بسم الله الرحمن الرحيم

أرجو أن يكون أعضاء وزوار منتدى مقاطعة بأتم صحة وأحسن حال

في الأيام الماضية كنت ضحية لتلاعب محلات الأجهزة الكهربائية على شدة حرصي منهم لكن قدر الله وماشاء فعل

اشتريت مكنسة كهربائية ولم أعرف أنه سيئة وهذه مشكلة عندنا لابد من القضاء عليها وهي عدم السؤال المهم هي صناعة وطنية قال البائع قوية وتشفط <<<<الفرش كمان بكم قال 300 ريال

اشتريتها ويا ليتني لم أفعل لم تستطع أن تنظف البيت بالشكل المطلوب وهذه صورة المحروسة >>>>>>>

بعد فترة لم يعد الوضع يحتمل البيت كأنه منفضة للغبار والمكنسة المحروسة سالفة الذكر ميبسه راسها فقلت ما بدهاش >>>>>>>>>>أجيب لك إللي يكسر راسك

وأشتري مكنسة كهربائية من ذوات الحسب والجمال صاحبة الصيت المكنسة العظيمة>>>>>> هيتاشي وأطقها بــ 350 ريال

وتطلع أزبل من المحروسة السابقة يكفي عند أول يوم اشتغلت كأنها مخنوقة >>>>>>>> قلت إيه هذي بدايتها>>>>>>>>>>

بصراحة تفاجأت في المستوى السيء الذي وجدته في هذه المكنسة ظننت أن المشكلة تصنيعية وأكتشف فيما بعد >>>>>>>> إن هيتاشي ما عندك أحد الماطور ماليزي ومشها دامها تمشي

مرت الأيام >>>>>>> شكلكم نمتوا >>>>>>> أصحو ما خلصت

نرجع ومرت الأيام ووقعت على مكنسة بالصدفة من شركة أروو الصينية لكن المكنسة تجميع صيني والماطور ماليزي اشتريتها بعد طقاق البائع بــ 250 ريال

والنتيجة كانت مذهلة في قوة الشفط والنفخ أيضا عيبها الوحيد قصر السلك وهذا تقريبا في كل المكانس

مع السلامة

همسة للكسالى ألصق هذه العبارة في الرد

شكرا لك على كتابة هذا الموضوع

الله يعينك .........
اقلب البيت سيراميك وكل يوم امسح الارضية وانتهى الموضوع .

ناشيونال وهيتاشي من كان يوصل لجودتهم !!!
الشركات اليابانيه والامريكيه والاوربيه ياليتهم يبقون المصانع بديارهم ,, ونقبل لو رفعوا الاسعار بسبب ارتفاع الكلفه .. افضل من ان تتدهور صناعاتهم ونخسر فلوسنا بسبب هالتجميع وهالتخبيط
------------------------------

اخوي المحروسة بنت السهم أروو كم وات ؟ وهل عليها ضمان ومن وكيلها ؟

المشاركة الأصلية كتبت بواسطة خالد 1

الله يعينك .........
اقلب البيت سيراميك وكل يوم امسح الارضية وانتهى الموضوع .

على طاري السراميك أنا أدور مكنسة وممسحة كهربائية للسراميك رحت لمحلات أبناء عبدالقادر رجب وجدت أرخص وحده بــ 2900 وهي أصغر حجم لكن شفتها غالية وطيحتها بالآلف قلت أصبر إمكن أحصل عندكم حل في نوع معين ما أدري عنه

أما تمسح السراميك كل يوم >>>>>>> تبغى الأهل
من ينفعني بعدين

عموما شكرا خالد1 على المرور

المشاركة الأصلية كتبت بواسطة جمرة غضا التميمية

اخوي المحروسة بنت السهم أروو كم وات ؟ وهل عليها ضمان ومن وكيلها ؟

إذا ماني واهم إنها 1600 واط وعليها ضمان سنة ووكيلها شركة سهم المستقبل محلاتهم منتشرة وعليها علامة السهم لكن بسم الله ما شاء عليها
لكن
فيه نوعين نوع بلاستيك زي إللي في الصورة وهو أفضل لأن الكفرة إذا انكسرت تحصلين قطع غيارها عند الوكيل بــ 10 ريال
وفيه نوع ثاني استيل وهو أغلى لكن الكفرات تجي على شكل دايره وإذا انكسر واحده ابلش عاد لأنه ما له قطع غيار ولاحتى الإطار كامل بكفراته

للسيراميك والرخام عندك "هوفر "
اشتريتها من اكسترا قبل كم سنة بحدود 1000 وشوي
يجي منها نوع معها " لي " عشان مسح اللي تحت الكنب والدواليب ,وفيه نوع من غير "لي "يعني فقط المكنسة
طبعا اللي من غير "لي" سعرها اقل من الالف
ممتازة تغسل وتنشف لكن عيوبها
1-لها صوت قوي يشيل البيت ,,
"وبعدا عن الازعاج وعسانا نتحمل صوت ولجه العيال خليتها للمجالس والملاحق "
2- تاخذ وقت .. اذا البيت يمسح بساعه او ساعتين بالممسحات العادية هذي تاخذ وقت اطول
لانك لزم تدفعها لقدام عشان تبخ المويه والصابون وبعدها تسحبها عشان تشفط الصابون وهمن تدفعها لقدام عشان تجفف الارض مرة

مميزاتها
الارض تلمع اكثر من اي ممسحة يدويه وخاصه الرخام تخليه مراية ولا تترك اثر لتمسيح مثل بعض الممسحات . والاهم مكان التروبية بين السيراميك اوالرخام مايتغير لونه .. لكن مع اي ممسحة يدوية يتغير لونه وتضطر على تنظيفه على حده كل فتره وفترة ..
حجمها صغير"مثل المكانس الامريكية الواقفه " تركن ولا تاخذ حيز ..
تنظيفها مره سهل , فقط تنظيف خزان الموية الصغير والفرشه تفك وتغسل وترجع .
يمشي معها اي نوع صابون ومطهر مهب شرط نوع محدد ممكن بعد تحط كلوركس .

-----------------------------

وفيه ممسحة يدوية ممتاز وسعرها رخيص ,,بصراحة انصح بها ..
هنا
ممسحة للارضيات " ممسحة الاسفنجية ..ام عصا .. العجيبة "

يا اخي خذ

سيء معروف وارتاح

شكرا لك على كتابة هذا الموضوع

عملت زي ماقلت نسخت ولصقت هههههههههه

اخي العزيز خذ لك مكنسة سانيو الأصلية وبتدعي لي.. وتأكد انها صناعية يابانية لأن فيها صناعة أخرى لا أذكرها أنا اجربها من زمان وما أشتري إلا منها... سعرها تقريبا 650 ريال تزيد او تنقص قليلا

شرط يكون وكيلها الشركة الأساسية فرعها بالرياض مقابل مقبرة العود من جهة الغرب

مكنسة بصراحة لك وللزمن

شكرا لك على كتابة هذا الموضوع ههههههه

انا عندي هيتاشي ( مثل اللي عندك ) وتمشي حاله !!