شخص باحسن شماغ فقط بـــ35ريال

**مواطن بلا هويه** · 07-10-2010, 04:43 AM

تعرفون مان ديفان صح؟
طيب تعرفون شماغ جيفنشي ودينهل والبسام واي شماغ مكتوب عليه انجليزي اصلي؟
اليكم البيان التالي :
بعد بحث عميق عن مصادر مان ديفان وجميع الاشمغه الموجوده عندنا في السعوديه تبين ان كل منتجات مان ديفان اشمغه واحذيه وكل لوازم الرجل هي مقلده للماركات واستغلال بعض الاسماء العالميه وهي راجعه لمصانع خاصه لمان ديفان (عجلان واخوانه)وان كل اللي في المصنع هم من الجنسيه المصريه يعني يوم يقلك شماغ بـــــــــ500ريال تقله ليه ؟
يقلك انجليزي اصلي
وياليتها توقف على الشماغ حتى الخواتم والكبكات والملابس الداخليه كلها من مصنعهم اللي ماقدرت اعرف موقعه حتى اصحاب المحلات مايدرون عن السالفه يقلوله اذا بغيت بضاعه دق علينا وهو على باله انه اللي يجيه اصلي المسكين مايدري انهم حاطينه موزع للمصنع (هذا باللي يخص مان ديفان)
اما عن بعض الاشمغه اللي تباع في اغلب المحلات ومكتوب عليها انجليزي اصلي كلها واعيد واقول كلها من دبي والله من دبي يعني مقلده وسعرها جمله لايتجاوز 50ريال ويبيعها لك ب200ريال تدرون االشماغ الاصلي في لندن بكم ؟اللي يعرف ناس في لندن يسأل الشماااااااااااغ ب35ريال
انا ياناس ما ابالغ هذا اللي اكتشفته وياليت لو واحد يعرف اكثر ويفيدنا
الله يرحم زمان شماغ العقل هو اللي سعودي اصلي

**ستار نت** · 07-10-2010, 11:36 AM

أنا شريت غترة العيد من سوق شعبي نوعية فاخرة ، ومن خلال الاستخدام لقيت خامتها أصلية
اشتريتها بـ 35 ريال ، ولقيتها في المحلات المتوسطة الفاخرة بين ( 120 - 180 ) ريال،على
أساس انها أصلية .

أمّا الأشمخة فهي (الهبرة) المفضلة للباعة ، لأن شريحة زبائنه اللي يبحثون عن الشي الغالي
عالية مقارنة بشريحة زبائن الغتر .

**الرئيس** · 07-10-2010, 01:02 PM

الشمغ نصب في نصب

**ضاري كنعان** · 07-10-2010, 04:07 PM

الا وش صار على اللي فاتحين محلات مان ديفان .. وش صار عليهم !!

**مـ قـ ا طـ ع** · 07-10-2010, 07:00 PM

لا تعب نفسك بإخصااااااار , في بلدنا كل شيء تقليييييد

**شبه مقاطع** · 08-10-2010, 11:29 PM

هذا حالنا مافي احد يهتم ويراقب صح الكل همه يربحه وما يهم الافضل في النوعيه

**أبوسلام** · 09-10-2010, 03:44 AM

لا تعب نفسك بإخصااااااار , في بلدنا كل شيء تقليييييد

**فارس طيبة** · 09-10-2010, 09:46 PM

لعب على المكشوف
مان ديغان ضحك على الشباب استاجرو واكلوا .......

**مقاطع من الجبيل** · 10-10-2010, 07:44 AM

ودنا احد يبحث لنا ويجيب سر الاشمغه اللي لعبة بالناس وكيفية معرفتها والاصلي منها والتقليد واين تصنع ؟ وبكم في بلد المنشاء وهل تباع هناك

وليس من المعقول بروح لندن اسأل عن شماغ ماراح يعرفونها اصلا
إلا مصنعهاااااااا

وسوف انزل موضوع مشابه عن الاشمغه

**ستار نت** · 10-10-2010, 08:32 AM

الشقيري في برنامج خواطر تناول هذا الموضوع ، لدرجة أنه ذهب إلى لندن

وكَشَفَ المستور