السعودي غير والله غير كله خير دين وشهامه وادب واخلاق ونخوة ورجوله وكل الصفات الزينه فيه
عيبه الوحيد مايحب الفلوس اخر همه
قنوع كريم سخي لدرجة انه خلى خير بلاده لمن هب ودب يأكلون من خيرنا ويخربون في بلادنا" صحيح ان المال السايب يعلم السرقه سرقونا وافسدو بلادنا واولادنا حسبي الله ونعم الوكيل
ندااااااااااااااااااء من القلب لكل
شباب بلادي "السعودية" إلي بدون شهادة والي معه الابتدائية والي حاصل على محو ألاميه وإلا دكتور يدرس في اكاديميه ترى ما في فرق بينكم انتو تكملون بعض ما في أحد أفضل من أحد كلكم مسلمين وسعوديين ترى الشهادات ما هي مقياس لرجولتكم ولشخصياتكم انتو فوق فوق "ارفع راسك أنت سعودي" هذه بلدك لا تخلي الغريب يأخذ خيرها وأنت تتفشل من كل شغله وتتحجج بأنك سعودي ما تشتغل مثل هذه الشغلات خليها للبنغال والهنود واليمنى وغيرهم "صح كلنا إخوان ومسلمين بس هذا خير بلدنا إحنا أحق به
من هنا ومن منتديات مقاطعه نحن نحبك ونحترمك يا ابن الوطن الغالي الشغل ليس عيب العيب التسكع في الشوارع والسهر في الليل والنوم نهار
والله والله أني اكتب وأنا ابكي من القهر ليه ما تشتغلون في المحلات التجارية والبناشر والمطاعم لااااااااااااا تقلون ما نعرف حتى هم بعد ما يعرفون تعلموا فينا !
يا شباب السعودية إحنا فدوه لكم بس تعلموا
وأقول مره ثانيه وثالثه ورابعة وألف مره نحترمك ونوقف لك تحية وتقديرا وين ما كان شغلك حتى لو أنت كناس تراك في بلدك رافع الرأس
ملحوظة: معظم شبابنا إلي ما عندهم شهادات لم يكونوا كسالى أو أغبياء وأنمى ضحيا لمدرسين جهله يحملون في داخلهم قلوب سوداء همها الراتب فقط وليس تربيت الأجيال فكم من طالب رمي له ملفه ظلما وعدوانا والى ألان مسلسل ظلم المعلمين مستمر فحسبنا الله ونعم الوكيل
شبابنا الغاليين شدو الهمة ودعوا الكسل الحياة حلوه وبوجودكم تكون أحلى وأحلى

جزاك الله خير اخوي ..
لكن انا بأقولك شي

لو انت تشتغل في بنشر هل تقدر تتزوج ؟؟؟ وخصوصا ان العرف عندنا عييييييب ... سعودي يشتغل في بنشر ؟؟

للاسف احيانا ما يكون العيب من الشخص نفسه كثر ما هو عيب في المجتمع ....

بعض العوائل تقول لولدها اقعد في البيت ولا تشتغل شغلانه تفشلنا ...
بعض العوائل ما تزوج الا لازم تكون في حال متوسط واعلى ..
بعض العوائل لا تعلم ابنائها انهم لازم يبدأون من الصفر ...

والقائمه تطول .. لكن المجتمع اهو السبب في الاول والاخير ....
سعودي يشتغل بنشر ؟؟!!!!! يووووووه ؟

وشنو فيها اذا اشتغل بنشر والا في مطعم والا في مصنع بدل هالالاف من العماله الاجنبيه .. ليش ما يشغلون ابناء البلد هالوظائف ... الاجانب طلعوا ملايين من شغلات احنا ننظر لها تافهه ....

لكن مين يفكر ؟؟؟

حياك أختي رعود
الوضع الآن تغير السعودي أقتحم أغلب المجالات بثقة واثبت وجوده بها
وهذا الموضوع يتحدث عن عينه منهم
برجر روست مطعم سعودي يدار بأيدي سعودية !!! ‏( 123)

وفيه محلات الخضار سعوديين .. بناشر فيها سعوديين .. عمال نظافة سعوديين .. صبابين قهوة سعوديين وووووو
السعودي لا مشكلة عنده أي عمل شريف يقبله ..
لكن من يرغب بتوظيفه؟؟؟ هذا مثل
الكل سمع عن شركة اوجية فبدل أن توظف الشباب السعودي أخذت بدل عنهم عمالة أجنبيه
" 25 الف فلبيني!"
و بعض المجالات سيطر عليها العمالة وترفض توظيف السعودي بها ..
وحتى لو دخل حر نفسه أي هو صاحب العمل يجد محاربه قوية من المنافسين الأجانب هذا من جهة

من جهة أخرى الدولة تتحمل مسؤولية كبيرة مادام فيه وظائف حكومية يشغلها اجانب !!!
على الدولة الأهتمام بالشباب السعودي في القطاع الخاص .. أي احموهم قبل أن تدعموهم
احموهم من الأجنبي كي يثبت نفسه

هناك وظائف نحتقرها و لا نعيرها أي إنتباه لكنها تدر دخلا ماديا كبيرا.

مثلا .. حمالي الشنط في الفنادق .. ممكن ننظر لها نظرة دونية لكن البخشيش لوحده يغني عن أي راتب خصوصا في الفنادق الكبيرة و الفخمة.

و مثال أخر .. في السوبرماركتات .. الهنود و البنغالة إللي يعبوا البضائع في أكياس و يرصوها للزبون في سيارته .. قد إيش يطلعوا أخر النهار من الإكراميات و البخاشيش؟

ما أقول خريجي الجامعات يتجهوا لهذه الوظائف (رغم إن الرزق الحلال مهو عيب) لكن ممكن شباب خريجي متوسط و ثانوي في فترة الإجازات الصيفية أو أثناء الإنتظار للقبول في الجامعة ممكن يتسلوا في وظائف كهذه تضمن لهم لقمة عيش حلال و تخفف المصاريف عليهم و على أهاليهم.

بارك الله فيك اختي ونفخر بوجود بنات مثلك بهذا التفكير وتغار على بلدها



والله العظيم ان البلد فيها الخير الكثير وكل ما اريده من الشباب الصبر
واكل العنب حبة حبة
مشكلة شبابنا انه يريد ان يصبح غني في يوم وليلة

الاعمال الحرة في السعودية فيها خير كبير بس لها شروط منها
1- الامااانه والمصداقية مع الله ومع الناس
2-الصبر الصبر الصبر
3-التفكير العميق قبل اختيار العمل

والله الاعمال الحرة احسن من الرواتب مليوووووووون مرة

تقبلي مروري

هلا .. رعــود
ياليت كلامك يتحقق .. ونشوف الشباب السعودي يشتغل في كل مكان واي شي .
والشغل مهوعيب .. العيب اللي طايح في البيت وينتظر القصيبي يوظفه .
الشباب الطموح لاينتظر أحــد يقدم له وظيفه او مصروف يومي .
وأذا الرزق حلال ..... بنت الحلال موجوده وتتشرف فيه و بدال الوحده الف وحده تتمناه .

.

لو انت تشتغل في بنشر هل تقدر تتزوج ؟؟؟ وخصوصا ان العرف عندنا عييييييب ... سعودي يشتغل في بنشر ؟؟

قبل مايفكر بالزواج خليه يشتغل وبعدين باذن الله تعالى بيتزوج وبياخذ بنت حلال وترضى فيه وتصونه ويصونها.....

العنوسه ضربت ارقام خياليه في البلد والناس صارت تدور على ابن الحلال اللي يستر على بناتهن...

اشتغلوا وخلوا الكلام لاهله مابيفيدهم بشي..

مشكلة شبابنا ان الواحد اول ما يفكر في الراتب والسياره ولا يفكر كيف يتعلم المهنه يعلم الله لو يعود بي الزمن قليلاً لما توجهت سوي لاتعلم مهنه اياً كانت وتوافق قدراتي .. تخيل هندي بمحل ادوات كهربائيه يطلب خمسين ريال لتغيير مفتاح كهرب فقط الشغله كلها سلكين واقل من دقيقتين وهو مخلص كم دخله يومياً ؟؟ الصناعيه تجد اطفال مع ابائهم طبعاً اجانب بعد كم من سنه تلقاه معلم وفاتح له ورشه كم دخل الورشه بالميت 8 الاف غير العمولات مع حقين المخارط وقطع الغيار البلد فيها خير كثير بس متي يصبح الشباب لديهم عزيمه ..

الله يعطيك العافية،شيء جميل أن يوجد ناس مثلك يغارون على وطنهم،لكن إحنا نبغى الوظائف ذات المناصب اللي يشتغلونها الأجانب وإذا خلصت ننظر للوظائف الأدنى منها في المستوى.لا عدمناك أخوي.

خلونا نكون واقعيين ..

بنشر .. او كناس .. صعبه شوي .. انت اشتغل فيها ماترضى على نفسك وبلدك فيها وظائف احسن منها الى متى احنا نتذمر على اي شي .. للمعلوميه البنشري فيها مدخول حلو .. وميبيلها شي عده بسيطه وكم كفره

انا اعرف كذا شخص معه شهاده ابتدائي ليلي موظف في وزارة الصحه وراتبه تقريبا فوق السبعه .. ما احسده لكن الله يرزقه ويرزق الجميع

طيب انت الحين بنشري .. ( الشغله هذي مافيها شي ولا اقول فيها عيب ) .. رحت تخطب يقولون لك انت وين موظف تقول بنشري .. يقولون اسفين .. ليش ؟؟؟؟؟؟؟؟؟؟؟؟؟؟؟

وبعدين الشباب لازم يسعون ويدورون وظائف او تجاره صغيره .. اول شي الطموح ياشباب .. والدراسه الصحيه سوا للمشروع او الوظيفه والتخطيط ..

فيه وظائف مراتباتها فوق 4000 الف وانت ماشي ... ومين يشغلها الاجانب .. بعضهم ليسوا ذو خبره ولاعنده شهاده .. لكن اخوك في الله السعودي .. مايبي السعودي لانه دائم يطلب كل شي وزياده ومادري ايش .. ويبي الاجنبي علشان يرضون بكل شي انشالله تسفل فيه وتهاوشه ليل نهار ميقول شي .. وبالاخير اجنبي ..

وعندك محلات الملابس الرجاليه .. والله فيها فلوس ومدخول شهري حلو .. لكن مين يشغلها ( ابو يمن ) واتحداك ينزلك ريال واحد .. لان يبيعها لك بمكسب خرافي ..

والله ودي كل السعوددين يشغلون هذي المحلات .. ومحلات تفصيل الثياب ..

وعندك محلات الجولات .. الحين كل المرسلات ابو يمن وابو شكيب .. والمشكله تلقه مرسم بزي سعودي << عليه بالعافيه .. وبالاخير تنصدم من كلامه ..

على الاقل السعودي يتعاطف معاك وينزل لك في السعر .. اما ابو شكيب وابو يمن والله لتبطي ..

وعندك البقلات ... يناس والله فيه مشاريع كويسه ولها مدخول حلو يخليك تستفر وتعيش مرتاح .. لكن الاجانب ياكلونها عليكنا ...

والسيوله مشكلتها مشكله .. لكن فيه بعض الشركات يعطونك بالاجل .. بس ينقصك الايجار والتاثيث ..

ومالعب فينا الى بعض السعوديين .. يجيه ويقوله افتح لي محل واعطيك بالشهر مثلاً 2000 ريال ومالك دخل في ايش .. ( طيب ليش كذا مو حرام تر بهالطريقه قاعد تظر بلدك واخوانك )

ياليت السعوديين يتركون هالعاده الي مراح يخلونها ... والله ملينا ..

وشوف الورش شرق الرياض كلهم سواريه .. حراميه دجالين قاطعين طرق .. حتى الكهربائي معهم .. السعودي مدرعم يقتح له المحل ويطلع له الرخصه وهمه الوحيد الالف والى الالفين الي ياخذهم منه اخر الشهر ..

طيب ليش ماتتفق معه بالنص او اي طريقه اخر او بالنسبه .. .؟؟؟؟؟؟!!!!



والله عندي كلام كثير بس تعبت ..

كل واحد له وجه نظر ...

والاختلافات كثيره بالاراء .. ( واختلاف الراي لايفسد للود قضيه ) ...

تحياتي

يزيد