مرحبا

كنت في دبي الأسبوع الماضي
ودخلت كارفور الإمارات مول
وشفت بعض منتجات شركتنا الوطنية اللي واجهتها بطريقي
لأن روحتي ما كان مقارنة الأسعار أحد أهدافها

المهم بالنسبة للبن المراعي أبو اثنين لتر يباع هناك ب10 دراهم بس نسيت أصوره لكم
يعني الموضوع اللي كتبته الأسبوع الماضي وفيه صورة وصلتني من أحد الأقارب ما كان صحيح ..

شفت بطريقي جبن المراعي السايل 500 جرام يباع عندنا ب 15 ريال أما في الإمارات ب 11.45 درهم فقط (فرق العملة بسيط لا يذكر)



أيضا من المنتجات اللي فاجأني سعرها هناك كريمة الخفق من بوك
أجيبها للبيت من هنا بسعر لا يقل عن 18 ريال وآخر مرة شريتها ب 21
شوفوا سعرها بالإمارات .. ياليل الليل .. فقط ب 13.90



الله يرخص الأسعار والله ما عاد نلحق ..

وسلامتكم

حياك اخوي .. تشكر على الموضوع والصور ...


وبالامس أخ بالمنتدى وضع اسعار حليب النيدو باسواق الامارات .. و ايضا الامارات اقل منا ؟!


مهنا رقابة عندنا تردع وتادب المسعورين ..
بالامارات لايستطيع التاجر رفع السعر بدون ماياخذ اذن بذلك ..




بخصوص بوك فيه قشطات خفق من بلدان اخرى افضل من المنتج الدنمركي ..

اولا جهد تشكر عليه ثانيا اذا تركت الحبل على الغارب فما النتيجة المرجوه ثالثا التاجر السعودي يعمل الف حساب للجمعيات التعاونيه وحماية حقوق المستهلك في الامارات وغيرها اما عندنا فالبساط احمدي بدون نجاد

والله قهر يا خوك تدري فرق العملة الف ريال حوالي 8ريال بس وهذا تصدير للامارات والله حرام يعني اغلى وشحن تريلات ايام لين توصل والله حرام عليهم يعني الواجب ينباع عندنا بسبعة ريال الله لا يوفقهم حرام عليهم كلو فلوس الناس والله ظلم باين

الغريب ان بعض دول الخليج الأخرى يتسوقون من المنطقة الشرقية

السؤال :
لماذا تباع منتجاتنا في الخارج بسعر أقل ؟؟؟

حسبي الله عليها شركة المراعي الحين سعر الجبن عندنا اغلى من الامارات ؟!!!! المفروض العكس؟!!

والله إحنا شعب للاسف مضحوك عليه واسمحولي على هالكلمه

اصلاً المفروض المراعي مايسمح له يسوق بضاعته بدول الخليج لان السعودية موارد المياه فيها شحيحة جداً ومنتجات المراعي ( الله لايربحه ) من بقر ودجاج تحتاج الى كميات كبيرة من الماء والشعير والاعلاف ..الخ .. هذا اولاً .

ثانياً بفهم الحين يوم المراعي يبيع الجبن عندهم ارخص يعني مثلاً راحمهم والا خايف منهم والا وش يحس به جعل من يحسحس كراعينه .. مع العلم ان اهل الامارت الله يزيدهم افضل مننا في دخل الفرد (دخل الفرد عندهم 55 الف دولار سنوياً ) اما حنا دخل الفرد مايتجاوز (23 الف دولار ) واشك بعد في هالرقم ...

ثالثاً انا رحت الامارات من كذا اسبوع وفعلاً كل محل ادخل القى ملصق تبع حماية المستهلك مدون عليها عبارات توعوية وارقام للتواصل حتى الكشكات ملصق عليها ..

رابعاً الله يعطيك العافية على هالتقرير

حسبنا الله ونعم والوكيل ’’

ازالهم الله في هذا اليوم المبارك .

انا اقولكم وش المشكلة لان المزرعة في الامارات وليست في السعودية علشان كذا ماعندة تريلات ينقل فيها ولا سواقين ولابنزين ولا فروع للشركة علشان كذا هم ارخص يستاهلون

عادي عادي وين المشكله ؟؟

ياما كلنا على ظهورنا ولا احد حس فينا

لاحماية مستهلك ولا وزارة التجاره

المشكله عيني عينك برفع الاسعار والزيادات

واحنا اللي ماكلينها بوجيهنا