لقيت كيك معفن من لوزين بتاريخ صلاحيه غير منتهيه وش اسوي

**التاسع** · 20-09-2011, 11:30 AM

السلام عليكم
اتمنى افادتي

امس الاثنين 21/10 /1432هـ الساعه 11 ظهرا شريت من بلشرف الي بطريق الملك فهد
كرتون صغير (أصابع كيك لوزين شوكولاته )
تاريخ انتاجه 25/9/1432هـ وينتهي في 1/11/1432هـ

فتحت وحده منها واكلت قطعه صغيره بس حسيت ان طعمها سيئ جدا بعدين اكتشفت ان عليها عفن

اتصلت مباشره بـ 940 قالو بنرسل لك مندوب انتظرت لاكن للاسف مااتصل علي احد بعدها اتصلت عليهم المغرب وقالي جاري التعامل مع بلاغك واذا مر على بلاغك 24 ساعه اتصل علينا مره ثانيه

المهم اليوم اتصلت عليهم وقال برضه انه جاري التعامل مع البلاغ

تقريبا الساعه 10 الصباح ارسلو رساله انه تم تنفيذ طلبي الخاص بـ مواد غذائية فاسدة مع اني ماقابلت احد ولا اتصل علي احد رجعت واتصلت عليهم وقالي ان الادارة المسئوله عنه هي المعني بهذي الاجابه فأخذت رقم الاداره الي هي على مااعتقد صحة البيئه اتصلت عليهم وقالي خلاص بنتصل عليك

بيني وبينكم اصبت باحباط

رحت لبلشرف وبلغتهم بالموضوع على اساس انهم يشيلون الكميات لايجي احد من الاطفال ويشتري وياكلها وهو مايدري فقالو لي هذي مسئوليه المصنع

اتصلت على حماية المستهلك بوزارة التجاره فقالو هذا من اختصاص البلدية

في الاخير اتصلت على نفس الشركه الي هي احدى مجموعة المراعي وسئلت هل عندهم ادارة للجوده او ادارة قانونية مسئوله عن مثل هالمصايب

فقالو انهم بياخذون مني العينه ويفحصونها ويحددون هل الخطأ من المصنع او من التخزين في نفس الهايبر او النقل

انا صورت المنتج وشهدت تقريبا 5 من زملائي في العمل

فكرت انزل المقطع في اليوتيوب او هنا علشان الناس تحذر

وتكون رادع

سؤالي في مثل هذي الحاله وش اسوي

**boycut** · 20-09-2011, 11:45 AM

بيني وبينك انت مخالف للمقاطعة وكنت بقول جزاك ماجاك لكن لما عرفت انك اشتكيتهم ماقصرت وقليل اللي يسوون ربع اللي سويته وهذا دليل اخر على صحة المقاطعة وسوء كيل شركة المراعي

**mr.vague** · 20-09-2011, 11:52 AM

ايش تتوقع من لوزين؟؟؟؟؟؟؟

**التاسع** · 20-09-2011, 11:53 AM

هلا اخوي بويكت ماعندي اي فكره عن المقاطعه

بس ايام مارفعو اسعار الألبان ماشريت منهم لحد مارجعت الاسعار مثل ماهي

سؤالي المكرر وش اسوي في هالحاله

انزل المقطع مع الفاتوره

هل لهذه الدرجه الموضوع مهمل من قبل الجهات المسئوله

abuhisham · 20-09-2011, 11:58 AM

المفروض من اول ما بلغت تكون نزلت المقطع .. و مع التبليغ تخبرهم إنك راح تنشره في النت و المنتديات عشان يتحركوا بسرعة.

على العموم .. إذا المقطع عندك جاهز أنشره في اليوتوب و عليه التاريخ و مكان الشراء عشان الناس تنتبه.

**التاسع** · 20-09-2011, 12:35 PM

اتصلو علي الشركه وارسل مندوب بيجيني بعد شوي

يقول بياخذ العينه لتحليلها

تفاعلهم اسرع من البلدية

للاسف الشديد

**التاسع** · 20-09-2011, 02:20 PM

جاني مندوب الشركة ووريته الكيك وسجل البيانات وطلب مني ياخذ الكرتون ورفضت

لاني قلت له اني قدمت بلاغ للبلدية وخااااااف يجوني بعد سنه ونص وتصير العينه ماهي عندي

ويسجلون علي اني مقدم بلاغ كاذب

والله اني اصبت باحباط معقوله هذا الاهمال من الجهه المسئوله

اتمنى ان المسئول يتخيل ان ابنه او بنته هي الزبون الي بعدي واخذت من نفس البضاعه واكلت منها وش بيقون موقفه

**لاتدف** · 20-09-2011, 02:42 PM

اقتباس:

المشاركة الأصلية كتبت بواسطة التاسع

جاني مندوب الشركة ووريته الكيك وسجل البيانات وطلب مني ياخذ الكرتون ورفضت

لاني قلت له اني قدمت بلاغ للبلدية وخااااااف يجوني بعد سنه ونص وتصير العينه ماهي عندي

ويسجلون علي اني مقدم بلاغ كاذب

والله اني اصبت باحباط معقوله هذا الاهمال من الجهه المسئوله

اتمنى ان المسئول يتخيل ان ابنه او بنته هي الزبون الي بعدي واخذت من نفس البضاعه واكلت منها وش بيقون موقفه

طبعا معقولة ونص وجرب لو حصلت شئ غلط في احد المحطات اللي على الطرق السريعة عند السفر التجارة يرميك على البلدية وهاذولا يرمونك على النقل والنقل يرجعك للتجارة وما بقى الا امن الطرق بيروقراطيه فاسده مثل الكيك اللي حصلت

**positive saudi** · 20-09-2011, 04:41 PM

تصرف الشركة من واقع تجربتي سليم 100%
لا بد أن تأخذ الشركة عينة للفحص ( يعني لا تعطيهم الكرتون كاملا بل قطعة أو إثنتين واضح فيها العفن ) لسبب بسيط لكي يفحص قسم الجودة في الشركة العينة من الألف للياء لتحديد سبب العفن قبل إنتهاء فترة الصلاحية و من ثم يردون عليك ( هذا إجراء قانوني سليم من الشركة مع حرصك على أخذ محضر ضبط عينة من المندوب لكي يثبت الحاله لتقديم شكوى و إجبارهم على الرد ) .
أما موقف حماية المستهلك ليس بجديد ( ما لها علاقه بأي شيء )
أما الأمانة فموقفهم مستغرب و المفروض تظبط الكمية و تحرر مخالفة على المحل و غرامة ).

**ابو مشعل** · 20-09-2011, 08:50 PM

لوزين احدى شركات المراعي لذلك توقع منهم اي شيء