السلام عليكم ورحمة الله وبركاته


بقولكم قصتي معى وكالة نيسان ولكم الحكم
ياشباب انا قبل فتره قلت بروح اطلع سياره وكاله
وشفت اللتيما 2010 وعليها
عرض 1249 ريال القصد الشهري ومن غير دفعه اولى
رحت سألت الموظف قلت هل باقي العرض قالي ايه باقي
قلت كم القصد قال 1300 قلت وعرض اللوحات اللي بشوارع
قال لازم تدفع دفعه اولى قلت كويس كويس
المهم قدمت اوراقي قالي الموظف ناقصك
فاتورة الكهرباء+فاتورة التلفون+صك البيت
طيب انا ماعندي تلفون بيت المهم قلت للموظف قالي جب اي فاتوره
لأحد اقااربك قلت حلووو رحت جبت الأوراق ويعلم الله بعد هجوله
سلمتهم الاوراق قالي يومين ونتصل عليك عشان تختار اللون
جلسو 4 ايام كلمني الموظف يقولي عليك فاتوره تلفون 900 ريال
ياحبيبي انت قايلي جيب اي فاتوره طيب هاذا انا جبتلك الفاتوره تقولي عليك
مبالغ ماتسددت طيب الفاتوره مهب بسمي وانا وش دخلني طيب واللحين انت
واعدني تقولي يومين وتختار اللون قالي شويات واردلك بطلعلهم فوق يقصد الاداره
طبعا هو معطيني رقم جواله ((سحب علي الرجال ماتصل)) دقيت دقيت
مايرد قلت لازم اروح اداهمه في الوكاله رحت الوكاله الا واشووفه واقوله بشر
وش صار قالي والله ماوافقو على تعرفيك يقولون لازم تكون على راس العمل 3 شهور
قلت يا أخي انا يوم عطيتك التعريف انت قلت مايهم قالي هاذي الشروط والله
طيب أنا ماقهرني الا شي واحد:
والله ثم والله ان اوراقي ماراحت الإداره إنها عند الموظف والدليل ماشيك على اوراقي
الا بعد أربعه أيام طيب كيف يقولي يومين واتصل عليك وتختار اللون ونحجز السياره
والله العضيم أشوف اللي معاهم واسطه يمرون سلام سلام لا فاتوره ولاشي
طيب وش ذنبي انا المواطن اللي ماعندي واسطه يعني اتمرمط واتسحب واتبهذل اللين ماتطلع عيوني
وتعيف نفسي من السياره والله اني اقولكم كل حرف وانا مقهووور قهر مايعلم فيه الا الله
ماأقول
إلا حسبي الله ونعم الوكيل عليهم



مقر الوكاله:
الرياض-الملز-شارع الأحساء

يمكن خيره لك ماتدري

أظنك رضي والدين .. وخر عن الشركة كلها

إيش حادك على سياره نهايتها ليموزين ,, تشتري بغالى و تبيع برخيص الرخيص
و مشاكل كهرب ما تخلص و صيانه تقول ببنشري .. يصلح شئ و يخرب ثاني

شف حال موديل الألتيمات 2004 و 2006 و بتفهم
ادخل للصيانه كأنك عميل و بتفهم أكثر
خش منتديات سيارات و شف أيش معنى مع نيسان .. انت تعسان

خــــيرتن لـــك
السيـــارات فضايحــــها كاثــــره

المشاركة الأصلية كتبت بواسطة LiL CAT

أظنك رضي والدين .. وخر عن الشركة كلها

إيش حادك على سياره نهايتها ليموزين ,, تشتري بغالى و تبيع برخيص الرخيص
و مشاكل كهرب ما تخلص و صيانه تقول ببنشري .. يصلح شئ و يخرب ثاني

شف حال موديل الألتيمات 2004 و 2006 و بتفهم
ادخل للصيانه كأنك عميل و بتفهم أكثر
خش منتديات سيارات و شف أيش معنى مع نيسان .. انت تعسان

والله كلام مظبوط 100% وش لك بوجع الراس؟
الهونداي والله اطلق منها

الظاهر انها خيرة لك

لكن هناك تساؤلات في الموضوع

اذا علي فاتورة تلفون و انتم وش لكم شغل .......؟

هنا يجي شي اسمه تحالف تجار بينهم و بين بعض .

اذا تقول بدون دفعه على قلتكم و القصد 1249 شلون يصير 1300 ؟؟؟؟؟؟؟؟

بعدين يا اخي لا واسطات ولا شي و ربي انهم يبونك تجيهم و تاخذ سياره منهم لو تشتري المبه لحالها ما عندهم مشكله لكن تعاااااااااااااااااااااااااااااال

الموظف اللي يبيعك السياره له نسبه من البيع علشان كذى يبون يبعونك باللي هي بوووه

لا تزعل و انا اخوك و ان شاءالله انها عين الخيره لك يا الغلا و ربي يعوضك بخيرا منها

لا عدمتك

انا ابي ارد بس على ليل كات هل انت استخدمت السياره يوم تقول كل يوم خربات هو قال 2010 وانت تقول 2004 - 2006 يعني فرق في كل شي بس المكينه نفسها ومن افضل عشر مكاين موجوده بس المشاكل كلها تعدوها في 2008 والحين 2010 تعتبر افضل من الاكوورد في التجارب والاختبارات يللي سوولها وتقبل مروووريـ يا صاحب الموضوع ...

المشاركة الأصلية كتبت بواسطة يا هووو

انا ابي ارد بس على ليل كات هل انت استخدمت السياره يوم تقول كل يوم خربات هو قال 2010 وانت تقول 2004 - 2006 يعني فرق في كل شي بس المكينه نفسها ومن افضل عشر مكاين موجوده بس المشاكل كلها تعدوها في 2008 والحين 2010 تعتبر افضل من الاكوورد في التجارب والاختبارات يللي سوولها وتقبل مروووريـ يا صاحب الموضوع ...

جرت العاده انه لين تبغا سياره بتشوف موديلها القديم و وضعه و سمعته .. لو غير كذا كان لقيت الجاجور و الميني كوبر و التاون كار و الإنفنتي بكل شارع لو كان هذا هو المقياس للشراء التقنيه و القوه و الفخامه فقط لعامة الشعب

و موديلات الألتيما السابقه تقول غير كذا .. مشكلة الكهرباء و الضفيره .. العزم اللى يضعف كل سنة .. العكوس و المقصات و الرمان اللى يضرب أسرع من أى سيارة ثانيه كانت متواجده بالموديلات السابقه ( من 2006 إلى 2008 ) غير سعرها الغالى بالشراء و المتدنى بالبيع و أسعار قطع غيارها اللى قريبه من الإنفنتي و البي إم دبليو و ملاك النيسان يشهدون

نعم استخدمتها - و لم امتلكها - و كل موديلاتها من 90 لين ال 2008 و حضرت مشاكل كثير لها بالصيانه و هى ما كملت ال 3 شهور بالبلد و سعرها غالى ما تستحقه

انت تتكلم بلغة TOP GEAR مقايس و إختبارات ... طيب على كذا الميني كوبر طلعت كريسيدا و إحنا مانعرف >> حسب المقاييس و الإختبارات

ياخى خلى التجارب لأهلها .. خلنا بتجاربنا السعوديه :

- شف بأى إشاره كم ألتيما واقفه مقارنه بعدد الأكورد و الكامرى و الجراند ماركيز و الفكتوريا
- شف سعر الألتيما بالحراج مقارنه بأى سياره جديده من أى شركه >> سوزوكي خارج الموضوع
- شف حال صيانة نيسان مع الموديلات الجديده بعد شهر من الآن >>> صيانة المشاكل ماهو صيانة 1,000 كيلو

الاربعاء الماضي كنت بخط الملك و حضرت مطارحه بين ألتيما 2010 و سيات ليون 2009 ,, اول مطارحه فازت الألتيما بفارق نص سياره و ثانيها جنب بعض و الثالثه الليون ردت الألتيما سياره كامله وراها و هاذي مشكلة أزليه بمواطير النيسان إنها تسخن بكل قومه - عكس تقنية الفيتيك و الدوش بالهوندا اللى مع كل قومه عزمها يزيد .. الكلام هذا معروف و عندك راعين المطارحات يشرحو لك أكثر بالمسائل هاذي

ايه نيسان عملت شكل جديد و تقنيه ووو .. طيب هونداي عملت السيراتو و الأكسنت و التوسكان بنفس الأفكار .. باقي بس تقلب الكراسي جلد و أنتهينا وفرق السعر ما يقل عن 30,000 و الصيانه 8/10 و قطع الغيار أرخص 40% من نيسان .. طيب إيش اللى يحدنى على الألتيما ؟ العشق ؟ أستأجرها أسبوع و أخلص

على سعر الألتيما أطلع لكزس أصرف .. أقلها المقاعد فيها مكيف و صيانتها 10/10 و سعرها بعد ثلاث سنين ما ينزل لأقل من الثلث - بعكس نيسان اللى سعرها ينزل الثلث بعد سنة ولاتنسى إن 100,000 ك باللكزس يعنى جديده

كلامى ما اقصدك به كشخص .. انا اتكلم عن تجربه مثلي مثل الجميع هنا
أظنك عاشق للنيسان .. مثل أصدقائي اللى عايش معهم مسلسل مكسيكي ماله نهايه: بكل مشكله أقول لهم شوفو ,, أتعظو يردون .. عادى عادي على الضمان >> تصريفه .. ادق عليهم الظهر ألقاهم بالصناعيه يدورون قطع

و كل يومين واحد متصل علي من فجر الله تعال وصلنا الدوام تعال وصلنا الشركه ,, شوي و أشتغل عندهم براتب

و بعد خسارة للوقت و للفلوس >> هذا للضعوف اللى ما يحب المشاكل و يصدق الصيانه النصابه حقت نيسان و يدفع ... يرجعون لى و يقولون و الله كلامك صح السياره هاذي فقرتنا ! وينك من باكر و بكم حتبيع ؟ 23,000

و مالو الصيني يابنى

عموماً .. لاتاخذ كلامى بصفه شخصيه و كل واحد عقله براسه يعرف خلاصه .. اهم شئ لا أحد ملكها و جا يشغل السياره بعز القايله و ما اشتغلت لا يذكر كلام فيه تمجيد للسياره من أحد فينا علشان لأجل الدعاء اللى راح يصيبه

خيره لك نيسان سيارة تصدر اصوات بعد ثلاثه أيام من الشراء

والوكيل مهدد بسحب الوكاله منه .

الجميع يعلم ان شركة نيسان نقلت الى مالك أخر بعد مشاكل قضائيه .. ؟

وقد فصلت هذه الشركة 30% من موظفيها .. بالله كيف يتم

التوفيق لها من عند رب العباد.

للعلم وألأحاطة الوكيل الجبر في الدمام أغلق وكالته في تلك المنطقة

شركة تايوتا تحترم العميل وتعترف بجميع مشاكلها .

قلبتوها اعلانات شراء وهذي احسن من الثانية.. الله يهداكم...

لا تكونوا بس من شله الوكالات وحنا ما ندري هههههههههههه


مقاطع حتى انخفاض الاسعار وارتفاع الجودة للأفضل .. غيره ما عندي... واللي ما يرضى عنده جدران بيته اقرب له من بيتي...