مع قرب رمضان بدأت العروض الكاذبة

عرض لونا ( معجون طماطم ) دائما أشتريه

8 عبوات - ما الذي جعلهم يضعون سوى

اللاصق فقط

هو تكرار لما يحدث من خدع تسويقية عند إقتراب المواسم ( شهر رمضان - الدراسة ) لتضليل المستهلك بأن العبوة مضاف إليها منتج ( بالمجان ) ... و لك موضوع سابق طرحت فيه نفس الخدع:
كيك يمامة ... 10 + 2 مجانا
أقتطع منه الصور التالية :

سبحان الله.. لا إلـه إلا الله.. و الله أكبر

توني فاتحة القسم بأكتب عن نقاشي مع الأخ (سعودي بوسيتيف) حول نقطة شبيهة بما ذكرت ولقيتك سابقني ..

الظاهر إن مسألـة حركات التسويق العجيبة هذي فيها إنّ

ــــــــــــــــــ



قبل أيام اشتريت هالمعمول :



و لاحظت إن الحجم مكتوب بصيغة 300+100= 400 جرام !

يعني زي حركة 5+ 1= 6 عند شركات الزبادي

و لاحظت تسويق كبير لهالمنتج عندنا في أكثر من سوبرماكت.. وسعره تقريباً نفس سعر السوق..

وتقريباً ما فيه إلا هالحجم بالسوق !!

و أصلاً إن ما خاب ظني فهو منتج جديد بالسوق و جالس يبحث عن زباين..

>> لا يكون بس قصدهم جربوه قبل ما نقلل الكمية إلى 300 ؟؟



بس الأعجب يا أخوان إني دوّرت على هالمنتج في النت و ما لقيته !!

بس جاء ببالي إنه (( ممكن )) يكون على اسم (( طريقة )) معمول مشتهر في النت اسمه معمول لولي..

فالجماعة أصحاب الشركة أخذوا الطريقة و الاسم ، و سوّوه بطريقتهم..

و للحقيقة أنا أعجبني هالمعمول (لولي).. بس طريقة التسويق هي اللي خلتني أقول وش سالفتهم ؟!

و غير كذا.......... فيه شبه كبير بينه و بين معمول آخر اسمه إيلين :



لاحظوا كيف إنه نفسه مع اختلاف طفيف في الحجم و تصميم العلبة ؟؟

نفس الخطوط في تصميم العلبة ، و حتى نفس النسبة المذكورة على الغلاف

والنكهات (تقريباً كلهن واحد) للمنتَجَين..

حتى نفس طريقة كتابة الحجم: 1+1= 2 يا أخي اكتب 2 و خلصنا

وقال لي الأخ سعودي بوسيتيف إنه احتمال إنها نفس الشركة تنتج لصالح منفذ تسويقي بعينه ،

زي منتجات بندة اللي من أكثر من شركة وفي النهاية باسم بندة..

وفعلاً لما شفت العلبة طلع مكتوب عليها إنتاج مخبز (شموع الماضي) لصالح شركة (فن لولي)..

فـ اللي عنده المعمول الثاني يقول لنا إذا نفس هالاسم موجود على العلبة أو لا


أما 7 والآخر مجاناً... فقد سوّت مثلها شركة جبن كيري

يعني معقولـة ممكن تفتح بيوم الكرتونة وتلقى فيها بس 5 حبات

لونا عندهم تشيدر بعد ، ومن حوالي شهرين و هم منزلين حوالي 5 علب والسادسة مجاناً

أنا أخذت منها.. بس نسيت تاريخ صلاحيتها.. بس تقريباً فيه حوالي شهرين.. بأتأكد وأرد لكم..

فعلاً أخ سعودي ، الظاهر إن المقصود الحقيقي هو التضليل..

من شهرين لاحظت حركة نفض في إحدى السوبرماكات عندنا.. و قلت لأخوي بدأوا يجهزون لرمضان من الحين

واضحة غبرة كراتين المكرونة و بعض الأشياء الثانية.. وبعضها منزلين من سعرها حوالي ريالين عشان يتخلصون منها..

حتى بعضها شفتها من داخل متكسرة و بعض كراتينها متشققة من تحت..

وبعض العمالـة أذكياء بشكل لا يُصدق.. إذا قلت لـه هذا مفتوح أو خربان أو فيه علة......

يهز رأسه كأنه ـ مسكين ـ موب فاهم كلامك ، و هو إبليس

و أحياناً يروح يركض يجيب لك من المخزن شيء أحسن عشان تسكت عنه و تأخذ غرضك و تطس

حتى المُجمدات أيضاً بدأوا ينزلون من سعرها عشان تروح ويطلعون غيرها..

من حقهم يصرّفون بضاعتهم.. بس مهوب من حقهم يغشوننا..

أخوي قال لي كان صوّرتي .. قلت ما أقدر.. ممكن ينتبهون إني أصور مصايبهم ثم يسوون لي مشكلة

وواضح إن فيه وعي من قبلهم إننا شعب مصوراتي مفضحاتي في اليوتيوباتي

لذلك صاروا يأخذون حذرهم في كل شيء

إسمحوا لي!!

والله يشهد

اللوم والله على مؤسسات الحكومة الضايعة؟
وفي سبات عميق وتاركتهم يعيثوا فينا فساداً

ومن أمن العقاب أساء الأدب

والمفروض من ؟؟؟ إنها تقفل منتجهم وتحولهم للتحقيق

وتجعل منهم مثل قائم لمن يغش ويتلاعب علينا!!


سؤال للجميع!!

لو هذا في بلد غربي .... وش بتسوي فيهم مؤسساتهم الفردية قبل الحكومية؟

إعرف قدرك!

لا حول ولاقوة إلا بالله

المشاركة الأصلية كتبت بواسطة أهدافي تتحقق

لونا عندهم تشيدر بعد ، ومن حوالي شهرين و هم منزلين حوالي 5 علب والسادسة مجاناً

أنا أخذت منها.. بس نسيت تاريخ صلاحيتها.. بس تقريباً فيه حوالي شهرين.. بأتأكد وأرد لكم..

شفت تاريخ العرض وطلع فيه تاريخ صلاحية لمدة عام تقريباً !