمة كرتون زيت السوبر شل ب200 ريال
وفيه أربع وعشرين علبه يعني بتطلع عليك العلبة ب8.33 . وأغلب السيارات تحتاج أربع علب لكل مرة غيار زيت فلو تحسب الفرق بيطلع 5.6 ريال في العلبة يعني 22.6 ريال لكل مرة تغير فيها زيت.
فقبل هذه الطريقة كنت بروح للبنشر وياخذ مني 48 ريال قيمة الزيت وعشرين ريال للفلتر وليته أصلي وخمسة ريال شغل يد بيطلع المجموع 71 ريال.. وبكل وقاحه بيقولي البنشري هات 70ريال نسويلك تخفيض أنت زبون مسوي أنه متجمل الأخ.
وطبعا بحكم أن أغلب الشعب يقدر يشتري السيارة كاش,, لازم تروح الوكالة وتسد القسط الشهري فنصيحة خذ الفلتر من عندهم لأن سعره بيكون بعشرة يال يعني نصف السعر ومتأكد أنه أصلي.
يعلم الله أني أحب الخير لغيري وما ودي أتسبب بقطع رزق أحد لكن هداهم الله مايرضيهم المكسب المعقول.
وعلى فكرة الزيت أنا بشتريه من محطة الزغيبي في المدينة.. وسعر السوبر موبيل ب180 ريال يعني العلبه ب7.5 ريال وبرضه عند البنشر بتحصلها ب14 ريال.
أتمنى للجميع الفائدة ولا أحد يقول عليه جلده ترى اسمي الجود

**الساهر1** · 22-08-2007, 11:52 PM

مشكور اخي / جود

على التجربه المفيده والناحجه في محاربه ارتفاع الاسعار

(((يد بيد معا المقاطعه)))

**فعال** · 23-08-2007, 12:15 AM

يعطيك العافية

**أبو خالد9** · 24-08-2007, 03:42 PM

جزاك الله خير
بلانا منا اغلب البناشر مؤجرة على العماله إللي فيها والمصلحه للبنقالي والأفغاني وووووو
وإذا غاب القط لعب الفأر حسبنا الله ونعم الوكيل فساد إداري وفساد خلقي وقلة أمانة في هذه الوزارة الخايسه وزارة التجارة ومكافحة الغش التجاري والله يمكن يعبون في السيارات علبتين زيت جديد وعلبتين زيت قديم وما أحد يدري شعب ساذج يرمي سيارته في البنشر ويروح خايف الزيت لا يوسخهه.
وهذا غيظ من فيظ وحدث ولا حرج من الزيوت المقلده والقطع وغيرها

**ksaryh** · 24-08-2007, 08:28 PM

شكراً
لكن بعض البناشر الانذال ياخذ عشرة ريال لو تجيب الزيت من برا ،يعني حق علبة و زيادة ..

**مجموعة إنسان** · 24-08-2007, 10:14 PM

طيب أنا بسأل الشركات ليه تعين البنشري علينا؟؟؟؟؟؟؟؟؟!!

ليه من محلات قطع الغيار أخذ الزيت بعشرة وعليه إستكر 14ريال؟؟

مين اللي حط الإستكر البنشري وإلا الشركة؟؟؟

حسبي الله عليهم

**المقاطعه الوطنيه** · 24-08-2007, 10:31 PM

الفكرة مجربة أخوي الجود وجزاك الله ألف خير ,,, وأنا أؤيدك بقوووة

وبالنسبة لقيمة التغيير فهي (خمسة) ريال ,, ومممكن تغير الزيت بنفسك بالبر بطريقة سهله ,,,,,,
المهم الحين خلونا نشري الزين من محلات الجمله ياشباب ,,,,,, والفلتر كذلك بس انتبهوا من أسعار الوكالات مو كلهم بعشرة بعضهم بسبع وعشرين ريال!!

ابحثوا في محلات قطع الغيار وراح تلقون فلاتر أرخص ,,,

**وش بديل العرس** · 25-08-2007, 12:34 AM

صح لسانك صدقت

انا مجربها كرتون التر سفن 180 فيه 24 علبه

وغيرها من عند البنشر بعشره مع السيفون الاصلي من الوكاله ب15 ريال كورلا

باااي

**أول المقاطعين** · 25-08-2007, 02:20 AM

نعم أحسنت

أنا أضم صوتي لصوتك

عليكم بالكرتون وإلي ما عنده إستطاعه يتقاسم الكرتون مع أخوه ولا زميلة بالعمل

المهم أبحث الأرخص

**abu_alwaleed** · 25-08-2007, 04:26 AM

جزيتم خيرا و اقتراحات اجمل من بعض.... و الله لو يدرون عنك البناشرة يالجود ما يخلوك تمر من طريق سلطانة كله!!!!