110 فولت مقطوع من السوق

**جو ساقان** · 29-07-2011, 11:27 PM

لي ثلاث ايام ماجاني خبر واعنا المولع واعناه

عفوا لي ثلاث ايام وانا ادور غسالة ملابس .. السوق منقطع من 110 ماعدا انواع قليلة واحيانا تكون للعرض فقط

ياخي عندنا جمارك وهيئة مواصفات وبلد عجيب الحين البيوت كلها 80 بالمئة 110 تقوم تنزل فالسوق 220 ليه ؟؟ اصبر طيب عشر سنين وامنع اي بيت جديد من كهربا 110 بس بالشكل هذا سببتوا ازمة فالبلد .صار لازم كل جهاز تشتريه معه محول يعني وين اذنك ياحبشي .

المشكلة بيتنا من الطراز العريق "القديم" 1- افياش قليلة .. ايام الثمانينات ماكان فيه الا غسالة ومكيف وتلفزيون ثلاث افياش فالبيت كله وصلى الله على محمد .الحين تحتاج فيش لابتوب وفيش جوال وفيش رسيفر وفيش غلاية ودفاية ... الخ

2- معظم افياش البيت 110 بسبب موضة ذاك الزمان يقولون عشان مايضربك شوط وتموت خل التردد ضعيف ههههه .

مايستفاد كيف نحل المشكلة الاجهزة فالسوق معظمها 220 وبعضها مزدوج .. وتغيير التيار فالبيت كامل يعني البدء من الصفر .. فهل المحولات هي الحل الوحيد ؟؟وهل يعتبر حل مجدي فعلا ؟

لنتبادل التجارب في هذا الموضوع

**5faya** · 30-07-2011, 08:20 PM

الان الناس انتقلت الى الخط 320

يعني المفروض انا نتعود على 220

بس طيب ماتقدر تحول خط البيت كله عندك الى 220 ؟؟

بيتنا نفس بيتكم قديم وكل الخطوط 110 ماعدى واحد 220 مسوينه عشان

الثلاجه

وبيني وبينك افضل انها تكون خط 220 كل شوي تبلش بجهاز خط 110

ولا 220 انا مستاجر بشقه الان كلها 220 والمنطقه كلها 220

والاجهزه كلها 220 ومرتااااااااااااااااااح

الله يوفقك

**جو ساقان** · 31-07-2011, 05:46 PM

لا الموضوع اصعب مما تتصور حسب مافهمت انك لازم تسحب من العداد كيبل وتوزع على البيت يعني تحتاج تكسير وشغل متعب

او انك تسحب من اقرب فيش 220 لكن ايضا مشكلة التمديد والتكسير راح يتشوه البيت

**fars2625** · 20-11-2011, 10:42 AM

شفلك كهربائي فاهم يسوي لك التالي

1- تبديل المفاتيح اللي بالعداد الداخلي من مفتاح مفرد الى مزدوج حساس اوتوماتيك
2- يصبح كل مفتاح موصل فيه سلك القاطع الأول المفرد وباقي فيه مدخل فاضي
3- يشيل الاسلاك الموصلة بالمتعادل "النيوترال" الماص ويوزعها على المفاتيح الجديدة بالعداد في الامكنة الفاضية

ويصير كل افياش المنزل 127+127=230 فولت

بس لازم تغير كل الأجهزة اللي تعمل على 110 الى 220