بسم الله الرحمن الرحيم

الكل ياخذ له كاسة شاهي منعنع ويدف له حبتين >> بنااادول طبعاً

لأن هالموضوع او الرد هذا طويل

انا مثل منتم عارفين توهقت مع شركة اتحاد تـ عذيب واللي حاب يشوف اساس الموضوع من هنا
https://www.mqataa.co/vb/showthread.php?t=25021

ولا خليت مكان ماشكيتهم فيه او جمعية مالكملتهم على العموم انا لاحظت بعض الشباب يتذمر من هيئة الاتصالات وتقنية المعلومات انها ماترد عليه فحبيت انكم تشاركوني هنا قلت لازم تشفون الخطوات اللي انا سويتها واللي عنده اضافة لايبخل علينا

طبعا اذا تبي ترفع شكوى على شركة اتحاد تـ عذيب (جو) يجب عليك اتباع الخطوات التاليه :

وبإذن الله سوف تتم حل مشكلتك بأقرب وقت لان كما لاحظنا سابقاً بأن هذه الشركة لاينفع معها الا العين الحمراء

1: يجب عليك انك تكلم الكول سنتر اكثر من عشر مرات

في اليوم الواحد من السبت الى الجمعه

حتى لو يقلون لك مافيه دوام للاداره قل ادري بس انا ابي ازعجكم>> خليك صريح داايم

وكل ماتكلم الموظفين قولهم نفس الكلام ونفس المشكلة واطلب انك تتكلم مع المشرف وارفع شكوى وارفع صوتك عليهم >> بس بدون غلط على الموظف

؛؛ وحاول بقدر الامكان ان المكالمه تطول فوق الـ5 دقايق لانه حسب خبرتي انه اذا طولت مع الموظف اكثر من 5 دقايق يحاول يصرفك باي طريقه لانها تحسب عليه الجوده وتقييمه في المكالمات وبيظطر انه يقول أي كلام ويمكن انك تمسك عليه وتقدر تحجه في الشيء هذاوالكلام هذا الشركة ماتبيه تبي الخدمة المميز

وبرضوه اذا طولت مع الموظف فيه عند المشرفين شاشه مراقبة المكالماتبيشفون الموظف اللي يطول في امكالمه وبيستفسرون المشرفين لانه مو بصالحهم طول المكالمه لانه بيجلسون عملاء ثانين على الانتظار وهذي نقطة ضعف عند الشركة وماتقدر تصيطر على المكالمات . ( الخطوه هذي يجب اتباعه مع جميع الخطوات الجايه وانا حطيتها بالاول لأهميتها وقوة تأثيرها على الشركة )

2- اذا لم تستجيب لك الشركة يجب عليك انك تشتكي الشركة على :

*هيئة الإتصالات وتقنية الملعومات السعودية:

(مع العلم بأني راسلتهم ولم يتم الاتصال علي)

لاكن فيه شيء حلو هالشكوى بتقلون لي كيف ..؟؟ انا بقولكم

انا راسلت الهيئة اكثر من مره وماشفت تجاوب منهم

لاكن شركة عذيب اتصلت علي وحدى وتقول انا من قسم الشكاوي وانا رايحه اهتم بموضوعك ومادري ايش >> ومن هالكلام المعسول

وفي الاخير قالت لي تبي الصراحه قلت لها ايوه ..؛؛ قالت جتنا قائمة اسماء مشتكين علينا ومن ضمنهم اسمك ..؛؛ (انتهى)

قلت انا ممكن ان الهيئة مايبون يكلموني وارسلوا للشركة من وراي عشان يسوون لهم قرصة أذن فـ عليكم بالهيئة راسلهم بالفاكس والايميل وكلمهم بالهاتف ازعااااااج

*جمعية حماية المستهلك

عاد هالجمعية بصراحة ماشفت منهم شيء الا اتصال من بعد مانلحت مشكلتي . ولو يغيرون اسمهم الى جمعية حماية التاجر يكون احســن

انا خشيت على موقعهم وفيه نموذج للشكوى ارسلت اكثر من 5 مرات اتوقع وراسلتهم على ايميل الاداره وردو علي بس بعد ماحلت مشكلتي وبرفق لكم الايميل ونموذج الشكوى

*مكافحة الغش في وزارة التجارة

هذي قالوا مالنا دخل حتى اني خشيت على المدير العام وشرحت له المشكله

وانا السالفه تزوير وغش قالي والله كل قضايا الاتصالات عند الهيئة هم عندهم المواد الاستهلاكية والغذائية

وياشباب أي واحد يلاحظ شيء سواء في مطعم ، حلاق ، بقالة ، سوق ....!! أي مكان غير الاتصالات يتصل عليهم ، وصدقوني بيتجابون معكم على طول وبحط لكم الايميل وارقام الاتصال فيهم

*جمعية حقوق الإنسان :

هههههههه مادري وش دخلهم بالموضوع بس والله انهم يدورون الشر

انا ارسلت لهم من باب الانصاف بس

وعلى طوووول اتصلوا علي

كأسرع جميعة للشكاوي المهم اذا احد عنده قضية سواء على دائرة حكومية او أي جهه راسلهم واتصلوا عليهم

وانا برفق لكم وسائل الاتصال فيهم

*جميع الجرائد والصحف الإكترونية

لاتخلي أي جريدة الا وتراسلهم خطاب شكوى وترفق معاه المستندات المطلوبة وترفق هويتك طبعاً

انا اتصل علي خالد المالك (ابو فيصل ) رئيس تحرير جريدة الجزيرة وتواصل معاي واعطاني رقم جواله وقال انا بتصل عليهم واهزئهم بالفعل اتصل عليهم وطلب مشرف وماحد اعطاه وجه قالي خلاص بس عطني ويمين وانا انشر الشكوى ، ولا نشرها ولا رد علي بعد كذا .. مع العلم اني ارسلت له مسج وذكرته وماندري عن ضروف الرجال يمكن انه انشغل ولا شيء عشان كذا مابي اظلمه

وراسلت جريدة الوطن على الفاكس وكلها يمكن 3 او 4 ايام وتجيني رساله انه تم نشر المشاركة بصفحة كذا ..

اما الجرايد الثانية مالقيت الا نموذج اتصال بموقعهم ولا احد اعطاني وجه يمكن عشان يستفيدون من شركة عذيب عشان كذا مايبون العلاقة تخرب معاها .؛

طبعاً الصحف الإكترونية كثيرة وراسلتهم اللي اعرف وردوا علي صحيفة برق الاكترونية وتم نشر الشكوى وصحيفة صدى الاكترونية وجاري نشر الشكوى على حسب رد رئيس التحرير

طبعاً للحين مايجب عليك توقيف الشكاوي :

يجب عليك الذهاب للمحكمه ورفع دعوى قضائية خصوصا للمطالبه المالية لاني سمعت اللي عنده مشكلة ثانية يوجهونه لـ هيئة الاتصالات ، وبعد كذا يجب عليك الذهاب ورفع شكوى في ديوان المظالم بعد حكم المحكمه

ياخوان اللي نبي نوصله مو كثرة الشكاوي لا والله ولا هو فضاوة شغل لاوالله انا موظف من الساعة 9صباحاً حتى الساعة 6 مساءً

بس ادبر وضعي وبصراحه انغبنت وماحب احد يضحك عليه عشان كذا ياخوان لاتوقفون شكاويكم

راسلو كل اللي تقدرون عليه وبدل مارتروح وتلعب في النت استفد في وقتك وقدم شكاوي

واللي يعرف طرق ثانية لايبخل علينا

انا قلت اللي عندي واسأل الله انه مافيه احد يحتاج هالشكاوي هذي وإنشاءالله الكل تنحل مشاكله مع هالشركة التعبان سواء شركة عذيب او شركة غيرها

اللحين بعطيك نماذج وارقام وايميلات الهيئات والجمعيات والجرائد

*هيئة الاتصالات وتقنية المعومات :

مكتب الهيئة : 4618000 (1) 966+ تلفون + فاكس الشكاوي

نائب المحافظ للشئون القانونيه : تلفون: 4618344 (1) فاكس : 4618332 (1)

طبعاً اللي بيرسل فاكس يكتب اسم النائب اللي هو : ضيف الله الزهراني

نائب المحافظ للشئون تقنية المعلومات : تلفون 4618129 (1) فاكس رقم : 4618120 (1)

إيميل الشكاوي : ccomp@citc.gov.sa

طبعا لازم تكتب بالايميل جميع بيناتك وترفق المستندات مثل : صورة من الهوية + صورة من العقد + صورة من طلب او الشكوى اللي رفعت من الشركة

وانا ارفقة لكم نموذج للشكوى

*مكافحة الغش التجاري :

تقريباُ هي نفسها حماية المستهلك

بس مادري شنو الفرق

هذا نموذج الشكوى

http://www.commerce.gov.sa/mok2/form.asp

وهذا إيميلهم :

public-relation@commerce.gov.sa

*جمعية حماية المستهلك :

الإيميل :info@cpa.org.sa

هذا ايميل الجمعية وهم تجاوبوا معي بعد ماشافوا الايميل

http://www.cpa.org.sa/Unco.aspx

وهذا نموذج للشكوى

اللي في موقع الهيئة طبعاً ياخوان النموذج معقد جداً يعني يجب عليك انك ماتضيف أي فواصل او همزات او رموز يعني خلي كلامك عامي احسن ههههه ، وبعدين أي مربع يكون فيه نجمه حمراء معناته انه فيه خطاء بالكلام اللي في المربع هذا يعني عكس تراهم . وبعدين اجمع كل مستنداتك وحطها في ملف واحد عشان ترفقها مره وحده واسهلك برضوه .؛

وهذا رقم لهم فاكس : 014507677 >> هذا الرقم اللي اتصلوا عليه منه طبعا اسم رئيس الجمعية : د.محمد عبدالكريم الحمد

وهذا الرقم المجاني حق الجمعية وصدقوني لازم الكل يحفظه بجواله ترى الغش عندنا واااجد خصوصاً بالمطاعم والاسواق : 8001241616

*جمعية حقوق الإنسان :

طبعا هالجمعية مشاءالله عليها ترد عليك على طول

وارقامهم :

هاتف : 012102223

فاكس: 012102202

ص.ب1881 الرياض 11321

طبعاً لازم تطبع نموذج الشكوى وانا ارفقته لكم

الجرائد والصحف :

*جريدة الجزيرة :

خالد بن حمد المالك

هاتف : 014871016

فاكس: 014871017

*جريدة الوطن :

فاكس التحرير ابها : 072273756

فاكس التحرير الرياض : 014665071

*صحيفة برق الإكترونية :

http://www.albarg.org/inf/mailbox.php?action=newmail

هذا النموذج

صحيفة صدى الإكترونية :

هذا نموذج الشكوى

http://www.slaati.com/inf/mailbox.php?action=newmail

برنامج اسبوعي عن المستهلك على قناة الإقتصادية

هاتف : 012107788

منتديات مقاطعة :

https://www.mqataa.co/vb/forumdisplay.php?s=&daysprune=-1&f=40

حملة في الفيس بوك :

http://www.facebook.com/group.php?gid=179762332813&ref=nf

>>طبعاً حٌذفت عضويتي لأسباب غير معروفه وحذفت جميع مشاركاتي

يمكن لاني علقت على الشركة في الفيس بوك لموظفين الشركة ومشرفينهم الداااجين وعلى رأسهم نايف ابو صيده وعامر الجداوي وهم يعرفوني زين

ومسوين حملة (جو كلوب) عشان كذا حذفت عضويتي

طبعاً ياأخوان ارسلوا أكثر من مره خاطبوا المسئولين أكثر من مره لاتلقون ماحدن مطالع فينا

ولا تقلون ماحنا فاضين صدقوني ماحد يرضى انه ينظام او ينغبن عشان كذا لازم نتحرك والكل يتكلم

انا مواطن سعودي وعايش في بلدي والله مو لاقيها الا الأجنبي يعني يكفي ان بعضنا مو لاقي وظيفه

لازم تكون لنا كلمه في حق هالشركة التعبانه

طبعاً يجب على الكل في حالة ارسال فاكس او ايميل يجب كتابة الشكوى بوضوح

· تدوين أرقام الاتصال بك والبريد ومكان الإقامة

· إرفاق صورة من بطاقة الأحوال ( للسعوديين ) و صورة من الإقامة أو الجواز ( لغير السعوديين ) إن وجدت

· إرفاق أي أوراق تدعم شكواك

أعتذر عن الاطالة واي خدمة او استفسار مو واضح انا بالخدمة وإن شاءالله ماريح أقصر مع أحـــد ..؛؛

إن أصبت فمن الله ، وإن أخطأت فمني ومن الشيطان

فمــآن الله

نماذج للشكوى لـ حقوق الإنسـان
و هيئة الاتصالات وتقنية الملعومات

تحميل الملف تقديم شكوى(1)(1).zip من هنا

تحميل الملف شكوى لهيئة الاتصالات وتقنية المعلومات.zip من هنا

أسمح لى ..





إنت ذيييييب ,, مره عاجبنى و المنطق اللى بتستخدمه تجاه الشركه 100% و نصيحتى لك : لا توقف ابد حتى تأخذ حقك و زياده بعد لأجل يحترمون أى شخص " بيصرف عليهم " راتب شهري مقابل خدمه

لمتابعة اخر اخبار الشركه وما عليها

الرجاء الزياره والتسجيل في الموقع

http://groups.google.com.sa/group/no-for-go-

موضوع رائع ويستحق التقيم
اللي له حق لا يتركه ولا يتركهم .. ما تمادوا الا يوم شافونا ساكتين على سرقتهم لنا

تم نشره عبر مجموعه مقاطعه البريديه

عساك على القوة
انا انصح كل من ظلم من اي شركة
شركة الاتصالات السعودية على وجه الخصوص
انه لا يسكت لهم ويصعد الموقف الى اعلى المستويات

انت بطل .. سمعت المكالمة كاملة

الموظف نشف ريقه لما عرف ان المكالمة مسجلة و هو كان يكذب في تسويق الخدمة

انا للأسف ما زلت مشترك و أعاني من نقص في سرعة التصفح و خصوصا قوقل و جي ميل

و بحول الله راح اعمل ما ذكرت خطوة بخطوة

المشاركة الأصلية كتبت بواسطة LiL CAT

أسمح لى ..





إنت ذيييييب ,, مره عاجبنى و المنطق اللى بتستخدمه تجاه الشركه 100% و نصيحتى لك : لا توقف ابد حتى تأخذ حقك و زياده بعد لأجل يحترمون أى شخص " بيصرف عليهم " راتب شهري مقابل خدمه

اهلين اخوي ..؛؛
والله مادري شقولك بس ترى يمكن زود الحماس قلت باخذ تعويض والسوالف .. والا ان جيت للحق والله ماودي احد يتوهق معهم واتمنى زوال هالشركة
يعطيك العافيه اخوي ع المرور والتعليق

المشاركة الأصلية كتبت بواسطة سراب الذكريات

لمتابعة اخر اخبار الشركه وما عليها

الرجاء الزياره والتسجيل في الموقع

http://groups.google.com.sa/group/no-for-go-

بالتوفيق يالغلااا ووصل