قد يبدو الموضوع غير مهم في ظاهره، لكن انا مستاء منك يا سنكرز!
انا ككثير من الموظفين، الجأ للسنكرز مع كوب من القهوة في الصباح لكسر الجوع حتى يحين موعد الغداء، حين (تطنشني) زوجتي ولا تعد لي الفطور. كنت لغاية يوم امس متفاهما مع السنكرز، بقيمته الغذائية العالية، وحبات الفستق المقرمشة والكاراميل اللذيذ، على الرغم من ان سعره يساوي ربطتين ونصف من الخبز! امس لجأت للسنكرز مرة اخرى في طريقي للعمل، واشتريت حبة بريالين ونصف واسرعت للمكتب، اعددت كوبا من القهوة واخرجت حبة السنكرز، للوهلة الاولى بدت لي كعشرات حبات السنكرز التي التهمتها سابقا، لكن بعد القضمة الاولى ثم الثانية، شعرت بالجفاء لهذه القطعة الغريبة، المتدثرة بغطاء السنكرز! فالفستق قليل وغير مقرمش، والكاراميل يظهر على استحياء، والطعم ليس الطعم والشكل غير الشكل! ركزت قليلا اكثر فبدت لي طبقة داخلية بيضاء اللون، دهنية القوام! حينها هززت رأسي وتطلعت للغلاف مرة اخرى، هل اشتريت نوعا اخر؟ ابدا انه السنكرز (أبو ريالين ونصف)! دققت النظر اكثر، فلاحظت انه مصنوع في الامارات، وهي المرة الاولى لي التي اشتري بها سنكرز اماراتي! مع حبي للامارات، لكن الشكولاتة المصنعة هناك (شغل مشي حالك) والجالاكسي خير شاهد على ذلك! لا مشكلة لدي في طرح السنكرز الاماراتي في السوق، ولكن او ان اسأل جمعية حماية المستهلك، والمستورد والمسؤولين :
- هل تعلمون ان السنكرز اصبح اماراتي (جمعية حماية المستهلك) ام هي معلومة جديدة
- ان كنتم تعلمون، لماذا يباع السنكرز الاماراتي وغيره بنفس سعر الاصلي؟
- اخي المستورد، كم جنيت زيادة بكل حبة سنكرز على حسابي؟
- لماذا يعج سوقنا بالمنتجات الارخص ثمنا وندفع ثمن الاصلي؟
- وأخيرا، أين السنكرز الاصلي؟؟؟؟؟؟؟

لا ارجوك قل غير هالكلام ابو حميد . ما يكفي أسعاره ، الكبير زاد 25% من 2 ريال الى 2.5 ريال، والصغير 50% من نص ريال الى ريال . بخبطة عصا وحده ، جاب خمس نسب . وأصبح لزام عليك دايم تشتري عدد زوجي منها لانعدام العملات المعدنية عندنا ، أنا ما أتذكر آخر مرة شفت فيها ربع او نصف ريال ، لكن أعتقد يمكن من 20 سنة . الله يالقرشين على الأقل كان يستخدم في هاتف العملة ، أما الربع كان منبوذ حتى هاتف العمله ما يقبله .

نرجع للسنكرز ، عيالي يفضلون عليه أنواع أخرى لكن أنا اجيب أحياناً معي حبتين لأيام الزنقات اللي تسهجنا فيه أم العيال وعقب ما آكل واحد تخف بعدها حدة التضور وأصبر على تأخر الغداء او انعدامه ، قريت اللي عليه وكان كالتالي :

صنع وتصدير: مارس جي سي سي - دبي - الامارات العربية المتحدة . المستورد في مصر، شركة مارس ايجيبت للاستيراد ، ش ذ م م ، مدينة 6 اكتوبر ...... والخ بقية المستوردين . لكن حتى مصر أعتقد اللي عندهم أسوأ لأنه صنع محلي وأتذكر فيه أستاذ مصري في جامعة القاهرة طلب مني أجيب له كاندي بارز من اللي عندنا واستغربت من طلبه، قلت له ماتبي أجيب لك تنكة تمر سكري أزين لك قال : سكري يعني ايه . المهم يقول لأنه طعمها وجودتها مختلفة جداً عن اللي عندهم ، طيب ما قلنا شئ معروف ان مصر كل شئ يصنعونه عندهم وجودته بالحظيظ وأسعاره مناسبه لهم ، لكن حنا الآن في السعودية فعلاً على قولتك ، فليش ارتفاع سعره وهو مصنع في الامارات وجودته حتى مختلفة؟؟؟

كان فيه بسكوت مصنع في بريطانيا اسمة تولا Tola
كان رااااااااااااااااائع وزاد سعره الى ريال و نص

بعدها تغير لونه وشكله

وطلع اماراتي

رجعولنا الاصلي

أليس من المفترض ان تكون مصادر المواد الخام هي نفسها وخطوط الانتاج تتبع نفس الطريقة بالبلد الاصلي للسلعه .ويكتفون بنقل التصنيع لبلد كلفة الايدي العامله به اقل وقريب من بلدان المستهلكه كتقليل من التكاليف التصنيع والنقل ,, وليس تقليل التكاليف يقابله رفع اسعار وسوء تصنيع وجوده !
ارسلوا للشركة عبر ايميلها اشتكوا من السعر ومن تردي جوده المنتج
اعتقد على المغلفه تلقون رقم للشكاوي او ايميل للشكاوي والاقتراحات ....

وصبرا يا عشاق السنكرز واشو اني ما عرفه اسمع به بس ..

قلت له ماتبي أجيب لك تنكة تمر سكري أزين لك قال

لايدلون طريقه

لا اعلم متى كان آخر عهدي بهذه السنكرز
ربما قبل 20 عاما أو تزيد
وكنت احب الباونتي مع القهوة العربية

المهم ان اي منتج ارى عليه عبارة
المستورد في مصر او الجزائر او اية دولة وسيطة أخرى ..
فهذا بالتأكيد يقلل من الجودة لأنه تضييع للمسؤولية
لماذا لا تكون مباشرة
من المصنع الرئيس للمستورد في البلد نفسه !؟؟

ربي يوفقكم و يسعدكم

أشكر مروركم الكريم اخواني برايم، وسليمان واختي بنت المدينة وعميدة جمرة
المشكلة في المنتجات في بلادنا وما جاورها هو فعلا غياب الرقابة او ضعفها، اذكر بدايات نزول منتجات غندور (سودان، بيك ون .. الخ) كانت جودتها فوق المتوسط، ولكن بعد فترة اصبحت متردية، وعلى ذلك قس
والمنتج في الامارات لا يمكن ان يكون بنفس جودة الاصلي، وخذ النوكيا كمثال اخر
الهدف واضح، جشع المستورد اللذي يستورد من الامارات بتكلفة اقل ويبيعه لنا بنفس سعر الاصلي، مثال اخر شيبس برينجلز، ان طلعت بلد اخر اشتري البرنجلز الاصلي وقارنه بالتونسي الموجود في السعودية، شتااااان! والسعر نفسه
صراحة استعباط ينرفز

للأسف الشديد غياب الرقابة عن الجشعين واللصوص جعل من بلادنا مرتع لرداءة المنتجات وأسوأ انواع الظلم والغش

وعلى فكرة من باب التناصح شركة ماستر فودز سنكرز-مارس-باونتي تستبدل المواد النباتية بمواد حيوانية(عصارة المعدة)

ليش تروح بعيد
عندك اولكر
كان يجينا من تركيا ولا أروع وسعره بريال سواء قطع الشكولاته التي موجوده في باكيت او البسكويت بالفستق
واليوم يصنع هنا في السعودية و الطعم مختلف والزيت نسبة عاليه, لا وأزيدك من الشعر فندق , زاد السعر 100% بالنسبه للقطع الشوكلاته ذات الباكيت, وفيه بريال ونص بس حجم وكمية أقل بالرغم أنه لاتصدير ولاشحن في جدة المصنع.
ماقول إلا لك الله يامستهلك.....

انا بتكلم عن تجربتي مع الـ ( كت كات )

هناك ثلاث مصانع او أكثر في ( مصر و جنوب افريقيا و انجلترا ) طبعا اللي من مصر وجنوب افريقيا الحمد الله كأنك تاكل خشب ( لا طعم و لا مذاق و لا نكهة ) لكن اللي من هالزغر ( انجلترا ) تقعد تطعم به ساعات .. حتى تغليفهم له يختلف !!

ضاري كنعان صدقت


حتى انا بعض الاحيان اروح لمحطة نوف بطريق الثمامه عشانه بس اخذ كمية


والحمد لله لقيت جنبنا سوبر ماركت يبيعه