تغيير الزيت بطريقة اقتصادية

**سيف العدالة** · 11-08-2007, 11:11 AM

وهي أن تشتري الزيت بالجملة
كرتون بـ 205 ريال سوبر شل
أو أي نوع
تطلع العلبة بـ 8.54 ريال
وشغل اليد بـ 5 ريال أو 10 ( تسعيرة جديدة)
بيكلفك إذا كنت تستهلك 4.5 علبة
43.43 ريال أو 48.43 ريال
ولو أخذت الزيت من نفس محل التغيير بتاخذه بـ14 ريال
ولا تستحي تاخذ نصف علبة الزيت حقتك الباقية

وعليك الحسبة لو بتغير الفلتر
أو تشتريه من الوكالة أو محلات الجملة
بيكون أرخص

**الدائرة مستطيلة** · 11-08-2007, 11:34 AM

سيـف العدالة

هذي طريقتي من فترة طويلة - وننصح بها الأخـوان
الطريقة توفر عليك مابين 30 - 40 ريال في كل عملية تغير زيـت

**سيف العدالة** · 11-08-2007, 12:41 PM

بس أشوف عمال تغيير الزيت بدو يطمعون شوي

**الدائرة مستطيلة** · 11-08-2007, 01:08 PM

أخوي سيـف العدالة ..
أنا ملاحـظ عليهم نفـس الشيء إذا قلت له تغير زيـت ؟ انـبسط أي نوع
قـلت له : معي الزيـت والفـلتر ؟ كـشّر بوجـهه وقال لي : ترا شـغل يـدي 20 ريال !!
طبعاً بـكل برود تـبي 10 ريال اشتـغل ماتبي سـلام عـليكم

ويوافـق لـك بدون أي تـعليق .. لكن انتـبه وخلك فوق رأسـه
علـشان يشتـغل لك بـذمة

**مُقاطع** · 11-08-2007, 02:10 PM

انا اغير زيت من نوع كاسترول

كان ب12 ريال للعلبة

والمرة اللي بعدها غيرت العلبة ب 13

واللي بعدها كانت ب 14

واخر مرة غيرت ب 15

بصراحة شي يقهر كل فترة تزيد العلبة ريال

يعني نصب عيني عينك

الىىىىىىى متىىىىىى

**ماجد الرحيمي** · 11-08-2007, 05:12 PM

جزااااك الله خير يا أخي سيف العداله...
صراحه فكره أكثر من رائعه...
وسوف أقوم بتنفيذها أن شاء الله...
كما سوف أحث اقاربي وأصدقائي...
وبهذه الطريقه يمكن تنخفض شوي أسعار تغيير الزيت عند محلات التغيير...

**خلوووووووودي** · 17-08-2007, 04:54 AM

ياليت تقول لنا محلات تبيع بالجملة وبهذا السعر

**شاهد القمر** · 18-08-2007, 05:51 AM

الله يعطيك العافيه كلامك 100/100 صحيح

**سيف العدالة** · 18-08-2007, 01:44 PM

المعذرة لم أر الرد

في الدمام >>> شارع الملك سعود بالقرب من الصناعية قريب من محل فلاتر

في الرياض >>> الظاهر الصناعية القديمة بأتأكد وأرد

**الدائرة مستطيلة** · 18-08-2007, 04:36 PM

محـلات بـيع الجملة ..

الريــاض ..
حي العمل .. شارع الريـل قريب من شـارع الغرابي محلات كثيرة للزيوت والبطاريات
في طريق الخرج .. بجوار الصناعية القديمة شارع الأمير سلمان
في العروبة .. صناعية العروبـة مقابل مسجد الملك خـالد في حوالي 3 محلات
لكن سعرهم أغلى شوي وانتبه للتاريخ ونوعية الزيـت لا يصير فيها شيء