اسعار سيارات تويوتا من المصنع .... خبر ( سري للغاية )

**أ.الجزراوي** · 30-12-2010, 11:14 AM

السلام عليكم ورحمة وبركاته

اعزائي واخواني حملة خلوها تصدي ( وموديلها يعدي

) حبيت انشر لكم الخبر هذا الذي فعلا جعلني احزن عليكم وعلى الشعب السعودي المضحوووك علييه للأسف الشديد من اكبر حرامي ووكيل في السعودية ابو جميل (تقدرون تسمونه من اليوم ورايح ابو قبييح والله من قبااحه جشعه )ما احب اطيل عليكم هذي قائمه اسعار من مصنع تويوتا لبعض السيارات مذكور فيها الفئة الاقل والفئة الاعلى ( الفل اوبشن )

كوريلا عادي السعر 20 الف ريال
كوريلا فل اوبشن السعر 36 الف ريال
كامري عادي السعر 30 الف ريال
كامري فل اوبشن ( اوتوماتيك فتحه نظام ملاحة 6 سلندر جنوط جلد ) بي 51 الف ريال
اوريون عادي السعر 48 الف ريال
اوريون فل اوبشن السعر 69 الف ريال
افالون عادي 72 الف ريال
افالون ليميتد مع شاشه ملاحة 85 الف ريال
لكزس جي اس عادي 125 الف ريال
لكزس جي اس فل اوبشن 142 الف ريال

هذي الاسعار على موديلات 2009 من المصنع من الفئة الاقل الى الفئة الاعلى والفئة النص فل اكييد راح يكون السعر بينهم لا يزيد ولا ينقص

قارنو الاسعار هذي مع الاسعار اللي عندنا عند ابو قبييح صدقووني دابلها ثلاث مراات

اذا بياخذها بالجملة من المصنع اكييد بيعطوونه سعر اقل من اللي ذكرته فووق سبيشل اوفر

وخلووووووو موديلاات 2009 تصدي عنده

واسمحو لي اذا كان الموضوع متكرر او منقول ....

السموحه
الحمد لله على نعمة العقل .... عندنا الفطيم صح انه حرامي لكن ارحم من حقكم هذا ابو قبيح

**علوي للحجر الطبيعي** · 30-12-2010, 01:07 PM

الله لايوفقه ولايربحه القبيح الحرامي الله يحرق جميع معارضه هو واللي يساندوة والله احباط اكثر من

نصف القيمه يكسب والله حرام

**musaed** · 30-12-2010, 02:39 PM

اخوي احمدوا ربكم على الفطيم والله يهون عند ابو قبيح
هي وقفت على ابو قبيح كل الوكلاء اللي عندنا حرامية لاكن ابو جميل يتصدر قائمة السرقة

**مـ قـ ا طـ ع** · 31-12-2010, 12:57 AM

حسبي الله عليه

**illi** · 04-01-2011, 04:47 PM

والله صادق اخوي

وازيدك من الشعر

ترا LS460l LX570 اسعارها بين 200-220 اذا مرره فل
وهنا تنباع على 380-350 الف حسب المواصفات الترقيع

لنا الله

**هدهد سليمان** · 04-01-2011, 06:31 PM

ربك يعين

والشعب مازال يشتري

**عبدالرحمن الجبابرة** · 04-01-2011, 08:59 PM

عليكم السلام ورحمة الله وبركاته

مرحبًا بأخي أ.الجزراوي

هذا غير ما يأخذونه في الصيانة الدورية التي قيدوا الضمان بها .. تغيير زيت المحرك والفلتر مضاعف ثلاث مرات !
قطع الغيار يفترض أن تكون مخفضة خلال فترة الضمان . ومع الأسف جميع الشركات لاتتقيد بهذا علما بأنهم يحصلون على تخفيضات كبيرة من الشركة المنتجة لقطع الغيار وتحتسب عليهم ضمن " الحمولة المقررة " لكل موديل !
مع الأسف لارقابة على مثل تلك الأمور وتبرير الجهات المسؤولة أن لكل أحد أن يبتاع ويشتري كيفما أراد " كلن حر في ماله "

**زنكلوني** · 04-01-2011, 10:08 PM

البديل ثم البديل الناس لزقة سالفة أبو قبيح أفضل السيارات قد يكون صحيح في زامن قد مضى لاكن خلاص يبي يفتك والناس باقي متمسكه وتحياتي للجميع,,,

**من الزلفي** · 08-01-2011, 12:12 AM

سبحان الله يا
أخواني

شوفو تعامل الكفره برى

تجد الصدق ولا هناكـ غش في مواصفات او اسعار

لكن هنا وهم مسلمين تجدهم يغشون ويلعبون

أتمنى أن نرى وكيل أجنبي فسوف تجد تعامل صادق

**الحل الصعب** · 08-01-2011, 12:44 AM

ههههههههههههههههههههههههههههههههههههه

سري جدا (لو احلف انه من البلاك بيري)

ياناس ارحموا عقولنا شوي كامري بثلاثين الف !! يا اخي مصنوعه من تراب !؟

روقونا يالربع مايصير الكلام هذا كل شي تصدقونه ..لا والمشكلة الردود يدعون عليه وكان الكلام هذا عادي

1_ ابو قبيح نصاب كبير مايختلف عليه اثنين بس مو من ناحية القيمة من ناحية الخدمة الزفت والمواصفات ..بالمقارنة مع الدول الثانية الاسعار متقاربة
2_الايفون للمعلومية مايكلف اكثر من 150 دولار وابل ماتبيعه باقل من 800 دولار وهذا من حق الشركة
3_ وشكرا